Roma 11:25 - Dadiya NT

²⁵ Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Roma 11:25 Referans Kwoze

Luka 21:24

Jǝ jʌbo jʌbo kaam nǝbɔ nǝn gulʌn. Ja taba kaamɨ tag ja yɔ nǝn ji a jwaalɛn a tǝm Bʌtʌbi gwam. Bʌtʌbɔ fala fala Urushalimagɔ, a yɔ nǝn a kwama dɨltǝm Bʌtʌbi.

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

Roma 12:16

Jǝ́ yɨ yɨm kwamɨgǝn jǝbɔ kambɔ. Ka jǝ́ nʊng lɛ dʊʊlǝn dul. Bɛ jǝ́ yǝlam fatǝm nǝb nɨ ja ya ji bɔ a nyiyo jǝlɨ. Ka jǝ́ do lɛ dul jenɔ jǝ́ laa tangǝn nǝbɔ yʊlan.

Dʊgam Nyangnyang 10:7

Nǝn kwama nɨ bwɛ twama Kwaamaɨ na nʌbʌlɔ guum jum gǝnɔ lɛɨ, n kwama jǝ yiim jʊ nɨ lɛ Kwaama a yʊ yʊɨ, kanga a sʊwam bɛtɔ jwaalɛn gǝnɨ, nǝbkuwotǝmkǝgagɔ.”

Dʊgam Nyangnyang 7:9

A gul jʊ nɨ mǝ dʌngi, n kuwo kaa kʌm mʊrkalɨ nǝbɨɨ, wʊnɨ a shu kwaan kiyotǝmɨ. Ja bɛ a bǝlǝntǝmɔ gǝm gwam, jǝbɔ Bʌtʌbɔ gwam, jǝbɔ nyiyotɨnɔ gwam, jǝbɔ nǝbɔ gwam. Jǝ tɨlam a kǝga kotere fɔlɔn nɨ jǝbɔ kǝga Bɛ Gal nɨ. Jǝ tɨlam nǝn dwang malǝng fulontɨn. Ja ta langǝn kutʌshelʌnɔ a kangtɨn jinɔ gǝm.

Afisa 3:9

Sǝ n nʊng nǝbɔ gwam fɛkalɨ jǝ yʊtǝm nɨ a wʊnɨ jol jǝbɔ jol Kwaama a yʊ yʊɨ, nʊ nɨ a fwal kanjǝlɔ pʌdi.

Dʊgam Nyangnyang 11:15

Nǝngɔ bwɛ twama Kwaamaɨ na nʌbʌlɔ a guu jum gǝnɨ. Nǝngɔ ja nyʊwa kaam diiltɨn nǝn kwaan a dʌbʌl kwama sʊwa lɛ gɔ, “Fɔlɔn yooli nɨ a yǝlam fɔlɔn Tɛlalɔ bǝnɨ jǝbɔ a Kiristi gǝnɨ, nǝn gɔ maa fɔlɔn nɛ mɨ dɨltǝm woi.”

2 Bitrus 3:8

Kɛtǝlam mɨ nɨ mǝ swɨ lɛɨ, ka jǝ́ twab lɛ kɛl nɨ win swar gɔ, a daa Tɛlalɔ woi kumɔ win swar a maa na jolɔ fʊlkʊblǝn, jolɔ fʊlkʊblǝn a maa na kumɔ win swar.

1 Korinti 10:1

Mǝ swɨ lɛ jǝ́ nyǝm, kambɔ, tʊgalam bǝnɔ gwam ja bwangtǝn lul. Gwam jinɔ ja yab a mʊgɔ wɨma.

Roma 1:13

Kɛtǝlam mɨ, mǝ swɨ lɛ jǝ́ nyǝm kwangkwang mǝ maa fɛkalɨ yɔm lɛ a daa jen woi, ja nɨ ɨ bɔ gola dɨn. Mǝ swɨ lɛ n yɔ, sǝ n nya kaam nǝb bwangtǝm a daa jen woi, kanga mǝ nya a daagɔ kaam Bʌtʌbɔ woi.

1 Korinti 12:1

A kǝngkɔ kambɔ, a kɛl nǝtǝm lǝma Yʊwa Kwaamaɨ, mǝ swɨ bɔ jǝ́ lɛ nyǝmtǝm.

Matta 13:11

Yesu a sʊwa ji gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. A jinɔ, ja nǝ ji bɔ nyǝmtǝmɔ.

Yohana 10:16

Mǝ nǝn kaam kwamɨtɨn nɨ ke bɔ a mʊgɔ yaa mǝndɨɨ, mǝ bɛ bɛ nǝn ji. Jǝ nyʊwa nyʊwa diil mǝndɨ. Jǝ yǝlam kʌm kwamɨgɔ win, jǝ na na nǝn nǝ tɔɔtǝmɔ win.

Roma 9:18

Kwaama gǝ ji ji bʊnǝn a nʊ nɨ swɨ lɛ a ji bʊnǝn gǝnɨ, gǝ dǝg kwamǝn dul a nʊ nɨ ga swɨɨ sǝ a kɔ nyʊwatǝmɔ.

Roma 11:12

Na bwɨlangkɛl jinɔ ja maaɨ nǝn gɔ a bɛ yooli nɨ gǝm nǝn bwilii, na gɨyatǝm jinɔ nǝn gɔ bwili Bʌtʌbi, la ladatǝm bwili Bʌtʌbi na nyǝn na kwama ladatǝm nǝbɔ Israilaɨ yǝlam lɛ a daa Kwaama woi a yii?

Roma 11:24

Mʊ kang tɨya zaitun kuul nɨ a mwatɨ ń a bwa mʊn naakan jǝbɔ tɨya zaitun lɔngɨ wʊnɨ n ke bɔ tɨya mʊnɨ. N bɨlǝngǝn mɨsɔ bwa lɛ kang tɨyantɨn nɨ na a galɨɨ a bwa jim naakan a bʊtɔ tɨya zaitun nɨ na a galɨɨ.

1 Korinti 2:7

Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ.

1 Korinti 4:1

A bʊm nyɔ jǝ́ do nǝn nǝn nǝb maajɨ Kiristii, nǝb tatǝm mɛlalɨ kanjǝl nɨ Kwaama a yʊ yʊɨ galɨgǝnɨ.

Afisa 1:9

A dǝg bǝ nyǝm fɛkalɨ nɨ ga yʊ yʊɨ galɨgǝnɨ. A maa nyɔ a gola Kiristii, n jʊ a bʊm gǝmɨ.

Afisa 4:18

Nǝl jinɔ gǝ na a kumtojili, ja wʊlaka ji jǝbɔ kʊlɨ Kwaamaɨ, jʊ a bwɨɨ mɨ ji nǝn nyǝmtǝm a daa ji woi, a dul kwamǝn nǝl jinɔ gǝm.

Dʊgam Nyangnyang 1:20

Kɛl nɨ ja yʊ na nyanyamɨtɨn nɨ nʌbʌl mʊ kuwo a mʊgɔ kang jajǝng mǝndɨ jǝbɔ daatɨn swatǝm fitila nɨ nʌbʌl na mʊntɨnɨ gǝ nʊng: Nyanyamɨtɨn nɨ nʌbʌli n bɛtɔ twama Kwaamaɨ nʌbʌl a mʊrkalɨ nǝb bwangtǝm Kwaamaɨ nɨ daatɨnɔ nʌbʌli. Daatɨn swatǝm fitila nɨ nʌbʌli n mʊrkalɨ nǝb bwangtǝm Kwaamaɨ nɨ daatɨnɔ nʌbʌli.”