Matta 9:6 - Dadiya NT

⁶ Mǝ swɨ lɛ jǝ́ nyǝm gɔ, Bʊla Nǝlɨ nǝngǝn nǝn fɔlɔn kǝlǝmtǝm bwɨlangkɛl a tǝm nɨɨ.” Nǝngɔ a sʊwa balɨ nɨ bʊtɔgɔ a swam swamɨ gɔ, “Gun do wɨlǝn mʊnɔ shu a lɔ.”

Matta 9:6 Referans Kwoze

Matta 9:5

Nʊ won a laa jǝlɨ, ja sʊwa gɔ, ‘Ja kǝlǝm mʊn bwɨlangkɛl mʊnɔ,’ jǝbɔ a wʊnɨ ja sʊwa gǝn gɔ, ‘Gun yɔ yɔm mʊnɨ?’

2 Korinti 2:10

Nʊ nɨ jǝ́ kǝlǝm gǝm kanjǝlɔ gwamɨ, mǝ tǝmɨ n kǝlǝm gǝm. Jʊ nɨ mǝ kǝlǝmɨ, na jǝ kǝlǝmtǝm woi, mǝ kǝlǝm gǝm a dul jen, a kɛl dul Kiristii.

Kolosii 3:13

Bɛ ka jǝ́ tabka lɛ a nǝl. Na kaa nǝl nǝngǝn nǝn kɛl jǝbɔ kɨla gɨɨ, bɛ ga kǝlǝm gǝm kanga Tɛlalɔ a kǝlǝm jemi, jen tʌjen bɛ jǝ́ kǝlǝmka.

Afisa 4:32

Bɛ ya jǝ́ maaka jǝ nyan nɛ, jǝ́ jika bʊnǝn nɛ, jǝ́ kǝlǝmka lɛ kanga Kwaama kǝlǝm jem lɛ a gola Kiristii.

2 Korinti 5:20

Gǝ na nyɔ, nǝn do nyiyo Kiristii, Kwaama gǝ jo nǝbɔ a gola nǝn. Nǝn kela jen nɛ a dul kɛl Kiristii, jǝ́ maa fɛkalɨ jǝbɔ Kwaama.

Maajɨ Bɛtɔ Twamagɨɨ 9:34

Nǝngɔ Bitrus a sʊwa gǝn gɔ, “Iniyasu, Yesu Kiristi a gung ń. Gun, kʊlʊm daa daalǝng mʊnɔ.” Tʌgo a kang Iniyasu a gun.

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Luka 5:21

Nǝbɔ Farisaɨ jǝbɔ nǝb mɛlalɨ diilɔ jǝ bʌbko lɛ a bʊtɔ jin gɔ, “Nʊ nɨ nuwo kal dun Kwaamaɨ lɛɨ? Nǝn Kwaama kwaagɔ win kǝlǝm bwɨlangkɛl lɛɨ.”

Markus 2:10

Mǝ swɨ lɛ jǝ́ nyǝm gɔ, Bʊla Nǝlɨ nǝngǝn nǝn fɔlɔn kǝlǝmtǝm bwɨlangkɛl a tǝm nɨɨ.” Nǝngɔ a sʊwa balɨ nɨ bʊtɔgɔ a swam swamɨ gɔ,

Markus 2:7

“N wɛ a bwɨ nʊ nɨ a sʊwa kɛl nɨ nyɨɨ? A kal dun Kwaamaɨ! Nuwo kǝlǝm bwɨlangkɛl lɛɨ na ke bɔ Kwaama kwaagɨɨ?”

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

Matta 4:24

Fulon gungtǝm nǝbɔ gǝ maa lɛɨ, a la tǝm Suriyagɔ gwam. Nǝbɔ bɛ gǝm lɛ nǝn nǝb bɔɔlamɔ jǝbɔ nǝb twɨlagɔ, jǝbɔ nǝb yʊwa bwɨlagɔ, jǝbɔ nǝb jwigɔ, jǝbɔ nǝbɔ bʊtɔgɔ a swam swamɨ, a gung ji gwam.

Matta 9:2

Nǝngɔ ja bɛ gǝm nǝn nʊ nɨ bʊtɔgɔ a swam swamɨ, daam a wɨlǝn. Yesu a kuwo nǝtǝm bɨlǝngkɛl jini, nǝngɔ a sʊwa nʊ nɨ a swam swamɨ gɔ, “Bʊla mɨ, maa fulotǝm nǝl. N kǝlǝm mʊn bwɨlangkɛl mʊnɔ.”

Matta 9:7

Gǝ tǝgǝn a gun, a shu a lɔ.

Yohana 5:8

Nǝngɔ Yesu a jǝla gǝn gɔ, “Gun, do kʌshen mʊnɔ, ya ń yilo!”

Yohana 5:27

A nǝ gǝn fɔlɔn maatǝm borangɔ, jʊ a bwɨɨ, gǝ nǝn Bʊla Nǝlɨ.