Matta 9:13 - Dadiya NT

¹³ Ya jǝ́ mɛla n wɛ jʊ nɨ nʊng lɛɨ, ‘A mǝndɨ n jitǝm bʊnǝn nǝbɨɨ mǝ saa lɛ a daa jen woi, n ke bɔ twɨtǝm yulʌn.’ N ke bɔ jotǝm nǝb dǝngdǝng mǝ bɛɨ, mǝ bɛ jotǝm nǝb bwɨlangkɛl.”

Matta 9:13 Referans Kwoze

Markus 2:17

Yesu a nyʊwa nyɨɨ, nǝngɔ a sʊwa ji gɔ, “Nǝb nɨ kwamɨgǝnɨ mɨ jǝ yɔ lɛ a daa nǝ bʊʊ woi, n nǝbɔ mɨ kwamɨgǝnɨ gǝ yɔ lɛ woi. Mǝ bɛ bɔ sǝ ba n jo nǝb dǝngdǝng. Mǝ bɛ jotǝm nǝb bwɨlangkɛl.”

Luka 19:10

Bʊla Nǝlɨ a bɛ sǝ ba saa, sǝ a bʊʊ nǝn nǝb nɨ a lɛlaɨ.”

Luka 5:32

Mǝ bɛ bɔ sǝ ba n jo nǝb dǝngdǝng. Mǝ bɛ jotǝm nǝb bwɨlangkɛl, sǝ ja yǝla ja bǝla bwɨlangkɛl jinɔ.”

Matta 12:7

Na na jǝ́ nyǝm n wɛ jʊ nɨ nʊng lɛɨ, ‘A mǝndɨ n jitǝm bʊnǝn nǝbɨɨ mǝ saa lɛ a daa jen woi, n ke bɔ twɨtǝm yulʌn,’ na mɨsɔ jǝ́ tuwo nǝb bɨlǝngkɛlɔ lɛ nǝn bwɨlangkɛl.

2 Bitrus 3:9

Tɛlalɔ mɨ gǝ tɨla lɛ nǝn swatǝm yaa gǝnɔ, kanga kaamɨ gǝ do tatǝm bʊtɔ lɛɨ. N nǝ bwatǝm nǝl a daa jen woi. A swɨ bɔ kaa nǝl a kala. Swɨ lɛ nǝbɔ gwam a yǝla a bǝla bwɨlangkɛl jinɔ.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Matta 4:17

Nǝngɔ Yesu a tǝl kiyotǝm kɛl Kwaamaɨ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Matta 3:8

Jǝ́ maa maajɨ nɨ nʊng lɛ gɔ jǝ́ yǝla jǝ́ bǝla bwɨlangkɛl jeni.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Matta 21:42

Yesu a sʊwa ji gɔ, “Jǝ́ kiyo bɔ wo a mʊlalɨ langǝn bwangǝn Kwaamaɨ ka? Wʊnɨ sʊwa lɛ gɔ, “ ‘Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ. Jʊ nɨ n maatǝm Tɛlalɔɨ, n jǝ laatǝm kang a daa bǝn woi.’

Matta 12:3

Nǝngɔ a sʊwa ji gɔ, “Jǝ́ kiyo bɔ jʊ nɨ Dauda a maa kwama nɨ a nyʊwam jʊwan jǝbɔ fatǝm yɔm gǝnɨ ka?

Markus 12:26

A dul kɛl guntǝm a bwaaɨ, jǝ́ kiyo bɔ wo a langǝn bwangǝn Musaɨ jʊ Kwaama a sʊwa gǝn a fulon kɛl kʊm tɨya yʌbigɔ ta kǝla lɛɨ gɔ, ‘Nǝmǝ mǝ Kwaama Ibrahimi, jǝbɔ Kwaama Ishakui jǝbɔ Kwaama Yakubui’ ka?

Yohana 10:34

Nǝngɔ Yesu a jǝla ji gɔ, “A mʊla mʊlaɨ a mʊgɔ diil jen gɔ, Kwaama a sʊwa gɔ, ‘N sʊwa mǝʊ jǝ́ kwaamatɨn.’

Matta 19:4

Yesu a jǝla ji gɔ, “Jǝ́ kiyo bɔ wo nyɔ gɔ, nʊ nɨ a fɛ ji a tǝltǝm yoolii, a fɛ balɨ jǝbɔ nɔɔlɨɨ ka?

Matta 12:5

Jǝ́ kiyo bɔ a mʊgɔ diil Musaɨ ka, kanga nǝbkǝlamɔ a kǝl diil Kum Fǝbtǝmɔ a Kan Kwaamanɨ, a wʊnɨ a yǝlam jim bɔ bwɨlangkɛlɨ?

Luka 10:26

Yesu a jǝla gɔ, “N wɛ ja mʊla a diilɔ gǝmɨ? N wɛ mʊ nyǝm woi?”

Markus 12:33

Bɛ ń swɨ gǝn nǝn nǝl mʊnɔ gwam, jǝbɔ bʊʊlalɨ mʊnɔ gwam, jǝbɔ kwaan mʊnɔ gwam, swɨ fwalɨ yɨm mʊnɔ kanga mʊ swɨm dul mʊnɔ lɛɨ, a laa tǝlatǝm twama jǝbɔ twɨtǝm yulʌn.”

Luka 5:31

Nǝngɔ Yesu a jǝla ji gɔ, “Nǝb nɨ kwamɨgǝnɨ mɨ jǝ yɔ lɛ a daa nǝ bʊʊ woi, n nǝbɔ mɨ kwamɨgǝnɨ gǝ yɔ lɛ woi.