Roma 12:7 - Dadiya NT

⁷ Na nǝtǝm lǝma bǝnɔ na maatǝm nǝbɔ gǝm maajɨɨ, bɛ bǝ maa maajɨ nǝn. Na na a mɛlalɨ kɛl Kwaamaɨ, bɛ bǝ maa mɛlalɨgɔ nǝn.

Roma 12:7 Referans Kwoze

Afisa 4:11

Nǝn gɔ a ya kaamɨ ja yǝlam bɛtɔ twamaɨ, kaamɨ n nǝbkuwotǝmkǝga, kaamɨ n kiyotǝm fulon kɛl lǝmɨ, kaamɨ n nǝb tɔɔtǝm jǝbɔ mɛlalɨ.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

1 Timoti 5:17

Nǝb dʊʊm nɨ maa maajɨ lɛ dǝngdǝng a mʊrkalɨ nǝb bwangtǝm Kwaamaɨ, bɛ ja nǝ ji dʊʊn a lada, ja ywa ji dangǝn, a ga keli a nǝb dʊʊm nɨ kiyo kɛl Kwaamaɨ lɛɨ jǝbɔ mɛlalɨɨ.

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

2 Timoti 2:24

Bwɛ jwaalɛ Tɛlalɔɨ mɨsɔ yǝlam nǝ saatǝm kɨlan nɛ. Bɛ a yǝlam nǝ maatǝm jǝ nya a daagɔ nǝbɔ woi, jǝbɔ nʊ nɨ a nyǝm mɛlalɨɨ, jǝbɔ nǝ kʊtǝm nǝl,

2 Timoti 2:2

Kanjǝl nɨ mʊ nyʊwa a daa mǝ woi, a kǝga nǝb nǝtǝm nyiyo nɨ a lada nyɨɨ, bɛ ń nǝ nǝb nɨ a ta swatǝm yaaɨ, nǝb nɨ tʌji dwal lɛ a mɛla kaam nǝbɔ gǝmɨ.

1 Timoti 4:16

Bɛ ń fɛ dʌng dul mʊnɔ jǝbɔ mɛlalɨ mʊnɔ. Bɛ ń ya ń maa lɛ nyɔ. Maatǝmɔ nyɨɨ nǝn gɔ mʊ bʊʊ lɛ nǝn dul mʊnɨ jǝbɔ nǝbɔ nyʊwa ń nɛɨ.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

1 Timoti 2:7

N dul kɛl nɨ Kwaama a jǝg ɨ nǝ sʊwatǝm kɛl gǝnɨ, jǝbɔ bwɛ twama, nʊ nɨ mɛla Bʌtʌbɔ gǝm bɨlǝngkɛl lɛ jǝbɔ nǝtǝm bɨlǝngkɛlɨ. Mǝ sʊwa bɨlǝngkɛl, ke bɔ gabakɛl.

Kolosii 4:17

Jǝ́ sʊwa Arkibus a tagǝm maajɨ nɨ Tɛlalɔ a nǝ gǝnɨ.

Galatiya 6:6

Nʊ nɨ ja mɛla gǝm kɛl Kwaamaɨ, bɛ ga tǝga jǝ nyan nɨ gwam gǝ nǝnɨ jǝbɔ nʊ nɨ a mɛla gǝmɨ.

1 Korinti 12:28

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Maajɨ Bɛtɔ Twamagɨɨ 20:20

“Mǝ bǝla bɔ sʊwatǝm jenɔ jʊ nɨ maa jem tɨkalɨ lɛɨ. Mǝ kiyo jem kɛl Kwaamaɨ lɛ jǝbɔ mɛlalɨ gǝnɔ a talɨ, lɔ jǝbɔ lɔ.

Maajɨ Bɛtɔ Twamagɨɨ 6:1

A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum.

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

1 Korinti 12:5

Golantɨn maatǝm maajɨgɔ nǝn dʌmʌn, Tɛlalɔ win.

1 Korinti 14:26

Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.