Roma 12:11 - Dadiya NT

¹¹ Bɛ ka jǝ́ shigem lɛ bʊtɔ a maajɨ kwaan. Jǝ́ maa kwaan a nǝl jen. Jǝ́ maa Tɛlalɔ gǝm maajɨ.

Roma 12:11 Referans Kwoze

Maajɨ Bɛtɔ Twamagɨɨ 18:25

Ja mɛla gǝm a mʊgɔ gola Tɛlalɔɨ. Mɨ nǝn fiyel a mʊgɔ kɛl. Gǝ mɛla mɛla bɨlǝngkɛl nyangǝn a dul Yesui. A nyǝm yʊtǝm mwɛ sagsag Yohanaɨ kwaagɔ.

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

Ibranii 12:28

A dul kɛl nɨ, bɛ bǝ buu kang, jʊ a bwɨɨ bǝ nya nya fɔlɔn nɨ mɨ mǝgatǝm woi. A na nyɔ tag bǝ maa Kwaama gǝm bǝlátǝm, jǝ yotǝm, nǝn taal jǝbɔ nǝtǝm dʊʊn nyan.

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

Maajɨ Bɛtɔ Twamagɨɨ 20:19

Mǝ bwangtǝn Tɛlalɔ lɛ nǝn shigtǝm dul, nǝn mwɛ num. N bwa nǝl nǝn tɛltǝm nɨ Yahudawagɔ maa mɨ lɛɨ a mʊgɔ fɛkalɨ bwɨlan jinɔ gǝmɨ.

Matta 24:12

Maakatǝm shilɔ la la daa, a dul kɛl nɨɨ, kɔrɔ nǝbɨɨ swɨkatǝm jinɔ yǝla yǝla a gul.

1 Timoti 5:13

A bɨtǝnɨ jǝ mɛla mɛla yɨm nǝn kwan, nǝb dɔbatǝm lɔ. Ke bɔ yɨm nǝn kwan kwaagɔ. Ja yǝlam nǝb yʊʊlatǝm nǝbɨɨ, nǝb dǝnglatǝm kɛl, jǝ sʊwala kanjǝl nɨ lɛ a bʊm bɨɨ.

Dʊgam Nyangnyang 2:4

“Jʊ mʊ maa bɔ dǝngdǝngɨ n wɔ, ń mǝlam swɨkan nɨ mʊ maa nǝn tɨkǝgaɨ.

Kolosii 4:1

Tɛlalɔtɨnɔ, bɛ jǝ́ ta jwaalɛb jenɔ nǝn bɨlǝngǝn a bʊm bʊmɨ, jʊ a bwɨɨ jǝ́ nyǝm tʌjen jǝ́ nǝngǝn nǝn Tɛlalɔ a dʌbʌl.

1 Korinti 7:22

Nʊ nɨ n bwɛ jwaalɛ kwama Tɛlalɔ a jo gǝnɨ, a nya jǝgtǝm dul a gola Tɛlalɔɨ. Nʊ nɨ nǝn yɨm dul kwama Tɛlalɔ a jo gǝnɨ, n bwɛ jwaalɛ Kiristii.

Matta 25:26

Nǝngɔ tɛlalɔ gǝnɔ a jǝla gǝn gɔ, ‘Mʊ bwɨlang bwɛ jwaalɛ, nǝ fiyel! Ń nyǝm nyɔ mǝ kʌso kʌso a daa nɨ mǝ kwal bɔ jǝl woi, mǝ mʊr kanjǝlɔ a daa nɨ mǝ kwal bɨɨ.

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.