Roma 1:3 - Dadiya NT

³ Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

Roma 1:3 Referans Kwoze

Matta 1:1

Wʊnɨ nǝn gɔ mʊlalɨgɔ a dul guu dʊʊm Yesu Kiristii, bʊla Daudaɨ, bʊla Ibrahimi:

Galatiya 4:4

Nǝn kwama nɨ kwamagɔ a la dangǝnɨ, nǝngɔ Kwaama a twam Bʊla gɔ wʊnɨ nɔɔlɨ a bʌi, bʌtʌm a mʊgɔ diil.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:49

Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Luka 1:35

Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

Roma 9:5

Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.

Yohana 20:28

Nǝngɔ Toma a sʊwa gǝn gɔ, “Tɛlalɔ mɨ jǝbɔ Kwaama mɨ tag.”

Yohana 10:30

Mǝ nǝbɔ Tɛtɛ mɨ nǝn win.”

Matta 1:16

Yakubu nǝn tɨya Yusufui, bwɨla Maryamui, wʊnɨ a bʌ Yesui, wʊnɨ jǝ jo lɛ gɔ Kiristii.

2 Timoti 2:8

Bɛ ń bʊʊla nǝn Yesu Kiristi, nʊ nɨ ja gung a bwaaɨ, a guu Daudaɨ, kanga fulon kɛl lǝmɨ nɨ mǝ sʊwa lɛɨ a mɛlaɨ,

1 Korinti 1:9

Kwaama n nǝ yiitǝm swatǝm yaa. Nǝn gɔ a jo jen a yɨm dakini jǝbɔ Bʊla gɔ Yesu Kiristi Tɛlalɔ bǝnɨ.

Maajɨ Bɛtɔ Twamagɨɨ 2:30

Gɔ n nǝkuwotǝmkǝga. A nyǝm Kwaama a maa gǝm swatǝm yaa jǝbɔ wɛɛlɨ, gɔ kaa nǝl win a mʊgɔ dʊʊm gǝnɔ gǝm, gwi gwi kotere fɔlɔn gǝnɔ.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 10:36

N wɛ a bwɨ jǝ́ sʊwa jengɔ n soga Kwaama a kwama mǝ sʊwa mǝʊ mǝ nǝn bʊla Kwaamaɨ? Nǝn Tɛtɛ a jǝg ɨ a kɛl dul maajɨ nɨɨ. Nǝn gɔ tag a twam ɨ a yoolii.

Yohana 5:25

Bɨlǝngǝn mǝ sʊwa jen nɛɨ, kwamagɔ bɛ lɛ wo, a kwɛl a bɛ bɛɨ, nǝb nɨ a bʊlalaɨ, jǝ nyʊwa nyʊwa diil Bʊla Kwaamaɨ. Nǝb nɨ a nyʊwaɨ, jǝ bʊʊ bʊʊ.

Luka 1:69

A gung bǝm nʊ nɨ ba bʊʊ lɛ nǝn bǝnɨ, jel a lɔ bwɛ jwaalɛ gǝnɔ Daudaɨ.

Matta 27:43

A ya nǝl a daa Kwaama woi, bɛ Kwaama a jǝg gǝn kǝngkǝnɨ na swɨ gǝn nɛɨ. Kanga a sʊwa gɔ, gǝ nǝn Bʊla Kwaamaɨ.”

Matta 26:63

Yesu a gar bɔ kɛl. Nǝngɔ dalɨ nǝkǝla nɨ a bʌ gǝn gɔ, “N mʊrka ń jǝbɔ Kwaama nɨ nǝn kʊlɨɨ, sʊwa nǝn, na mʊ nǝn Kiristi, bʊla Kwaamaɨ.”

Matta 15:22

Nǝngɔ kaa bwɛn Kananaɨ, wʊnɨ yǝm a tǝm gɨɨ, a bɛ a daa gǝ woi, gaba wulongɔ lɛ gɔ, “Tɛlalɔ, Bʊla Daudaɨ! Ji bʊnǝn mǝndɨ! Yʊwa bwɨlagɔ a nyʊwa bwɛnɔɔlɨ mǝndɨ gǝm lɛ dangǝn.”

Matta 12:23

Nǝbɔ gwam a ta kang a nyiyo gɔ, “Nʊ nɨ nǝn bʊla Daudaɨ ka?”

Matta 9:27

Yesu bǝla daagɔ lɛɨ, nǝngɔ kaam kululʌmɔ yo ja bwang gǝm, jǝ jo jangajǝng lɛ nǝn kwaan jǝ sʊwa lɛ gɔ, “Yesu Bʊla Daudaɨ, ji bʊnǝn nǝnɔ!”

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

Matta 1:6

Yesse nǝn tɨya Daudaɨ, fɔlɔgɔ. Dauda nǝn tɨya Sulemanui, nyɨya gǝ nǝn nwala Uriyaɨ.

