Roma 14:2 - Dadiya NT

² Nǝtǝm bɨlǝngkɛl kaa nǝlɨ a jǝla gǝm gɔ ga ja pʌd jʊ nɨ gǝ swɨ lɛɨ. Nʊ nɨ nǝtǝm bɨlǝngkɛl gǝnɔ a gɨyaɨ, n jǝjalǝn tɔtwam kwaagɔ gǝ ja lɛɨ.

Roma 14:2 Referans Kwoze

1 Timoti 4:4

Jʊ nɨ Kwaama a fwal pʌdi na a nyan. Ka jǝ́ kɔ lɛ kaa jǝl na jǝ́ kwɛl jǝ́ yo nǝn buutǝm kangɨ,

Roma 14:14

Mɨ nyǝmatǝm wo a kʊm mɨ nǝbɔ Tɛlalɔ Yesu gɔ, mɨ jʊ nɨ wo mɨ sagsag a tǝltǝm gǝnɔ gǝmɨ. Nʊ nɨ a do gǝn gɔ mɨ sagsag a daa gǝ woi, mɨ sagsag.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

Galatiya 2:12

Nǝn tɨkǝga gǝ ja jǝjalǝnɔ dakini jǝbɔ Bʌtʌbɔ. Nǝngɔ Yakubu a twam kaam nǝb a Antakiyaɨ, nǝngɔ Bitrus a gun a jǝgǝm dul gǝnɨ. A maa nyɔ jʊ a bwɨɨ nyʊwa taal nǝb nɨ lɛ swɨ lɛ ja biyo Bʌtʌbɔ gǝm mwɛnɨ.

Ibranii 9:10

Diiltɨn nɨ gǝ nʊng jatǝm jǝjalǝn, jǝbɔ jǝ nɔɔlǝng, jǝbɔ kanjǝl saaltǝm bʊtɔ jǝ maa lɛ kwaagɨɨ. Diiltɨn nɨ n maajɨ bʊtɔɨ, dɨ maajɨgɔ nǝn kwama nɨ diil fɨgɔ a jeli.

Titus 1:15

Nǝb nǝl sagsagɔ, kanjǝlɔ gwam sagsag a daa ji woi. Nǝb nɨ mɨ nǝn nǝl sagsagɨ, ja nǝ bɔ bɨlǝngkɛlɨ, mɨ kaa jǝl wo sagsag a daa ji woi. Nǝl jinɔ jǝbɔ bʊʊlalɨ jinɔ gwam mɨ sagsag.

1 Korinti 10:25

Jǝ́ ja nam nɨ gwam jǝ miyo lɛ a gamdʌboi, ka jǝ́ bʌ lɛ kɛl a dul gǝn, kage a yǝlam jem komʌn a mʊgɔ nǝl.

Roma 14:1

A dul nʊ nɨ nǝtǝm bɨlǝngkɛl gǝnɔ a kwam bɨɨ, bɛ jǝ́ yo gǝn kangɔ yo yo. Ka jǝ́ gʊbka lɛ a dul jʊ nɨ nǝl gǝnɔ swɨ lɛɨ.

Roma 14:20

Bɛ ka ń kʌb lɛ maajɨ Kwaamaɨ a kɛl dul jǝjalǝn. Bɨlǝngǝn, jǝjalǝnɔ gwam sagsag, a kaa gola n bwɨlang jǝl na jǝjalǝn nɨ nǝfili ja lɛɨ yǝlam yǝlam jǝ fǝtǝm naa a daa kaa nǝl woi.

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

1 Korinti 8:9

Bɛ jǝ́ fɛ jǝ́ dʌng, kage nyatǝm dul jenɔ nɨ a yǝlam tɛl fǝtǝm naa a nǝb nɨ nǝl jinɔ a bɨ bɨɨ.

1 Korinti 9:22

A nǝb nɨ a gɨyaɨ, n yǝlam na nʊ nɨ a gɨya gɨyaɨ, sǝ n gʊ nǝb nɨ a gɨyaɨ a daa Kiristi woi. N yǝlam jǝl gwam a daagɔ nǝbɔ woi gwam, na gǝ wɛ dwalɨ sǝ n bʊʊ nǝn kaamɨ.