Roma 1:9 - Dadiya NT

⁹ Kwaama nɨ mǝ maa gǝm maajɨ lɛ nǝn nǝl mɨ gwam a dul kiyotǝm fulon kɛl lǝmɨ Bʊla gɨɨ, n nǝ nǝtǝm nyiyo a dul mɨ kanga kwangkwang mǝ bʊʊla lɛ nǝn jen a mʊgɔ keli mǝndɨ gǝmɨ.

Roma 1:9 Referans Kwoze

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

2 Timoti 1:3

N buu Kwaama gǝm kang, nʊ nɨ mǝ maa gǝm maajɨ lɛ a mʊgɔ nǝl nɨ mɨ komtǝm woi, kanga tʊgam tʊgalam mǝndɨ a maaɨ. N buu Kwaama gǝm kang, kwama nɨ gwam mǝ bʊʊla lɛ nǝn mɔ a mʊgɔ kelii, kum jǝbɔ kɔkɔ.

Roma 9:1

N bɨlǝngkɛl mǝ sʊwa lɛɨ, ke bɔ gabakɛl, jʊ a bwɨɨ mǝ na a Kiristi Yesui. Nǝl mɨ nǝn gɔ nɨ ɨ bwatǝm guu lɛɨ a gola Yʊwa Kwaamaɨ gɔ

1 Tasalonikaɨ 5:17

Ya jǝ́ maa keligɔ lɛ mɨ tɨtǝm wo.

2 Korinti 1:23

Mǝ jo Kwaama mǝʊ nǝn gɔ n nǝ nǝtǝm nyiyo a dul mɨɨ, n jʊ a dǝg ɨ mǝ yɔ bɔ a Korinti sǝ n shigʌm jem gaalan nɨ jǝ́ nɔɔ lɛɨ.

1 Tasalonikaɨ 3:10

Kum jǝbɔ kɔkɔ nǝn maa keli lɛ dangǝn mɨ tɨtǝm wo, sǝ nǝn nya kuwotǝm jenɔ kǝga jǝbɔ kǝga, sǝ nǝn yii jʊ nɨ a gɨya a nǝtǝm bɨlǝngkɛl jenɔ gǝmɨ.

1 Tasalonikaɨ 1:2

Kwangkwang nǝn buu Kwaama gǝm kang lɛ a kɛl dul jen gwam. Nǝn dǝg jen nɛ a mʊgɔ keli nǝnɔ gǝm kum jǝbɔ kɔkɔ.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Filibii 1:4

Nǝn kwama mǝ maa keli lɛ a dul jeni, mǝ maa nǝn fulotǝm nǝl.

Maajɨ Bɛtɔ Twamagɨɨ 27:23

“A kum nɨ dʊgalǝnɨ, bwɛ twama Kwaamaɨ wʊnɨ mǝ na a gɨɨ, wʊnɨ mǝ bǝlá gǝn nɛɨ, a tɨ nǝn dɔɔm a daa mǝ woi.

Maajɨ Bɛtɔ Twamagɨɨ 19:21

A gul kanjǝl nɨ, Bulus a bʊʊla a nǝl gǝn gɔ, na gǝ kɛla tǝm Makidoniyagɔ jǝbɔ Akayaɨ, gǝ yi a Urushalima. A sʊwa tag gɔ, “Na n yɔ fʌleni, ya mǝ kuwo kuwo dalɨ tuulɔ Romagɔ.”

1 Timoti 2:7

N dul kɛl nɨ Kwaama a jǝg ɨ nǝ sʊwatǝm kɛl gǝnɨ, jǝbɔ bwɛ twama, nʊ nɨ mɛla Bʌtʌbɔ gǝm bɨlǝngkɛl lɛ jǝbɔ nǝtǝm bɨlǝngkɛlɨ. Mǝ sʊwa bɨlǝngkɛl, ke bɔ gabakɛl.

Filibii 2:22

Jen jǝ́ nyǝm yɨm Timotii kanga nǝn maa maajɨ fulon kɛl lǝmɨ Kwaamaɨ dakinii, maamɔ n tɛ bwɛ jǝbɔ bʊla gɔ.

Galatiya 1:20

Jʊ nɨ mǝ mʊla jem lɛɨ ke bɔ gabakɛl. Bɨlǝngkɛl a kǝga Kwaamaɨ mǝ sʊwa lɛɨ.

2 Korinti 11:31

Kwaama wʊnɨ nǝn gɔ nǝn Tɛtɛ Tɛlalɔ bǝn Yesui, wʊnɨ bǝlátǝmɔ na a gɔ mɨ dɨtǝm woi, a nyǝm ke bɔ gabakɛl mǝ maa lɛɨ.

Maajɨ Bɛtɔ Twamagɨɨ 24:14

“Jʊ win mǝ jǝla nǝnɨ, nǝn gɔ mǝ bwangtǝn Kwaama tʊgalam nǝnɨ lɛ a gola Kiristii wʊnɨ nǝb nɨ sʊwa lɛ gɔ ke bɔ bɨlǝngkɛlɨ. N nǝ bɨlǝngkɛl a gwam jʊ nɨ ja mʊla a diilɔ gǝmɨ jǝbɔ langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 12:5

Nǝn kwama Bitrus a lɔsomii, mʊrkalɨ nǝb bwangtǝm Kwaamaɨ a dɔ maatǝm keli Kwaamaɨ nǝn kwaan jinɔ a kɛl dul gǝn.

Maajɨ Bɛtɔ Twamagɨɨ 3:26

Nǝn kwama nɨ Kwaama a jǝgǝm bwɛ jwaalɛ gǝnɨ, a tǝl a twam gǝn a daa jen woi, sǝ a dǝg jem bwili a gola yǝlamtǝm nǝn jen gwam a bwɨlan.”

Luka 18:1

Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn.

Markus 1:1

Wʊnɨ nǝn gɔ tǝltǝm fulon kɛl lǝmɨgɔ a dul Yesu Kiristii, Bʊla Kwaamaɨ.

Filimon 1:4

Kwangkwang mǝ buu buu Kwaama mǝndɨ gǝm kang na n bʊʊla nǝn mɔ a mʊgɔ kelitɨn mǝndɨ gǝmɨ,

Filibii 1:3

Mǝ buu Kwaama mǝndɨ gǝm kang lɛ nǝn kwama nɨ gwam mǝ bʊʊla jǝbɔ jeni.