Matta 6:34 - Dadiya NT

³⁴ A dul kɛl nɨ ka jǝ́ kom lɛ dul jenɔ a fʌngɔ gǝm. Fʌngɔ bɛ lɛ nǝn komʌn gǝnɔ. Komtǝmɔ a kɔkɔgɔ dwiyeni a wʊlam.

Matta 6:34 Referans Kwoze

Matta 6:25

“Mǝ sʊwa jen nɛ, ka jǝ́ kom lɛ dul jenɔ a jʊ nɨ jǝ́ ja lɛɨ jǝbɔ jʊ nɨ jǝ́ nɔɔ lɛɨ, jǝbɔ jʊ nɨ jǝ́ dʊʊ lɛ a bʊtɔɨ. Kʊlɨgɔ a laa bɔ jǝjalǝn ka? Bʊtɔgɔ a laa bɔ dwangtɨn ka?

Yohana 14:27

N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Luka 11:3

Nǝ bǝn jǝjalǝn dwiyenɔ jǝbɔ a tangǝn kumtɨnɔ.

Matta 6:11

Nǝ bǝn jǝjalǝn dwiyenɔ jǝbɔ a tangǝn kumtɨnɔ.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Matta 6:27

Nuwo a kʊm jen a mʊgɔ komtǝm sʊ dul gǝnɔ gǝm kum lɛɨ?

Luka 10:41

Nǝngɔ Tɛlalɔ a jǝla gǝn gɔ, “Marta, Marta, mʊ kom dul mʊnɔ lɛ, ń nya komʌn a dul kanjǝlɔ a lada.

Luka 12:11

“Na ja yɔ nǝn jen a kǝga kantɨn mɛlalɨ jǝbɔ nǝb borangɔ jǝbɔ nǝb fɔlɔnɨ, ka jǝ́ kom lɛ dul jenɔ a jʊ nɨ jǝ́ gar jim lɛɨ, jǝbɔ jʊ nɨ jǝ́ sʊwa ji lɛɨ.

Luka 12:22

Nǝngɔ a sʊwa bɛtɔ mɛlalɨ gǝnɨ gɔ, “Mǝ sʊwa jen nɛ, ka jǝ́ kom lɛ dul jenɔ a jʊ nɨ jǝ́ ja lɛɨ, jǝbɔ jʊ nɨ jǝ́ dʊʊ lɛ a bʊtɔɨ.

Filibii 4:6

Ka jǝ́ kom lɛ dul jenɔ a dul kaa jǝl. Bɛ jǝ́ kela Kwaama jʊ jǝ́ swɨ lɛɨ. Bɛ jǝ́ buu gǝm kang a kanjǝlɔ gǝm gwam a maa jemi.

1 Bitrus 5:7

Bɛ jǝ́ tʊng komtǝm jenɔ a daa gǝ woi, jʊ a bwɨɨ, nǝn gɔ kɨla jen nɛɨ.