Matta 9:15 - Dadiya NT

¹⁵ Nǝngɔ Yesu a jǝla ji gɔ, “Fatǝm balɨgɨɨ ji ji wi bwaa na jǝ dakini a daa bwatǝm naakanɨ ka? Kwamagɔ bɛ lɛ wo wʊnɨ ba jǝ dem jim balɨgɔ lɛɨ, jǝ do diil mwɛmɔ nǝn kwama gɔ.

Matta 9:15 Referans Kwoze

Dʊgam Nyangnyang 19:9

Nǝngɔ bwɛ twama Kwaamaɨ a sʊwa ɨ gɔ, “Mʊla jʊ nɨ: Bwiligɔ na a nǝb nɨ ja jo ji jatǝm jǝjalǝn kangwaal Bɛ Gal nɨɨ!” Nǝngɔ a sʊtǝn gɔ, “Kanjǝl nɨ nǝn gɔ kɛltɨn Kwaamaɨ, bɨlǝngǝn.”

Yohana 3:29

A kangwaal naakan, balɨgɔ nǝn gɔ a naa nɔɔlɨgɨɨ. Fwal balɨ nɨ a naa nɔɔlɨgɨɨ, gǝ yam kɛl nɨ jel lɛ a nyiyo balɨgɨɨ. Gǝ nyʊwa nyʊwa lǝma na a nyʊwa kɛl nɨ a jel a nyiyo balɨgɨɨ. N jʊ a bwɨ mǝ nǝn fulotǝm nǝlɨ.

Dʊgam Nyangnyang 21:2

N kuwo Tuulɔ Sagsagɔ, Urushalima fɨgɔ gǝla lɛ a dʌbʌl kwama, a daa Kwaama woi. A fɛka na nɔɔgwaalɨ nǝn dʊʊl sǝ bwɨla gɔ a kuwo gǝn.

Maajɨ Bɛtɔ Twamagɨɨ 14:23

Kwama ja jǝg nǝb dʊʊmɔ a daatɨn mʊrkalɨ nǝb bwangtǝm Kwaamaɨ gwamɨ, nǝngɔ ja dɔ maatǝm keli jǝbɔ dotǝm diil mwɛɨ, ja dǝg ji a kang Tɛlalɔɨ, wʊnɨ ja nǝ bɨlǝngkɛl nǝn gɨɨ.

1 Korinti 7:5

Ka kaa win ya kɔ a wini lɛ, na ke bɔ nyɨɨ, bɛ a yǝlam nǝn jǝlatǝm a kʊm jen, ka kʊta lɛ, sǝ jǝ́ ja kǝga a mʊgɔ keli. Sǝ jǝ́ yǝla jǝ́ mʊrka, kage Mammɔ a tɛl jen a gola nɨ mɨsɔ bɛ lɛ nǝn tatǝm duli.

Yohana 16:6

Nǝltɨn jenɔ yii nǝn fitǝm nǝl, jʊ a bwɨɨ n sʊwa jen kanjǝl nɨ.

2 Korinti 11:27

N nɔɔ gaalan maajɨ dangǝn. Mǝ nya bɔ daatǝm dum. N nɔɔ gaalan jʊwan jǝbɔ laatǝm mwɛ. Naagɔ a laa kwaan mǝ nya bɔ jǝjalǝn. N nyʊwa juul. N yɔ bʊtɔgɔ kwakwa.

Matta 9:14

Nǝngɔ bɛtɔ mɛlalɨ Yohanaɨ ja bɛ a daa gǝ woi, ja bʌ gǝn gɔ, “Nǝn jǝbɔ nǝbɔ Farisaɨ nǝn do diil mwɛ lɛ. N wɛ a bwɨ bɛtɔ mɛlalɨ mʊnɔ mɨ jǝ do lɛɨ?”

Matta 9:16

“Mɨ nǝn nʊ nɨ baka bɛllɛ galɨ lɛ nǝn mwan dwang fɨɨ. Na ga maa nyɨɨ, mwan dwang fɨgɔ wʊl wʊl bɛllɛ galɨgɔ. Wʊlatǝm gǝnɔ laa laa a galɨgɔ bwɨlatǝmɔ.

Markus 2:19

Nǝngɔ Yesu a jǝla ji gɔ, “Fatǝm balɨgɨɨ jǝ do do diil mwɛ na jǝ dakini jǝbɔ gɔ a daa bwatǝm naakanɨ ka? Kwamagɔ jǝ dakini jǝbɔ balɨgɨɨ, mɨsɔ jǝ do diil mwɛ lɛ.

Markus 2:20

Kwamagɔ bɛ lɛ wo wʊnɨ ba jǝ dem jim balɨgɔ lɛɨ, nǝngɔ kwama gɔ jǝ dem diil mwɛ lɛɨ.

Luka 5:34

Nǝngɔ Yesu a jǝla ji gɔ, “Jǝ́ dǝg dǝg fatǝm balɨgɨɨ jǝ do diil mwɛ na jǝ dakini jǝbɔ gɔ a daa bwatǝm naakanɨ ka?

Luka 5:35

Kwamagɔ bɛ lɛ wo wʊnɨ ba jǝ dem balɨgɔ lɛ a daa ji woi, a kumtɨn gɔ jǝ do do diil mwɛ.”

Luka 17:22

Nǝngɔ a sʊwa bɛtɔ mɛlalɨ gǝnɨ gɔ, “Kɔkɔgɔ bɛ lɛ wo wʊnɨ jǝ́ swɨ lɛ jǝ́ kuwo Bʊla Nǝlɨ maa fɔlɔn nɛɨ, mɨsɔ jǝ́ kuwo lɛ.