Roma 13:12 - Dadiya NT

¹² Kumɔ a kwɛl a shu shui, tǝmɔ ya saa sɛltǝm lɛ. A dul kɛl nɨ, bɛ bǝ jǝgǝm maajɨ kumtojiligɔ. Bɛ bǝ dʊʊ kanjǝl tatǝm kun na nyalǝmɔ.

Roma 13:12 Referans Kwoze

Afisa 5:11

Bɛ ka kaa jǝl ya mʊrka jen nɛ jǝbɔ kanjǝl kumtojili. Na gǝ na nyɨɨ, bɛ jǝ́ jǝg bwɨlan jinɔ a talɨ.

2 Korinti 6:7

Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

Dʊgam Nyangnyang 22:10

Nǝngɔ a sʊwa ɨ gɔ, “Bɛ ka ń bʊltɨ lɛ kɛltɨn kuwotǝmkǝga langǝn bwangǝn nɨ, jʊ a bwɨɨ kwamagɔ a dwama kanjǝl nɨ bwɨm lɛɨ.

1 Bitrus 2:1

A dul kɛl nɨɨ, jǝ́ bǝla maatǝm shilɔ wo, jǝbɔ swagkatǝmɔ, jǝbɔ maatǝm fento, jǝbɔ nungon, jǝbɔ tuwolkatǝmɔ gwam.

Dʊgam Nyangnyang 1:3

Bɛ bwiligɔ a ta tʌgo gwanggwang a nʊ nɨ kiyo kɛl kuwotǝmkǝga nɨ lɛɨ. Bɛ bwiligɔ a ta tʌgo gwanggwang a nǝb nɨ nyʊwa lɛɨ jǝbɔ nǝb nɨ kɨla mʊlalɨ nɨ lɛ a mʊgɔ gǝnɨ, jʊ a bwɨɨ kwamagɔ a dwama.

1 Korinti 7:29

Jʊ mǝ kuwo lɛɨ kambɔ, kwama nɨ Tɛlalɔ bɛm lɛɨ ya la lɛ. A kǝga nɨ, nǝb nɔɔtǝmɔ bɛ ja yɨɨ maamɔ mɨ ji nǝn.

1 Korinti 10:11

Jʊ nɨ a bwɨ nǝn ji gwam sǝ a yǝlam bǝm mɛlalɨ. Ja mʊla ji sǝ a gʊ bǝm lɔl, bǝn nɨ dɨltǝm yooli nɨ a bɛ bǝmɨ.

2 Korinti 10:4

Kanjǝl tatǝm kun nǝnɔ n ke bɔ a yooli. N kwaan Kwaamaɨ, wʊnɨ gǝ kʌb kanjǝl kwaan Mammɨ lɛɨ.

Afisa 5:8

Galɨgǝn jǝ́ na a mʊgɔ kumtojili. Kǝngkɔ jǝ́ na a mʊgɔ nyalǝm Tɛlalɔɨ. Jǝ́ maa yɨm nǝb nɨ a nyalǝmɨ.

Ibranii 10:25

Bɛ ka bǝ bǝla lɛ mʊrkatǝm dakini, bǝ bǝlá Kwaama kanga kaam nǝbɔ maa lɛɨ. Bɛ bǝ ja kǝga ya bǝ kʊʊka nǝl lɛ, kanga jǝ́ kuwo kɔkɔ nɨ a dwamaɨ.

Ibranii 12:1

Na nɨ mʊrkalɨ nǝb nǝtǝm nyiyogɔ a lada nyɔ ja kang bǝn jǝ dʌng bǝn nɛɨ, bɛ bǝ tǝlam kanjǝl tuulogɔ jǝbɔ bwɨlangkɛl nɨ a ta bǝn gʊ bǝn nɛ nǝn guli, bɛ bǝ mwal sʊgɔl laakatǝm nɨ a kǝga bǝnɨ nǝn kʊtǝm nǝl.

Yakubu 5:8

Jen tʌjen bɛ jǝ́ yɨ nǝn bwatǝm nǝl, jǝ́ kʊʊ nǝl, jʊ a bwɨɨ bɛtǝm Tɛlalɔɨ a dwama.

1 Bitrus 4:7

Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.

2 Bitrus 3:9

Tɛlalɔ mɨ gǝ tɨla lɛ nǝn swatǝm yaa gǝnɔ, kanga kaamɨ gǝ do tatǝm bʊtɔ lɛɨ. N nǝ bwatǝm nǝl a daa jen woi. A swɨ bɔ kaa nǝl a kala. Swɨ lɛ nǝbɔ gwam a yǝla a bǝla bwɨlangkɛl jinɔ.

2 Bitrus 3:11

Kanjǝl nɨ gwam kala kala. A dul kɛl nɨɨ, n yɨm won a bʊm jǝ́ maa lɛ kǝngkɨɨ? Bɛ jǝ́ yɨ yɨm sagsag. Bɛ jǝ́ yɨ yɨm nǝn nǝl Kwaamaɨ.

1 Yohana 2:18

Jen jǝ́ bɛtɔ dwalǝnɔ, n jol dɨltǝm. Kanga jǝ́ nyʊwaɨ, nǝ kii Kiristii bɛ lɛ, kǝngkɔ nyɔ nǝb kiim Kiristii a lada nyɔ ja bɛ. N jʊ a bwɨ bǝ nyǝm lɛ jol dɨltǝmɔ a bɛɨ.