Roma 12:16 - Dadiya NT

¹⁶ Jǝ́ yɨ yɨm kwamɨgǝn jǝbɔ kambɔ. Ka jǝ́ nʊng lɛ dʊʊlǝn dul. Bɛ jǝ́ yǝlam fatǝm nǝb nɨ ja ya ji bɔ a nyiyo jǝlɨ. Ka jǝ́ do lɛ dul jenɔ jǝ́ laa tangǝn nǝbɔ yʊlan.

Roma 12:16 Referans Kwoze

1 Bitrus 3:8

A dɨltǝmɔ gǝm, gwam jenɔ, jǝ́ yɨ yɨm mʊrkatǝm dul a kʊm jen. Jǝ́ yǝlam nǝb jikokatǝm bʊnǝn. Jǝ́ yǝlam nǝb swɨkatǝm, jǝbɔ nʊngtǝm nǝl lǝmǝn, jǝbɔ yʌbtǝm dul.

Ibranii 13:5

Bɛ ka bʊʊlalɨ jenɔ ya yǝlam lɛ na swɨtǝm kemʌn. Bɛ jǝ́ maa fulotǝm nǝl nǝn jʊ jǝ́ nǝnɨ, jʊ a bwɨɨ Kwaama a sʊwa gɔ, “Mɨsɔ mǝ bǝla ń nɛ wo. Mɨsɔ mǝ kɔ ń nɛ wo.”

Roma 15:5

Kwaama nɨ nǝ kʊʊtǝm nǝl lɛ jǝbɔ bwatǝm nǝlɨ, bɛ a nǝ jen yɨm nyan jǝbɔ kambɔ a bwangtǝm Yesu Kiristii,

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

1 Korinti 3:18

Bɛ ka ń swag lɛ dul mʊnɔ. Na kaa nǝl a kʊm jen kuwo lɛ gɔ gǝ nǝ yʊlanɨ, kanga yooligɔ a do yʊlanɨ, bɛ ga do dul gǝnɔ gǝ nǝ fʌmʌn, sǝ ga yǝlam nǝ yʊlan.

2 Korinti 13:11

A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Luka 14:13

Kwama mʊ jo nǝb jatǝm jǝjalǝn nɛɨ, bɛ ń jo nǝbɔ mɨ nǝn jǝlɨ, bɛ ń jo nǝbɔ mɨ nǝn naaɨ, jǝbɔ nǝbɔ bʊtɔgɔ a swam swamɨ, jǝbɔ kululʌmɔ.

1 Korinti 8:2

Nʊ nɨ kuwo lɛ gɔ gǝ nyǝm kaa jǝlɨ, lǝga bɔ a nyǝm jʊ nɨ a bʊm na gǝ nyǝm lɛɨ.

1 Korinti 6:5

Mǝ sʊwa jʊ nɨ sǝ jǝ́ nyʊwa gunidul. Mɨ nʊ nɨ wo win nǝn nyǝmtǝm a kʊm jen dwal dɔ kʊm kambɨɨ lɛɨ ka?

Filibii 4:2

N gʊ Afodiya gǝm lɔl jǝbɔ Sintiki mǝʊ, ja yɨ yɨm nya dakini, ja bǝla gʊbkatǝmɔ wo, jʊ a bwɨɨ jǝ na a Tɛlalɔɨ.

1 Korinti 4:10

Ja do nǝn nǝ fʌm fʌmi a kɛl dul Kiristii, jen jǝ́ yǝlam nǝb yʊlan a mʊgɔ Kiristii! Nǝn nǝ gɨya, jen jǝ́ kwama! Jǝ nǝ jen dʊʊn nɛ, nǝn nǝ mɨ a nyiyo jǝl!

Luka 6:20

Yesu a dʌng bɛtɔ mɛlalɨ gǝnɨ, nǝngɔ a sʊwa ji gɔ, “Bwiligɔ na a jen, jen nɨ jǝ́ yǝm a mʊgɔ bʊnǝnɨ, jʊ a bwɨɨ fɔlɔn lɔ Kwaamaɨ na a jen.

Matta 26:11

Nǝb bʊnǝnɔ jǝ na jǝbɔ jen kwangkwang. N ke bɔ kwangkwang mǝ dakini nǝbɔ jeni.

Matta 11:5

Kululʌmɔ kuwo daagɔ lɛ, nǝbɔ bʊtɔgɔ a swam swamɨ, yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

1 Bitrus 5:3

Ka jǝ́ nʊng lɛ nǝb nɨ a kang jeni dʊʊlǝn. Bɛ jǝ́ yǝlam jǝ mɛlalɨ a kʌm kwamɨ nɨ.

Filibii 3:16

Bɛ bǝ ja kǝga nǝn jʊ nɨ Kwaama swɨ lɛ bǝ maaɨ.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

1 Korinti 1:10

N kela jen kɛtǝlam mɨ, a mʊgɔ dun Yesu Kiristi Tɛlalɔ bǝnɨ, pʌd jenɔ bɛ nyiyo jenɔ a yǝlam win. Ka beltǝm ya dɔ lɛ kʊm jen. Bɛ jǝ́ mʊrka dul, bʊʊlalɨgɔ win, maajɨgɔ win.

Maajɨ Bɛtɔ Twamagɨɨ 4:32

Nǝb bwangtǝmɔ gwam, nyiyo jinɔ win, nǝl jinɔ win. Mɨ nǝn nʊ nɨ a kʊm jin a sʊwa gɔ jʊ nɨ gǝ nǝnɨ, na a gɔ kwaagɨɨ. Jǝ sʊwa gɔ na a ji gwam.

3 Yohana 1:9

N mʊla mʊrkalɨ nǝb bwangtǝm Kwaamaɨ gǝm kǝlɨ bɛ langǝn bwangǝn, a Diyotarifisi wʊnɨ swɨ lɛ a laa tangǝnɔ gwam a kʊm jini, a kɔ bwangtǝm kɛl bǝnɔ.

Roma 6:2

Ɔ ɔ, mɨ nyɔ! Bǝn nɨ bǝ bʊlam a bwɨlangkɛlɨ, laa maa nyǝn bǝ ja kǝga lɛ nǝn yɨmɔ a mʊgɔ gǝnɨ?

Roma 11:20

N bɨlǝngǝn dangǝn. Ja nǝ bɔ bɨlǝngkɛl n jʊ a bwɨ ja kǝlam jii. Mɔ n kɛl nǝtǝm bɨlǝngkɛl mʊnɔ ja bǝla ń woi. Bɛ ka ń gung lɛ dul. Bɛ ń nyʊwa taal Kwaamaɨ.