Matta 8:27 - Dadiya NT

²⁷ Nǝbɔ a ta kang a nyiyo jǝ bʌbko lɛ gɔ, “Nʊ nɨ nuwo yʊwagɔ jǝbɔ mwɛ wɨmagɔ nyʊwa gǝn nɛɨ?”

Matta 8:27 Referans Kwoze

Markus 7:37

Ja ta kang a nyiyo dangǝn, jǝ sʊwa lɛ gɔ, “A maa kanjǝlɔ gwam a bʊm! A gung nǝb nɨ mɨ nyʊwa lɛɨ, ja nyʊwa, nǝb nɨ mɨ sʊwa kɛl lɛɨ, ja sʊwa kɛl.”

Markus 6:51

Nǝngɔ a dɔ mʊgɔ tɨyamwɛngɔ jǝbɔ jii, nǝngɔ yʊwa ga tɨɨ. Bɛtɔ mɛlalɨ gǝnɔ a ta kang a nyiyo.

Markus 1:27

Gwam jinɔ ja ta kang a nyiyo, jǝ bʌbko lɛ gɔ, “Jʊ nɨ n wɛ nyɨɨ? Dwiyen kaa jǝ fɨ wɔ! Bwɛ nɨ nǝn fɔlɔn, wɔ ga yʊwa bwɨlantɨnɔ gǝm wulong lɛ, yʊwa bwɨlantɨnɔ tʌji jǝ nyʊwa diil gǝnɔ lɛ.”

Matta 15:31

Nǝbɔ a lada a ta kang a nyiyo, jʊ a bwɨɨ ja nyʊwa gɔ nǝbɔ nyiyogɔ a ta taɨ sʊwa kɛl lɛ kǝngkɔ, jǝbɔ nǝbɔ jinʌnɔ a taam taamɨ, jinʌn jinɔ a yǝla kwama tʌgo, nǝbɔ naagɔ a swam swamɨ, yɔ yɔm lɛ, jǝbɔ kululʌmɔ kuwo daagɔ lɛ kǝngkɔ. Nǝngɔ ja bǝlá Kwaama Israilaɨ.

Matta 14:33

Nǝbɔ a mʊgɔ tɨyamwɛngɨɨ a jʊng a nǝ Yesu dʊʊn, jǝ sʊwa lɛ gɔ, “Bɨlǝngǝn, mʊ nǝn Bʊla Kwaamaɨ.”

Matta 8:10

Nǝn kwama Yesu a nyʊwa jʊ nɨɨ, a ta kang a nyiyo, a yǝla a sʊwa nǝbɔ bwang gǝm lɛɨ gɔ, “N bɨlǝngǝn mǝ sʊwa jen nɛɨ, a mʊgɔ nǝbɔ Israilaɨ mǝ nya bɔ gʌleng nǝ nǝtǝm bɨlǝngkɛl wo na nʊ nɨ!

Matta 8:26

Nǝngɔ a sʊwa ji gɔ, “Jǝ́ nǝb nǝtǝm bɨlǝngkɛl nǝn dǝm nyɔ! Wɛ a bwɨ jǝ́ nyʊwa taal lɛɨ?” Nǝngɔ a gun a ga yʊwa mwɛmɔ jǝbɔ mwɛmɔ mʊla lɛɨ gǝm wulongi, yʊwagɔ jǝbɔ mwɛ nɨ mʊla lɛɨ, a tɨ.

Matta 8:28

Nǝn kwama Yesu a yabǝm wɨmagɔ a bɛ a kʌng wini a tǝm Garasinaɨ, nǝngɔ nǝbɔ yo nǝn yʊwa bwɨlaɨ ja jel a kalfʌto ja bɛ a daa gǝ woi. Ja yǝlam jǝ taal, nǝbɔ mɨ mwɨ lɛ a yɔ a golagɔ jǝ woi.