Matta 8:11 - Dadiya NT

¹¹ Mǝ sʊwa jen nɛ nǝbɔ a lada bɛ bɛ a twal jǝbɔ diyeng, ba yɨ a ja jǝjalǝn jǝbɔ Ibrahim, jǝbɔ Ishaku jǝbɔ Yakubu a mʊgɔ fɔlɔn lɔ Kwaamaɨ.

Matta 8:11 Referans Kwoze

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Luka 12:37

Bwiligɔ na a bɛtɔ jwaalɛn nɨ tɛlalɔngɔ ba nya jǝ yam gǝn nɛɨ. N sʊwa jen bɨlǝngǝn, dʊʊ dʊʊ dwang dʊʊl gǝnɔ, sǝ a sʊwa ji gɔ ja yɨ a daa jatǝm jǝjalǝnɔ gǝm, sǝ a tǝga ji jǝjalǝnɔ.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Maajɨ Bɛtɔ Twamagɨɨ 10:45

Yahudawagɔ nǝb bwangtǝmɔ, wʊnɨ ja bɛ jǝbɔ Bitrusi, ja kuwo nǝb nɨ n Bʌtʌb tʌjii ja nya nǝtǝm lǝma Yʊwa Kwaamaɨ, ja ta kang a nyiyo.

Matta 24:31

Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

Dʊgam Nyangnyang 7:6

a nya Ashirui nǝbɔ fʊlkʊblǝnɔ kʊb jeli yo (12,000), a nya Naftalii nǝbɔ fʊlkʊblǝnɔ kʊb jeli yo (12,000), a nya Manassaɨ nǝbɔ fʊlkʊblǝnɔ kʊb jeli yo (12,000),

2 Tasalonikaɨ 1:5

Jʊ nɨ gwam gǝ nʊng gɔ borang Kwaamaɨ n dǝngdǝng, n gola nɨ jǝ kiyo jen nɛ a mʊgɔ nǝb nɨ a daa tʌgo a fɔlɔn lɔ Kwaamaɨ, wʊnɨ jǝ́ nɔɔ gaalan nɛ a dul gǝnɨ.

1 Korinti 15:20

N bɨlǝngkɛl Kwaama a gung Kiristi a bwaa. Nǝn gɔ a yǝlam nǝ tɨkǝga a nǝb nɨ a bʊlaɨ.

1 Korinti 6:9

Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,

Maajɨ Bɛtɔ Twamagɨɨ 14:27

Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Luka 16:22

“Nǝngɔ nǝ keli nɨ ba bʊlaɨ. Nǝngɔ bɛtɔ twama Kwaamaɨ a do gǝn a yɔ nǝn gɔ a daa Ibrahim woi a Lɔ Kwaamaɨ. Nǝ shilo nɨ a bʊla tǝgǝnɨ, nǝngɔ ja fʌl gǝnɨ.

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 8:10

Nǝn kwama Yesu a nyʊwa jʊ nɨɨ, a ta kang a nyiyo, a yǝla a sʊwa nǝbɔ bwang gǝm lɛɨ gɔ, “N bɨlǝngǝn mǝ sʊwa jen nɛɨ, a mʊgɔ nǝbɔ Israilaɨ mǝ nya bɔ gʌleng nǝ nǝtǝm bɨlǝngkɛl wo na nʊ nɨ!

Matta 21:41

Nǝngɔ nǝbɔ a sʊwa gǝn gɔ, “Ba maa maa bwɨlang nǝb nɨ gǝm jʌtǝm bwɨla, sǝ a nǝ kaam nǝb twam ywatǝmɔ, wʊnɨ ya jǝ nǝ gǝn tʊʊl tɨya gǝnɔ lɛ na ja kwasaɨ.”