Matta 7:28 - Dadiya NT

²⁸ Nǝn kwama Yesu a dɨm sʊwatǝm kanjǝl nɨɨ, kʌm nǝb nɨ a mʊrkaɨ, ja ta kang a nyiyo nǝn mɛlalɨ gǝnɔ,

Matta 7:28 Referans Kwoze

Luka 4:32

Nǝngɔ ja ta kang a nyiyoi, jʊ a bwɨɨ kɛl gǝnɔ nǝn kwaan fɔlɔn.

Markus 1:22

Ja ta kang a nyiyo nǝn mɛlalɨ gǝnɔ, jʊ a bwɨɨ gǝ sʊwa ji kɛlɔ na nʊ nɨ nǝn fɔlɔnɨ, ke bɔ na a nǝb mɛlalɨ diili.

Yohana 7:46

Nǝngɔ nǝb tɔɔtǝm Kan Kwaamanɔ a jǝla ji gɔ, “Mɨ kaa nǝl wo sʊwa kɛl lɛ na nʊ nɨɨ.”

Markus 6:2

Nǝn Kum Fǝbtǝm, nǝngɔ a tǝl mɛlalɨgɔ a Kan mɛlalɨɨ. Nǝbɔ a lada na nyʊwa gǝn nɛɨ, ja ta kang a nyiyo, jǝ sʊwa lɛ gɔ, “Nʊ nɨ a nya yʊlan nɨ a fee gwam? Nyǝmtǝm wɛ ja nǝ gǝn nyɨɨ? Ga nya kwaan maatǝm jǝ laatǝm kang nɨ a fee?

Luka 4:22

Gwam jinɔ jǝ woi, jǝ sʊwa kɛl nyan nɛ a dul gǝn. Ja ta kang a nyiyo a kɛl nyantɨn nɨ jela lɛ a nyiyo gǝnɨ. Jǝ bʌbko lɛ gɔ, “Bwɛ nɨ n ke bɔ bʊla Yusufui ka?”

Yohana 7:15

Nǝngɔ dʊʊm Yahudawagɔ a ta kang a nyiyo jǝ sʊwa lɛ gɔ, “Nʊ nɨ a maa bɔ gǝlalantal wo sǝ a nya kiyotǝm. A la maa nyǝn a yǝlam nǝ nyǝmtǝm nyɨɨ?”

Matta 22:33

Kwama nǝbɔ a nyʊwa kɛl nɨɨ, nǝngɔ ja ta kang a nyiyo a mɛlalɨ gǝnɔ gǝmɨ.

Luka 19:48

Kɛl gǝnɔ a kwɛl a dem gom nǝbɨɨ gwam. N jʊ a bwɨ ja nya bɔ jʊ nɨ jǝ maa lɛɨ.

Markus 11:18

Dʊʊm nǝbkǝlamɔ jǝbɔ nǝb mɛlalɨ diilɔ ja nyʊwa kɛl nɨɨ, nǝngɔ ja tǝl saatǝm gola nɨ jǝ jʌm gǝn nɛɨ, jǝ nyʊwa taal gǝnɔ lɛ, jʊ a bwɨɨ nǝb nɨ gwam a mʊrkaɨ ja ta kang a nyiyo nǝn mɛlatǝm gǝnɔ.

Matta 26:1

Nǝn kwama Yesu a dɨ sʊwatǝm katɨ nɨɨ, nǝngɔ a sʊwa bɛtɔ mɛlalɨ gǝnɔ gɔ,

Matta 11:1

Yesu a dɨ mɛlatǝm bɛtɔ mɛlalɨ gǝnɔ kʊb jeli yoi gǝm kɛl nɨɨ, nǝngɔ a gun a daa gɔ a shu ya mɛla nǝbɔ gǝm lɛɨ, kiyo jim kɛl Kwaamaɨ lɛ a tuulɔtɨn jini.

Matta 19:1

Nǝn kwama Yesu a dɨm sʊwatǝm kɛltɨn nɨ gwamɨ, nǝngɔ a bǝla Galiligɨɨ, a shu a Yahudiya nɨ a dʌng Tiyo Urduni.

Matta 7:27

Nǝngɔ mwɛmɔ a swiyoi, tiyotɨnɔ a yiilo, a gwi kʌngtɨnɔ, yʊwagɔ a maaɨ, nǝngɔ a ga lɔngɨ, lɔngɔ a kʌbo, a yal, kʌbotǝm gǝnɔ a bwɨla nyɔ.”

Matta 7:29

jʊ a bwɨɨ gǝ sʊwa ji kɛlɔ na nʊ nɨ nǝn fɔlɔnɨ, ke bɔ na a nǝb mɛlalɨ diil jini.

Luka 2:47

Nǝb nɨ gwam a nyʊwa gǝnɨ ja ta kang a nyiyo nǝn nyǝmtǝm gǝnɔ jǝbɔ jǝlatǝm kɛl gǝnɔ.

Luka 7:1

Yesu a dɨ sʊwatǝm nǝbɔ kɛltɨn nɨ gwamɨ, nǝngɔ a gun a shu a Kafarnahumi.