Roma 14:1 - Dadiya NT

¹ A dul nʊ nɨ nǝtǝm bɨlǝngkɛl gǝnɔ a kwam bɨɨ, bɛ jǝ́ yo gǝn kangɔ yo yo. Ka jǝ́ gʊbka lɛ a dul jʊ nɨ nǝl gǝnɔ swɨ lɛɨ.

Roma 14:1 Referans Kwoze

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

1 Korinti 9:22

A nǝb nɨ a gɨyaɨ, n yǝlam na nʊ nɨ a gɨya gɨyaɨ, sǝ n gʊ nǝb nɨ a gɨyaɨ a daa Kiristi woi. N yǝlam jǝl gwam a daagɔ nǝbɔ woi gwam, na gǝ wɛ dwalɨ sǝ n bʊʊ nǝn kaamɨ.

Roma 15:7

Jǝ́ yobka kangɔ yo yo, kanga Yesu Kiristi a yo jen kangɔ yoi, sǝ ja bǝlá Kwaama.

Roma 14:21

A bʊm nyɔ ka ń wo lɛ nam, ka ń nɔɔ lɛ bʊgɛ, ka ń maa lɛ jʊ nɨ gwam dǝg kɨla mɔ lɛ a fǝ naaɨ.

2 Yohana 1:10

Nʊ nɨ a bɛ a daa jen woi, a bɛ bɔ nǝn mɛlalɨ nɨɨ, ka jǝ́ yo gǝn nɛ a lɔ jen, ka jǝ́ yal gǝn nɛ nǝn bɛtǝmɔ.

Roma 4:19

Nǝtǝm bɨlǝngkɛl gǝnɔ a yʌb bɔ. A dʌng bɔ kwaan bʊtɔ gǝnɔ nɨ a maa na bʌlʌni, jʊ a bwɨɨ jol gǝnɔ a la fʊlkʊb win a kwama gɔ. A dʌng bɔ gɔ Saratu a shu kwaan bʌtʌm bwɛ.

Luka 17:2

A laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma, na gǝ dǝg dǝg kaa win a kʊm bɛtɔ dwalǝn nɨ a maa bwɨlangkɛlɨ.

Matta 14:31

Tʌgo a kang nǝngɔ Yesu a mal kang gǝnɔ a ta gǝnɨ, nǝngɔ a sʊwa gǝn gɔ, “Mɔ nǝ nǝtǝm kǝlɨ bɨlǝngkɛl, n wɛ a bwɨ mʊ kǝma lɛɨ?”

Matta 12:20

Mɨsɔ kǝl mɛlang nɨ lɛ a lʊʊ lʊʊɨ, mɨsɔ dum kǝla nɨ lɛ saa dumotǝm lɛɨ, a yɔ nǝn a kwama nɨ a dǝg bɨlǝngkɛlɔ la ku jelʌni.

Filibii 2:29

Bɛ jǝ́ yo gǝn nǝn fulotǝm nǝl dangǝn a mʊgɔ Tɛlalɔɨ. Bɛ jǝ́ nǝ nǝb nɨ na gɨɨ dʊʊn,

Yohana 13:20

Bɨlǝngkɛl, mǝ sʊwa jen nɛɨ, nʊ nɨ a yo nʊ nɨ mǝ twamɨ, a yo i. Nʊ nɨ a yo ii, a yo nʊ nɨ a twam ɨɨ.”

Matta 18:10

“Bɛ jǝ́ nyǝm, ka jǝ́ soga lɛ kaa win a mʊgɔ bɛtɔ dwalǝn nɨ, jʊ a bwɨ mǝ sʊwa jen jʊ nɨ lɛɨ, bɛtɔ twama jinɔ a dʌbʌl kwamaɨ, kwangkwang jǝ dʌng kǝga Tɛtɛ mɨɨ nɨ lɛ a dʌbʌl kwamaɨ. [

Markus 7:19

A dɔ bɔ a mʊgɔ nǝl, a dɔ mʊgɔ fʌl, jel nyɔ tag a bʊtɔ jen a daa tɛltǝm fʌl.” (A dul kɛl nɨɨ, Yesu a jǝla nǝn jǝjalǝnɔ gwam.)

Maajɨ Bɛtɔ Twamagɨɨ 28:2

Nǝbɔ a tǝm gɨɨ, ja maa nǝm jǝ nya dangǝn nǝn bɨlǝngǝn. Ja yo nǝn gwam, ja mʊʊ nǝm kǝlagɔ, jʊ a bwɨɨ mwɛmɔ swiyo lɛ, juulɔ maa lɛ.

Roma 11:15

Na kɔtǝm jinɔ ja maaɨ a yǝlam gola fɛkalɨ yooligɔ jǝbɔ Kwaamaɨ, na Kwaama a yo ji tagɨ, a yǝlam na fulotǝm nǝn kʊlɨ a mʊgɔ bwaa.

Roma 14:2

Nǝtǝm bɨlǝngkɛl kaa nǝlɨ a jǝla gǝm gɔ ga ja pʌd jʊ nɨ gǝ swɨ lɛɨ. Nʊ nɨ nǝtǝm bɨlǝngkɛl gǝnɔ a gɨyaɨ, n jǝjalǝn tɔtwam kwaagɔ gǝ ja lɛɨ.

Roma 14:3

Bɛ ka nʊ nɨ gǝ ja jǝjalǝn nɨ lɛ gwamɨ, ya soga lɛ nʊ nɨ jǝgam lɛ jǝgamɨ. Bɛ ka nʊ nɨ jǝgam lɛ jǝgamɨ, ya kuwo bwɨlan nʊ nɨ lɛ ja lɛ gwamɨ, jʊ a bwɨɨ Kwaama a kwɛl a yo gǝn yoi kangɔ yo.

1 Tasalonikaɨ 5:14

Nǝn kel jen kambɔ, jǝ́ gʊ nǝb sʊlagɔ gǝm lɔl. Jǝ́ kʊʊ nǝb nɨ mɨ nǝn kwamǝn nǝlɨ gǝm nǝl. Jǝ́ tɨka nǝbɔ a gɨyaɨ. Jǝ́ kʊ nǝl jǝbɔ nǝbɔ gwam.

Ibranii 5:14

Jǝjalǝn kwamɨgɔ na a nǝb nɨ a dʊʊlɨ, nǝb nɨ bʊʊlalɨ jinɔ a nya mwɛl dwiyen jǝbɔ kwangkwangɨ. Ja nyǝm jǝ nyan jǝbɔ jǝ bwɨla.