Matta 7:6 - Dadiya NT

⁶ “Ka jǝ́ nǝ lɛ sǝgantɨnɔ kanjǝl sagsag. Ka jǝ́ tal lɛ nyiyolitɨnɔ tɛl bʊmǝntɨn. Na jǝ́ maa nyɨɨ, jǝ fala nǝn naa, sǝ ja yǝla ja nyʊwa jem twɨla.

Matta 7:6 Referans Kwoze

Filibii 3:2

Bɛ jǝ́ kɨla sǝgantɨn nɨɨ! Bɛ jǝ́ kɨla nǝb maajɨ bwɨla nɨ! Jǝ́ kɨla nǝb biyotǝm mwɛn nɨ!

Matta 15:26

Nǝngɔ a jǝla gɔ, “A bʊm bɔ nyɔ ja do jǝjalǝn bɛtɨɨ ja nǝ sǝgantɨnɔ.”

Ibranii 10:29

Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.

2 Bitrus 2:22

Jʊ nɨ ja maaɨ a yɔ dǝngdǝng jǝbɔ mʊsǝn kɛl bɨlǝngkɛl nɨ sʊwa lɛ gɔ, “Sǝganɔ a gwɨ a yǝla a debla,” jǝbɔ, “Nyiyoli nɨ ja yʊ gǝn mwɛɨ, a yǝla a bʌlto a mʊgɔ boltoi.”

Matta 24:10

Nǝbɔ a lada nyɔ na yǝla lɛ a nǝn gul a nǝtǝm bɨlǝngkɛl jinɔ gǝmɨ, jǝ miyoka miyoka, jǝ kulko kulko.

Ibranii 6:6

kǝngkɔ ja yǝla ja kɔ bɨlǝngkɛlɨ, mɨsɔ maa lɛ ja gʊ ji ja yǝla ja bǝla bwɨlangkɛlɔ. Jʊ a bwɨɨ a yǝlatǝm dul jinɔ gǝm, ja kʊʊ Bʊla Kwaamaɨ. Ja nǝ gǝn gunidul a kǝga nǝbɨɨ.

2 Korinti 11:26

N yɔ yɔmɔ a lada. N nyʊwa gaalan a tiyotɨn. N nyʊwa gaalan a kang nǝb wultǝmɨ. N nyʊwa gaalan a kang nǝbam nǝnɨ. N nyʊwa gaalan a kang Bʌtʌbi. N nyʊwa gaalan a tuulɔtɨn. N nyʊwa gaalan a yǝla. N nyʊwa gaalan a wɨmatɨn. N nyʊwa gaalan tag a kang kɛtǝlam gabakɛlɔ woi.

Matta 7:5

Mʊ nǝ fento! Tǝl jǝgǝm gʌleng nyiyotɨya nɨ a mʊgɔ nu mʊnɨ dɨn, sǝla ń kuwo kanga mʊ jǝgǝm kǝlɨ bɛ yǝlagɔ lɛ a nu kɨla mʊɨ.

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.