Roma 1:28 - Dadiya NT

²⁸ Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Roma 1:28 Referans Kwoze

Roma 1:21

Ja nyǝm Kwaama sul, mɨ jǝ dʊʊl gǝn nɛ gɔ n Kwaama, mɨ ji buu gǝm kang lɛ. Bʊʊlalɨ jinɔ gǝ na nǝn kwan, nǝl jinɔ a yǝlam kumtojili, mɨ nyǝmtǝm wo.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

Roma 1:24

Gǝ na nyɔ Kwaama a bǝla ji nǝn nǝl bwɨlangkɛl jinɔ na bulon, sǝ ja maa jǝ gunidul nǝn bʊtɔ jinɔ, a kʊm jin.

2 Timoti 3:8

Kanga Yanisu jǝbɔ Yambarisu ja gun tʌgo a Musa gǝmɨ, a na nyɔ nǝb mɛlalɨ gabakɛl nɨ a gun tʌgo a bɨlǝngkɛlɔ gǝmɨ, n nǝbɔ a lɛla a bʊʊlalɨ nyanɔ gǝmɨ, nǝtǝm bɨlǝngkɛl jinɔ n jǝl nǝn kwan.

2 Tasalonikaɨ 1:8

Mwɛ mwɛ nǝb nɨ a nyǝm bɔ Kwaamaɨ, jǝbɔ nǝbɔ a kɔ bwangtǝm fulon kɛl lǝmɨ Tɛlalɔ bǝn Yesui.

1 Korinti 15:34

Jǝ́ yǝla jǝ́ bɛ a bʊʊlalɨ nyan jenɔ gǝm. Jǝ́ bǝla yɨmɔ wo a mʊgɔ bwɨlangkɛl. Kaam jenɔ a nyǝm bɔ Kwaama. Mǝ sʊwa nyɔ, sǝ jǝ́ nyʊwa gunidul.

Roma 1:18

Kwaama a nʊng nabwɨl gǝnɔ a dʌbʌl a dul nǝb nɨ a kɔ bwangtǝm gǝnɨ jǝbɔ nǝb maatǝm bwɨlangkɛlɔ. Nǝb nɨ n nǝbɔ jǝ bǝm bɨlǝngkɛl lɛ a gola bwɨlangkɛl jinɔ gǝmɨ.

Afisa 5:4

A na nyɔ tag a kɛl bulon, jǝbɔ sʊwalatǝm kɛl nǝn kwan, jǝbɔ kabatǝm jongʌn wʊnɨ mɨ nǝn kaa tɨkalɨɨ. Jʊ a laa jǝlɨ, bɛ ya jǝ́ buu Kwaama gǝm kang lɛ.

Roma 1:26

N jʊ a bwɨ Kwaama a bǝla ji maatǝm jǝ gunidul nɨ a bʊm bɔ kuwotǝmɨ. Nɔɔtǝlam jinɔ a fʌto daam fiyodaalɨgɔ jǝbɔ batǝmɔ jǝ daa a kang bʊtɔ jin.

2 Bitrus 3:5

Nǝn nyǝmtǝm jin jǝ tangǝm a kɛl nɨ gǝm a sʊwa gɔ, galɨgǝn Kwaama a fɛ dʌbʌlɔ a gola sʊwatǝm kɛl, a jǝgǝm tǝmɔ a mʊgɔ mwɛ, nǝngɔ a kang tǝmɔ nǝn mwɛmɨ.

Filimon 1:8

N jʊ a bwɨ a mʊgɔ Kiristii maa maa nyɔ mɨ taal wo n dǝg ń ń maa jʊ nɨ a daa tʌgo ń maaɨ.

2 Korinti 10:5

Nǝn kʊwa nǝbɔ taba fɨ lɛ a katɨ jinɔ gǝmɨ. Nǝn tʊngam kwalɨtɨn nɨ kʌshi kɛl Kwaamaɨ lɛɨ. Nǝn gʊ bʊʊlalɨ nǝl nǝbɨɨ lɛ gwam sǝ ja bwangtǝn Kiristi.

Maajɨ Bɛtɔ Twamagɨɨ 17:32

Ja nyʊwa kɛl guntǝmɔ a bwaaɨ, nǝngɔ kaamɨ a mog gǝnɨ, kaamɨ a sʊwa gɔ. “Nǝ swɨ lɛ nǝ yǝla nǝn nyʊwa jʊ nɨ mʊ sʊwa a dul kɛl nɨɨ.”

Maajɨ Bɛtɔ Twamagɨɨ 17:23

Kwama mǝ kɛlam lɛ a mʊgɔ tuulɔ nɨɨ, n dʌng kanjǝl nɨ jǝ́ maa gǝm bǝlátǝm lɛɨ. N kuwo daa twɨtǝm yulʌn wʊnɨ ja mʊla a dʌbʌl gǝn gɔ, ‘kwaama nɨ bə nyəm bɨɨ.’ Nʊ nɨ nǝn gɔ jǝ́ maa gǝm bǝlátǝm lɛ jǝ́ nyǝm bɨɨ, nǝn gɔ nʊ mǝ sʊwa jen nɛɨ.