Roma 14:22 - Dadiya NT

²² Nǝtǝm bɨlǝngkɛlɔ mʊ nǝn a dul kanjǝl nɨɨ, bɛ ń ta gǝn a tɨbǝl mʊn jǝbɔ Kwaama. Bwiligɔ na a nʊ nɨ nǝl gǝnɔ a nǝ gǝn bɔ bwɨlangkɛl a dul jʊ bʊʊlalɨ gǝnɔ a do n dǝngdǝngɨ.

Roma 14:22 Referans Kwoze

1 Yohana 3:21

Jǝ́ fatǝm nyan mǝndɨ, na nǝl bǝnɔ a nʊng bǝn bɔ gɔ bǝ nǝb bwɨlangkɛlɨ, bǝ nǝngǝn nǝn kwaan bʊtɔ nɨ bǝ tɨ lɛ a kǝga Kwaamaɨ.

Roma 14:5

Kaa nǝl gǝ kuwo kuwo kaa kum a laa gǝm tangǝn kumtɨnɔ. A kuwotǝm kaa nǝlɨ, pʌd win swar a daa gǝ woi. Bɛ pʌd bǝnɔ bǝ jǝla nǝn jʊ nɨ dǝngdǝngɨ a nǝl bǝn.

Yakubu 3:13

Nʊ nɨ nǝn yʊlan jǝbɔ nyǝmtǝm a kʊm jeni, bɛ ga nʊng a gola yɨm nyan jǝbɔ maajɨ nyan. Bɛ ga maa nǝn yʌbtǝm dul, wʊnɨ jǝ nya lɛ a mʊgɔ yʊlanɨ.

Galatiya 6:1

Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

Roma 14:23

Nʊ nɨ a kɨɨ nǝl, a jaɨ, a gʊ dul gǝnɔ gǝm mwɛl dangǝn, jʊ a bwɨɨ a ja bɔ a gola nǝtǝm bɨlǝngkɛl. Pʌd jʊ nɨ ja maa bɔ a gola nǝtǝm bɨlǝngkɛlɨ, n bwɨlangkɛl.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

Roma 14:14

Mɨ nyǝmatǝm wo a kʊm mɨ nǝbɔ Tɛlalɔ Yesu gɔ, mɨ jʊ nɨ wo mɨ sagsag a tǝltǝm gǝnɔ gǝmɨ. Nʊ nɨ a do gǝn gɔ mɨ sagsag a daa gǝ woi, mɨ sagsag.

Roma 14:2

Nǝtǝm bɨlǝngkɛl kaa nǝlɨ a jǝla gǝm gɔ ga ja pʌd jʊ nɨ gǝ swɨ lɛɨ. Nʊ nɨ nǝtǝm bɨlǝngkɛl gǝnɔ a gɨyaɨ, n jǝjalǝn tɔtwam kwaagɔ gǝ ja lɛɨ.

Maajɨ Bɛtɔ Twamagɨɨ 24:16

N jʊ a bwɨ kwangkwang mǝ sʊ kwaan nɛ, mɨ mǝ nǝn kaa komtǝm wo a nǝl mɨ a kǝga Kwaamaɨ jǝbɔ nǝbɔ.

Roma 7:24

N mwɛ mɨ! N yǝlam jǝ bʊnatǝm! Nuwo jǝg ɨ lɛ a mʊgɔ bʊtɔ nɨ, wʊnɨ yɔ lɛ nǝn mǝ a bwaaɨ?

Roma 7:15

Mǝ nyǝm bɔ jʊ a bwɨ mǝ maa jʊ nɨ nyɨɨ. Jʊ mǝ swɨ lɛ n maaɨ, n ke bɔ jʊ mǝ maa lɛɨ. Jʊ mǝ kɔɨ, n jʊ mǝ maa lɛɨ.

Roma 2:1

A dul kɛl nɨɨ, mɨ mʊ nǝn tabatǝm fɨɨ mʊ nǝfili, mʊ nɨ mʊ maa nǝl gǝm borang lɛɨ. Kwama mʊ maa nǝl gǝm borang lɛɨ, mʊ tǝmʊn ń mwatɨ dul mʊnɔ gǝm borang, jʊ a bwɨɨ mʊ nɨ mʊ maa borang lɛɨ mʊ maa nyɔ tǝmʊn.

1 Korinti 8:7

Ke bɔ nǝbɔ pʌd a nyǝm jʊ nɨɨ. Kaamɨ a gola mɛkatǝm jinɔ jǝbɔ shomi, na jǝ ja jǝjalǝn nɨ lɛɨ jǝ bʊʊla lɛ gɔ ja tǝlam shomɔ gǝm twama. Na nǝl jinɔ a nʊng ji gɔ kɛna n bwɨlangkɛl jǝ maaɨ, ji nǝn gunidul a kǝga Kwaamaɨ.