Dʊgam Nyangnyang 2:18

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ gǝm a Tayatiraɨ gǝm nyɔ, “Kɛl nɨ nǝn gɔ n twama Bʊla Kwaamaɨ, nʊ nɨ nǝn nutɨnɔ na ben kǝlaɨ, nʊ nɨ naatɨnɔ a maa na kemʌn nɨ ja saal saalɨ.

2 Yohana 1:7

Mǝ sʊwa nyɔ jʊ a bwɨɨ, nǝb swagtǝmɔ a jel a yooli nɨ a lada, wʊnɨ ja jǝla bɔ gɔ Yesu Kiristi a jel a bʊtɔɨ. Nǝb gɔ n nǝb swagtǝm jǝbɔ nǝb kiim Kiristii.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

1 Yohana 5:5

Nuwo nyɨ ku jelʌn yooligɔ lɛɨ, na ke bɔ nʊ nɨ a nǝ bɨlǝngkɛl gɔ Yesu nǝn Bʊla Kwaamaɨ?

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

1 Yohana 4:15

Gwam nʊ nɨ a jǝla gɔ Yesu nǝn Bʊla Kwaamaɨ, Kwaama yǝm a mʊgɔ gǝn, gǝ tǝgǝn yǝm a mʊgɔ Kwaamaɨ.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

1 Yohana 3:8

Nʊ nɨ gwam maa bwɨlangkɛl lɛɨ, na a mammɨ. Jʊ a bwɨɨ, nǝn tɨkǝga mammɔ n nǝ maatǝm bwɨlangkɛl. Jʊ a bwɨ Bʊla Kwaamaɨ a bɛ sǝ a kalǝm maajɨ mammɨ.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Roma 1:9

Kwaama nɨ mǝ maa gǝm maajɨ lɛ nǝn nǝl mɨ gwam a dul kiyotǝm fulon kɛl lǝmɨ Bʊla gɨɨ, n nǝ nǝtǝm nyiyo a dul mɨ kanga kwangkwang mǝ bʊʊla lɛ nǝn jen a mʊgɔ keli mǝndɨ gǝmɨ.

Maajɨ Bɛtɔ Twamagɨɨ 9:20

A kʊta bɔ, Shawulu a tǝl sʊwatǝm kɛl Yesui a kantɨn mɛlalɨ Yahudawagɨɨ sʊwa lɛ gɔ, “Yesu nǝn gɔ nǝn Bʊla Kwaamaɨ.”

Maajɨ Bɛtɔ Twamagɨɨ 8:36

Ji a mʊgɔ yɔmɨ, nǝngɔ ya ja la kaa daa mwɛɨ. Nǝngɔ nʊ nɨ ja sʊ sʊɨ gɔ, “Dʌng mwɛmɔ wɔ. N wɛ a bwɨ mɨsɔ mʊ yʊ ɨ mwɛ sagsagɔ lɛɨ?” [

Maajɨ Bɛtɔ Twamagɨɨ 3:13

Kwaama Ibrahimi, jǝbɔ Ishakui, jǝbɔ Yakubui, Kwaama tʊgalam bǝnɨ, nǝn gɔ a gung dun Bwɛ jwaalɛ gǝnɔ Yesui. Jǝ́ miyo gǝn sǝ ja jʌ gǝn, jǝ́ kɔ gǝn a kǝga Bilatusi, Bilatus nǝn tɨkǝga, a maa sǝ gǝ dem gǝm kang.

Yohana 7:42

Mʊlalɨ kɛl Kwaamaɨ a sʊwa gɔ, ‘Kiristi jel a dʊʊm Daudaɨ, ja bʌ gǝn a Baitalami, a bɛ tuulɔ nɨ Dauda a yɨmɨ, mɨ nyɔ ka?’ ”

Yohana 1:34

N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

Roma 4:1

N wɛ bǝ sʊwa lɛ a dul Ibrahimi, tʊga tʊgalam bǝnɨ a mʊgɔ bʊtɔɨ?

Roma 9:3

Na na maa maa nyɨɨ, bɛ ja lag ɨ, ja wʊlaka ɨ jǝbɔ Kiristi a kɛl dul kɛtǝlam mɨɨ, nǝbam nyiyo mǝndɨ.

1 Korinti 10:18

Jǝ́ dʌng gola nǝbɔ Israilaɨ. Nǝbɔ ja jʊ nɨ lɛ ja maam tǝlatǝm twamaɨ, n ke bɔ jʊ a mʊrka ji a daa twɨtǝm yulʌni ka?

1 Timoti 2:5

Kwaama win, nʊ a tɨbǝl bǝn jǝbɔ Kwaamaɨ win. Nǝfili nɨ nǝn Kiristi Yesu,