Matta 9:27 - Dadiya NT

²⁷ Yesu bǝla daagɔ lɛɨ, nǝngɔ kaam kululʌmɔ yo ja bwang gǝm, jǝ jo jangajǝng lɛ nǝn kwaan jǝ sʊwa lɛ gɔ, “Yesu Bʊla Daudaɨ, ji bʊnǝn nǝnɔ!”

Matta 9:27 Referans Kwoze

Matta 15:22

Nǝngɔ kaa bwɛn Kananaɨ, wʊnɨ yǝm a tǝm gɨɨ, a bɛ a daa gǝ woi, gaba wulongɔ lɛ gɔ, “Tɛlalɔ, Bʊla Daudaɨ! Ji bʊnǝn mǝndɨ! Yʊwa bwɨlagɔ a nyʊwa bwɛnɔɔlɨ mǝndɨ gǝm lɛ dangǝn.”

Matta 11:5

Kululʌmɔ kuwo daagɔ lɛ, nǝbɔ bʊtɔgɔ a swam swamɨ, yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

Matta 17:15

“Tɛlalɔ, ji bʊnǝn bwɛ balɨ mǝndɨ. Nǝngǝn nǝn jwi, gǝ na a mʊgɔ gaalan nyangǝn. Kwangkwang gǝ yal yal a mʊgɔ kǝla jǝbɔ mʊgɔ mwɛ.

Yohana 7:42

Mʊlalɨ kɛl Kwaamaɨ a sʊwa gɔ, ‘Kiristi jel a dʊʊm Daudaɨ, ja bʌ gǝn a Baitalami, a bɛ tuulɔ nɨ Dauda a yɨmɨ, mɨ nyɔ ka?’ ”

Luka 7:21

Kwama ja bɛmɨ, ba ja nya Yesu gung nǝbɔ lɛ mɨ kwamɨgǝnɨ a gǝlala, jǝbɔ nǝb twɨlamɔ, jǝbɔ nǝbɔ nǝn yʊwa bwɨlaɨ, jǝbɔ kululʌmɔ a lada ja nya kuwotǝm daa.

Markus 11:10

Bwiligɔ na a fɔlɔn lɔ tɛtɛ bǝn Daudaɨ nɨ bɛ lɛɨ. Bǝlátǝmɔ na a Kwaamaɨ nɨ a dʌbʌli.”

Markus 9:22

Gǝ ga gǝn ga, a mal a kǝla jǝbɔ mwɛ, swɨ lɛ a jʌ gǝn. Na mʊ dwal dwal ń gung gǝnɨ, ji bʊnǝn nǝnɔ, tɨka nǝn.”

Matta 21:9

Nǝb nɨ a kǝga gǝnɨ jǝbɔ nǝb nɨ bwang gǝm lɛ a guli, ja gung diilɔ jǝ sʊwa lɛ gɔ, “Bǝlátǝmɔ n dǝngdǝng a dul bʊla Daudaɨ! Bwiligɔ na a nʊ nɨ bɛ lɛ a dun Tɛlalɔɨ! Bǝlátǝmɔ na a Kwaama dʌbʌli!”

Matta 1:1

Wʊnɨ nǝn gɔ mʊlalɨgɔ a dul guu dʊʊm Yesu Kiristii, bʊla Daudaɨ, bʊla Ibrahimi:

Matta 21:15

Dʊʊm nǝbkǝlamɔ jǝbɔ nǝb mɛlalɨ diilɔ ja kuwo jǝ laatǝm kang nɨ ga maaɨ, jǝbɔ bɛtɨ gung diilɔ lɛ a Kan Kwaaman jǝ sʊwa lɛ gɔ, “Bǝlátǝmɔ na a Bʊla Daudaɨ,” nǝngɔ ja nyʊwa nabwɨlɨ.

Roma 9:5

Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.

Luka 20:41

Nǝngɔ Yesu a sʊwa ji gɔ, “Wɛ a bwɨ ja sʊwa gɔ Kiristi nǝn bʊla Daudaɨ?

Luka 17:13

Nǝngɔ ja jo jangajǝl nǝn diil gɔ, “Yesu, Nǝ dʊʊ, ji bʊnǝn nǝnɔ.”

Roma 1:3

Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

Matta 9:28

Yesu a dɔ kaa lɔɨ, nǝngɔ kululʌm nɨ a bɛ a daa gǝ woi, Yesu a sʊwa ji gɔ, “Jǝ́ nǝ bɨlǝngkɛl, mǝ nǝn kwaan maatǝmɔ nyɔ ka?” Nǝngɔ ja jǝla gǝn gɔ, “Ɔɔ Tɛlalɔ!”

Matta 20:29

Kwama Yesu jǝbɔ bɛtɔ mɛlalɨ gǝnɔ jǝ bǝla Yerikogɔ lɛɨ, nǝbɔ a lada na ja bwang gǝmɨ.