Matta 9:4 - Dadiya NT

⁴ Yesu a kwɛl a nyǝm bʊʊlalɨ jinɔ, nǝngɔ a sʊwa gɔ, “N wɛ a bwɨ jǝ́ maa bwɨlang bʊʊlalɨ lɛ a nǝl jeni?

Matta 9:4 Referans Kwoze

Luka 6:8

Yesu a kwɛl a nyǝm jʊ jǝ bʊʊla lɛɨ, nǝngɔ a sʊwa gǝn gɔ, “Gun ba tɨ a kǝga nǝbɨɨ.” Nǝngɔ nʊ nɨ a gun ba tɨɨ.

Matta 12:25

Yesu a nyǝm bʊʊlalɨ jini, nǝngɔ a sʊwa ji gɔ, “Gwam fɔlɔn nɨ a bel yo a kɛl kii, fɔlɔn gɔ mɨsɔ tɨ lɛ. Mɨ tuulɔ nɨ jǝbɔ lɔ nɨ maa kii lɛ a kʊm jini, tɨ lɛɨ.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Yohana 16:30

Kǝngkǝnɨ nǝn nyǝm nǝngɔ ń nyǝm kanjǝlɔ gwam. Ń nyǝm gartǝm kɛlɔ na kaa nǝl dɨ bʌtʌmɔ lɛɨ. Wʊnɨ a dǝg nǝn nǝn nǝ bɨlǝngkɛl mʊ jel a daa Kwaama woi.”

Luka 11:17

Yesu a nyǝm jʊ nɨ a mʊgɔ nǝl jini, nǝngɔ a sʊwa ji gɔ, “Gwam fɔlɔn nɨ a bel yo a kɛl kii, fɔlɔn gɔ mɨsɔ tɨɨ lɛ. Lɔ nɨ a wʊlaka a kang bʊtɔ jini, yal yal.

Maajɨ Bɛtɔ Twamagɨɨ 5:9

Nǝngɔ Bitrus a sʊwa gǝn gɔ, “N wɛ a bwɨ jǝ́ mʊrkam nyiyo jengɔ jǝ́ tɛl Yʊwa Tɛlalɔɨ? Kaa lɔl mʊnɔ nyʊwa kʌbʌl naa nǝb nɨ ya fʌl bwɨla mʊɨ, jǝ na a nyanga kan. Jǝ do ń do ń ja jel nǝn.”

Yohana 16:19

Yesu a nyǝm bɛtɔ mɛlalɨ gǝnɔ swɨ bʌtʌm gǝnɔ lɛ a kɛl nɨ gǝm. Nǝngɔ a sʊwa ji gɔ, “Jǝ́ bʌbko lɛ a bʊtɔ jen nǝn jʊ mǝ nʊng lɛɨ mǝ sʊwa mǝʊ, ‘A kǝlɨ kumtɨn mɨsɔ jǝ́ kuwo i lɛ. A kǝlɨ kumtɨn tag a gul jʊ nɨ, jǝ́ kuwo i kuwo i?’

Yohana 6:64

Kaam jenɔ wo a nǝ bɔ bɨlǝngkɛl.” A sʊwa nyɔ jʊ a bwɨɨ, a tǝltǝmɔ gǝm Yesu a nyǝm nyǝmɨ nǝb nɨ a nǝ bɔ bɨlǝngkɛlɨ, jǝbɔ nʊ nɨ lungto gǝn nɛɨ.

Yohana 6:61

Yesu a kwɛl a nyǝm bɛtɔ mɛlalɨ gǝnɔ maa kʊngatǝm lɛ a mɛlalɨ nɨ gǝm. Nǝngɔ a sʊwa ji gɔ, “Mɛlalɨ nɨ a kal jem nǝl ka?

Yohana 21:17

Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

Luka 5:22

Yesu a kwɛl a nyǝm bʊʊlalɨ jinɔ, nǝngɔ a sʊwa ji gɔ, “N wɛ a bwɨ jǝ́ maa bʊʊlalɨ nɨ lɛ nyɔ a nǝl jeni?

Markus 12:15

Bǝ ywa ka? Ka bǝ ywa lɛ ka?” Yesu a nyǝm fento jinɔ, nǝngɔ a sʊwa ji gɔ, “N wɛ a bwɨ jǝ́ shi mɨ kwalɨ lɛɨ? Jǝ́ bɛ mɨ nǝn kemʌnɔ jǝ́ ywam kemʌn tǝm lɛɨ n kuwo.”

Markus 2:8

Yesu a kwɛl a nyǝm jʊ jǝ bʊʊla lɛ a nǝl jini, nǝngɔ a bʌ ji gɔ, “N wɛ a bwɨ jǝ́ maa bʊʊlalɨ nɨ lɛ nyɔ a nǝl jeni?

Luka 7:40

Yesu a sʊwa gǝn gɔ, “Saminu, mǝ nǝn jʊ nɨ mǝ sʊwa ń nɛɨ.” Nǝngɔ gɔ, “Sʊwa ɨ sɔ feyi.”