Roma 12:13 - Dadiya NT

¹³ Bɛ jǝ́ tɨka nǝb sagsag nɨ mɨ nǝngǝnɨ. Bɛ ya jǝ́ yo faabǝmɔ lɛ nǝn fulotǝm nǝl.

Roma 12:13 Referans Kwoze

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

2 Korinti 9:12

Jʊ a bwɨɨ, nǝtǝm nɨ jǝ́ maa lɛɨ, ke bɔ ywatǝm komʌm nǝb sagsagɨɨ kwaaji maa lɛɨ, gǝ sʊ buutǝm kang a daa Kwaama woi dangǝn.

1 Yohana 3:17

Gwam nʊ nɨ nǝn jǝ kang a yooli nɨɨ, kuwo kɨla gɔ lɛ nǝn bʊnǝn, a mam nu a dul gǝnɨ, la swɨtǝm Kwaamaɨ na nyǝn a nǝl gǝn?

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

1 Bitrus 4:9

Ya jǝ́ yobka lɛ a mʊgɔ lɔtɨn jenɔ gǝm, mɨ kʊngatǝm wo.

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

Ibranii 13:2

Bɛ ka jǝ́ bǝla lɛ shigtǝm faabǝmɔ. A gola maatǝm nyɔ kaamɨ a shig bɛtɔ twama Kwaamaɨ mɨ nǝn nyǝmtǝmɨ.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

Matta 25:35

Jǝ́ nya nya jʊ nɨ, jʊ a bwɨɨ nǝn kwama gɔ mǝ nyʊwa jʊwan nɛ, jǝ́ nɨ ɨ jǝjalǝn. Nǝn kwama gɔ mǝ nyʊwa diil mwɛ lɛ, jǝ́ nɨ ɨ n nɔɔ. Nǝn kwama gɔ mǝ maam faabǝnɨ, jǝ́ shig i.

Filimon 1:7

N maa fulotǝm nǝl dangǝn, jǝbɔ sʊtǝm kwaan a swɨtǝm mʊnɔ gǝm kɛgɔ, jʊ a bwɨɨ ń kʊʊ nǝb sagsagɔ gǝm nǝl.

Titus 1:8

Bɛ a yǝlam nʊ nɨ shig faabǝm lɛɨ, nʊ nɨ swɨ maatǝm jǝ nya lɛɨ, nʊ nɨ a dǝg kang gǝnɔ a sʊɨ, nǝ dǝngdǝng, nǝ sagsag, nǝ tatǝm dul,

2 Korinti 9:1

A yǝlam bɔ nyɔ n yǝla n mʊla jem kɛl tɨkalɨ a dul nǝb sagsagɨɨ tag.

Maajɨ Bɛtɔ Twamagɨɨ 10:4

A ya gǝm nu a mʊgɔ taal. Nǝngɔ a bʌ gɔ, “Tɛlalɔ, n wɛ nyɨɨ?” Bwɛ twama Kwaamaɨ a sʊwa gǝn gɔ, “Keli mʊnɔ jǝbɔ tɨkalɨgɔ mʊ maa nǝb bʊnǝnɔ gǝm lɛɨ a yɔ a kǝga Kwaamaɨ. N jǝ bʊʊlalɨ a daa gǝ woi.

Maajɨ Bɛtɔ Twamagɨɨ 4:35

jǝ mʊr lɛ a kǝga bɛtɔ twamagɨɨ, jǝ tǝga nǝb nɨ lɛ mɨ nǝnɨ.

1 Korinti 16:15

Kambɔ, jǝ́ nyǝm nyɔ nǝbɔ lɔ Istifanusi nǝji ja nǝ bɨlǝngkɛl nǝn tɨkǝga a tǝm Akayaɨ, ja dǝg dul jinɔ dangǝn a maatǝm tɨkalɨ nǝb sagsagɨɨ. Mǝ kela jen nɛ kambɔ,

Roma 12:8

Na na a kʊʊtǝm nǝlɨ, bɛ bǝ yǝlam nǝn kʊʊtǝm nǝl. Na na a nǝtǝm lǝma na maatǝm tɨkalɨ kambɨɨ, bɛ bǝ nǝ nǝl bǝnɔ win. Na na a dʊʊ jatǝm kǝgaɨ, bɛ bǝ maa maajɨ jatǝm kǝga. Na na a bʊnatǝmɨ, bɛ bǝ maa nǝn fulotǝm nǝl.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

3 Yohana 1:5

Fwalɨ nyan mǝndɨ, mʊ nǝ tatǝm swatǝm yaa a tɨkalɨ nɨ mʊ maa kambɔ gǝm lɛɨ, a ga keli a faabǝmɔ gǝm.