Roma 10:15 - Dadiya NT

¹⁵ Maa nyǝn nǝb kiyotǝmɔ kiyo lɛ na ja twam ji bɨɨ? Kanga a mʊla mʊlaɨ gɔ, “N jǝ bʊmǝn a nǝb nɨ a bɛ nǝn fulon kɛl lǝmɨ nɨɨ!”

Roma 10:15 Referans Kwoze

Afisa 2:17

A bɛ ba kiyo fulon kɛl yɨm kwamɨgǝn a daa jen woi, jǝ́ nǝb nɨ jǝ́ kʊta a daa Kwaama woi. Nǝn gɔ a kiyo fulon kɛl yɨm kwamɨgǝnɔ tag a nǝb nɨ nǝn dɔɔmɨ.

Afisa 6:15

Bɛ fɛkalɨ yɔtǝm nǝn fulon kɛl lǝmɨ lǝmagɔ a yǝlam na twam a naa jenɔ gǝm.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

Yohana 20:21

Nǝngɔ Yesu a yǝla sʊwa ji gɔ, “Bɛ yɨm kwamɨgǝnɔ a na jǝbɔ jen! Kanga Tɛ bwɛ nɨ a twam ɨɨ, mǝ tǝmɨ n twam jen.”

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 13:26

“Kambɔ, dʊʊm Ibrahimi jǝbɔ jen Bʌtʌbɔ nyʊwa taal Kwaamaɨ lɛɨ, n daagɔ bǝn woi ja twam kɛl bʊʊtǝm nɨɨ.

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Luka 10:1

Bǝmtǝn nɛɨ, Tɛlalɔ a jǝgam kaam nǝbɔ fʊltǝnʌbʌl jeli yo. Nǝngɔ a twam ji yo yo a tuulɔtɨn jǝbɔ daatɨn nɨ ba gǝ yɔ lɛ woi.

Luka 8:1

Yesu a ja kǝga nǝn yɔmɔ. Dɔba tuulɔtɨnɔ lɛ jǝbɔ bɛlɨ tuulɔtɨnɔ. Kiyo fulon kɛl lǝmɨgɔ lɛ a dul fɔlɔn lɔ Kwaamaɨ. Bɛtɔ mɛlalɨ gǝnɔ kʊb jeli yoi wo dakini jǝbɔ gɔ.

Luka 2:14

“Dʊʊlǝnɔ na a Kwaama nɨ a dʌbʌli, yɨm kwamɨgǝnɔ na a nǝb nɨ Kwaama a nyʊwa lǝma nǝn ji a yooli nɨɨ.”

Luka 2:10

Nǝngɔ bwɛ twama Kwaamaɨ a sʊwa ji gɔ, “Ka jǝ́ nyʊwa lɛ taal. Mǝ bɛ jem nǝn fulon kɛl lǝmɨ, wʊnɨ dǝg nǝbɔ lɛ a maa fulotǝm nǝl pʌdi.

Matta 9:38

Jǝ́ kela Tɛlalɔ tɔtwamɔ sǝ a twam nǝb kʌsotǝmɔ a tɔtwam.”

Maajɨ Bɛtɔ Twamagɨɨ 10:36

Jǝ́ nyǝm twamagɔ a twam nǝbɔ Israilaɨ gǝmɨ, jǝ sʊwa ji fulon kɛl lǝmɨ na yɨm kwamɨgǝn nɛ a gola Yesu Kiristii. Nǝn gɔ nǝn Tɛlalɔ bǝn gwamɨ.

Roma 1:15

N jʊ a bwɨ mǝ swɨ lɛ n sʊwa jen fulon kɛl lǝmɨgɔ tʌjeni, jen nɨ a Romaɨ.

Roma 15:20

Kwangkwang mǝ swɨ lɛ n kiyo fulon kɛl lǝmɨ a daatɨn nɨ ja nyǝm bɔ Kiristi woi, kage n mɔ tʌgo a fʌlʌm kaa nǝlɨ.