Roma 13:13 - Dadiya NT

¹³ Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Roma 13:13 Referans Kwoze

Galatiya 5:21

jǝbɔ nungon bwɨlan, jǝbɔ nɔɔtǝm bʊgɛ ya maa ń nɛ, jǝbɔ mʊrkatǝm dul nɨ bɛ lɛ nǝn kanjǝl nɔɔlatǝm nɨ ke bɔ a nyaɨ, jǝbɔ tangǝn kanjǝl nɨ nyɨɨ. Mǝ fɛ mǝ gʊ lɔl jenɔ lɛ kanga mǝ kwɛl mǝ sʊwa jen sʊwaɨ galɨgǝnɨ, mǝʊ nǝb nɨ maa jʊtǝb nɨ lɛɨ mɨsɔ jǝ nya kʊlɨ lɛ a fɔlɔn lɔ Kwaamaɨ.

Afisa 5:18

Ka jǝ́ nɔɔ lɛ bʊgɛ a maa jen, wʊnɨ kal kʊlɨ jenɔ lɛɨ. A laa jǝl jǝ́ yii nǝn Yʊwa.

1 Tasalonikaɨ 4:12

Jǝ́ maa nyɔ sǝ nǝb nɨ ke bɔ nǝb bwangtǝmɨ ja nǝ jen dʊʊn. Ka jǝ́ ya lɛ nǝbɔ gǝm tuulo.

1 Yohana 2:6

Nʊ nɨ gwam sʊwa lɛ gɔ gǝ yǝm a mʊgɔ Yesui, bɛ ga yɨ yɨm nɨ Yesu a yɨɨ.

Afisa 5:15

Bɛ jǝ́ kɨla yɨm jenɔ. Ka jǝ́ yɨ lɛ yɨm swɛlatǝm. Jǝ́ yɨ yɨm a nǝb yʊlanɨ.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

Luka 21:34

“Jǝ́ yɨ nǝn fɛkalɨ. Bɛ ka jǝ́ jǝla lɛ jatǝmɔ, jǝbɔ nɔɔtǝmɔ, jǝbɔ komʌn kanjǝl yooli nɨ a tangǝm nǝn jen a bwangtǝm mɨ, kage kɔkɔgɔ ba do jen nǝn dul

1 Tasalonikaɨ 5:17

Ya jǝ́ maa keligɔ lɛ mɨ tɨtǝm wo.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Yahuza 1:23

Jǝ́ bʊʊ nǝn kaam nǝbɔ, maamɔ jǝ́ gʊm ji a kǝla. Tangǝn jinɔ jǝ́ ji bʊnǝn jinɔ nǝn nyʊwatǝm taal jʊ ja maaɨ a mʊgɔ nǝl jen, ka jǝ́ maa lɛ jʊ ja maaɨ. Jǝ́ sama kang a bɛllɛtɨn jinɔ gǝm wʊnɨ ja kal nǝn bwɨlang nǝl na yɨm nǝfilii.

2 Yohana 1:4

N maa fulotǝm nǝl dangǝn jǝbɔ kaam bɛtɔ lɔ mʊɨ, jǝ bwangtǝn bɨlǝngkɛlɔ lɛ kanga Tɛtɛ a nǝ bǝn diili.

Yakubu 4:5

Kɛl Kwaamaɨ a sʊwa gɔ, “Kwaama maa nungon nɛ a dʊʊmɨ nɨ ga dǝg a bʊtɔ bǝnɨ.” Jǝ́ kuwo lɛ mʊlalɨ kɛl Kwaamaɨ a sʊwa nǝn kwan ka?

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Filibii 2:3

Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

Afisa 5:8

Galɨgǝn jǝ́ na a mʊgɔ kumtojili. Kǝngkɔ jǝ́ na a mʊgɔ nyalǝm Tɛlalɔɨ. Jǝ́ maa yɨm nǝb nɨ a nyalǝmɨ.

Afisa 4:17

Mǝ sʊwa jen nɛ, mǝ sʊtǝn sʊwatǝm jenɔ lɛ a mʊgɔ dun Tɛlalɔɨ, ka jǝ́ yɨ lɛ na Bʌtʌbɔ tag, nǝb sʊwalatǝm katɨ nǝn kwan a bʊʊlalɨ jinɔ gǝm.

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

Galatiya 5:19

Bʊʊlalɨ bʊtɔgɔ gǝ na a talɨ. Bʊʊlalɨ bʊtɔgɔ nǝn gɔ, maatǝm bulon, jǝbɔ yɨm nɨ mɨ sagsagɨ, jǝbɔ maatǝm jʊtǝb nɨ a bʊm bɔ kuwotǝmɨ,

Maajɨ Bɛtɔ Twamagɨɨ 2:15

Nǝb nɨ bʊgɛ a maa ji bɔ kanga jǝ́ bʊʊla lɛɨ, jʊ a bwɨɨ kǝngkǝnɨ kemʌnɔ a shu bɔ tʊlkʊb a kumsʌl!

Luka 16:19

Yesu a sʊwa ji gɔ, “Kaa nǝ shilo wo, gǝ dʊʊ dwang nyantɨn kwangkwang, gǝ ja jǝjalǝn nyan kwangkwang.

Luka 1:6

Gwam jinɔ nɨ yoi jǝ nǝb dǝngdǝng a kǝga Kwaamaɨ, jǝ kɨla diiltɨn Tɛlalɔɨ lɛ kanga ja mʊla a langǝn bwangǝn Kwaamaɨ. Mɨ ji nǝn jǝ tuwol.

1 Korinti 3:3

A bɛ nǝn a kǝngkɨɨ, jǝ́ na a bʊʊlalɨ nǝfitʌmi. Na nungon wo jǝbɔ gʊbkatǝm a kʊm jeni, jǝ́ ke bɔ a yooli ka? Ke bɔ maajɨ bʊtɔ jǝ́ maa lɛɨ ka?