Roma 13:11 - Dadiya NT

¹¹ N wɔ tag jǝ́ kwɛl jǝ́ nyǝm nyǝmɨ jol nɨ bǝn a mʊgɔ gǝnɨ, kwamagɔ a kwɛl a la jǝ́ kǝla lɛ a nu dumi. N wɔ kǝngkɔ bǝ kwɛl bǝ la nǝn dɔɔm jǝbɔ nyatǝm bʊʊtǝm nǝn kwama nɨ bǝ tǝlǝm nǝtǝm bɨlǝngkɛlɨ.

Roma 13:11 Referans Kwoze

1 Bitrus 4:7

Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.

Afisa 5:14

N jʊ a bwɨ ja sʊwa gɔ, “Kǝla, mʊ nʊ nɨ mʊ daa dum lɛɨ. Gun a bwaa. Kiristi nʊng nʊng nyalǝm a dul mʊn.”

1 Korinti 15:34

Jǝ́ yǝla jǝ́ bɛ a bʊʊlalɨ nyan jenɔ gǝm. Jǝ́ bǝla yɨmɔ wo a mʊgɔ bwɨlangkɛl. Kaam jenɔ a nyǝm bɔ Kwaama. Mǝ sʊwa nyɔ, sǝ jǝ́ nyʊwa gunidul.

Dʊgam Nyangnyang 22:20

Nʊ nɨ a nǝ nyiyo a dul kanjǝl nɨ, a sʊwa gɔ, “Bɨlǝngǝn, mǝ bɛ lɛ mɨsɔ kʊta lɛ.” A daa nyɔ. Bɛ, Tɛlalɔ Yesu.

Luka 21:28

Na kanjǝl nɨ a tǝl bwɨ lɛɨ, bɛ jǝ́ gung dul jenɔ, jǝ́ dʌng dʌbʌlɔ, jǝgtǝm jenɔ a dwama.”

Dʊgam Nyangnyang 22:12

“N wɔ, mǝ bɛ lɛ mɨsɔ kʊta lɛ! Lǝma mǝndɨ gǝ na a daa mǝ woi. Mǝ nǝ nǝ nǝbɔ pʌd a yɔ dǝngdǝng jǝbɔ jʊ ja maaɨ.

1 Korinti 10:11

Jʊ nɨ a bwɨ nǝn ji gwam sǝ a yǝlam bǝm mɛlalɨ. Ja mʊla ji sǝ a gʊ bǝm lɔl, bǝn nɨ dɨltǝm yooli nɨ a bɛ bǝmɨ.

Matta 16:3

Na nǝn kumsʌl jǝ́ kuwo langǝn lulɔ a fo a gaba dʌbʌlɔ nyɨɨ, jǝ́ sʊwa sʊwa jengɔ, ‘Dwiyen jǝ maa maa yʊwa mwɛ.’ Jǝ́ nyǝm yǝlatǝm dʌbʌl kwamagɔ, mɨsɔ jǝ́ dwal lɛ jǝ́ nyǝm jʊ yǝlatǝm joltɨn nɨ nʊng lɛɨ.

Yakubu 5:8

Jen tʌjen bɛ jǝ́ yɨ nǝn bwatǝm nǝl, jǝ́ kʊʊ nǝl, jʊ a bwɨɨ bɛtǝm Tɛlalɔɨ a dwama.

2 Bitrus 3:9

Tɛlalɔ mɨ gǝ tɨla lɛ nǝn swatǝm yaa gǝnɔ, kanga kaamɨ gǝ do tatǝm bʊtɔ lɛɨ. N nǝ bwatǝm nǝl a daa jen woi. A swɨ bɔ kaa nǝl a kala. Swɨ lɛ nǝbɔ gwam a yǝla a bǝla bwɨlangkɛl jinɔ.

2 Bitrus 3:11

Kanjǝl nɨ gwam kala kala. A dul kɛl nɨɨ, n yɨm won a bʊm jǝ́ maa lɛ kǝngkɨɨ? Bɛ jǝ́ yɨ yɨm sagsag. Bɛ jǝ́ yɨ yɨm nǝn nǝl Kwaamaɨ.

1 Yohana 2:18

Jen jǝ́ bɛtɔ dwalǝnɔ, n jol dɨltǝm. Kanga jǝ́ nyʊwaɨ, nǝ kii Kiristii bɛ lɛ, kǝngkɔ nyɔ nǝb kiim Kiristii a lada nyɔ ja bɛ. N jʊ a bwɨ bǝ nyǝm lɛ jol dɨltǝmɔ a bɛɨ.

Dʊgam Nyangnyang 1:3

Bɛ bwiligɔ a ta tʌgo gwanggwang a nʊ nɨ kiyo kɛl kuwotǝmkǝga nɨ lɛɨ. Bɛ bwiligɔ a ta tʌgo gwanggwang a nǝb nɨ nyʊwa lɛɨ jǝbɔ nǝb nɨ kɨla mʊlalɨ nɨ lɛ a mʊgɔ gǝnɨ, jʊ a bwɨɨ kwamagɔ a dwama.

Dʊgam Nyangnyang 22:10

Nǝngɔ a sʊwa ɨ gɔ, “Bɛ ka ń bʊltɨ lɛ kɛltɨn kuwotǝmkǝga langǝn bwangǝn nɨ, jʊ a bwɨɨ kwamagɔ a dwama kanjǝl nɨ bwɨm lɛɨ.