Matta 6:25 - Dadiya NT

²⁵ “Mǝ sʊwa jen nɛ, ka jǝ́ kom lɛ dul jenɔ a jʊ nɨ jǝ́ ja lɛɨ jǝbɔ jʊ nɨ jǝ́ nɔɔ lɛɨ, jǝbɔ jʊ nɨ jǝ́ dʊʊ lɛ a bʊtɔɨ. Kʊlɨgɔ a laa bɔ jǝjalǝn ka? Bʊtɔgɔ a laa bɔ dwangtɨn ka?

Matta 6:25 Referans Kwoze

Filibii 4:6

Ka jǝ́ kom lɛ dul jenɔ a dul kaa jǝl. Bɛ jǝ́ kela Kwaama jʊ jǝ́ swɨ lɛɨ. Bɛ jǝ́ buu gǝm kang a kanjǝlɔ gǝm gwam a maa jemi.

1 Bitrus 5:7

Bɛ jǝ́ tʊng komtǝm jenɔ a daa gǝ woi, jʊ a bwɨɨ, nǝn gɔ kɨla jen nɛɨ.

Roma 8:32

Kwaama a kɔ bɔ nǝtǝm bǝn bʊla gɨɨ, a nǝ bǝn pʌd bǝnɔ. Kwaama nɨ a kwɛl a nǝ bǝn Bʊla gɨɨ, mɨsɔ nǝ bǝn kanjǝlɔ lɛ gwam tag ka?

Matta 6:31

Ka jǝ́ bwan nɛ jʊ jǝ́ ja lɛɨ, jʊ jǝ́ nɔɔ lɛɨ, jʊ jǝ́ dʊʊ lɛɨ.

Markus 4:19

na kwama ja yem kɛl nɨɨ, komʌn kanjǝl yooligɔ, jǝbɔ swɨtǝm shilo, jǝbɔ wɛl kanjǝl a dɔ a bǝmǝm kɛl Kwaamaɨ, a daa nǝn kwan.

Matta 10:19

Kwama ja lungto jen, ja yɔ nǝn jen a kan borangɨ, ka jǝ́ kom lɛ dul jenɔ a jʊ nɨ jǝ́ sʊwa lɛɨ. Yʊwa Kwaamaɨ nǝ jen nǝ jʊ nɨ jǝ́ sʊwa lɛ a kwama gɨɨ.

1 Korinti 7:32

Mǝ swɨ lɛ jǝ́ nya jǝgtǝm dul a komtǝm nɨ gǝm. Nʊ nɨ a naa bɔ nɔɔlɨɨ, gǝ sʊtǝn sʊ dʌngtǝm kanjǝl Tɛlalɔɨ, kanga fulo Tɛlalɔ gǝm nǝl lɛɨ.

Matta 6:34

A dul kɛl nɨ ka jǝ́ kom lɛ dul jenɔ a fʌngɔ gǝm. Fʌngɔ bɛ lɛ nǝn komʌn gǝnɔ. Komtǝmɔ a kɔkɔgɔ dwiyeni a wʊlam.

2 Timoti 2:4

Mɨ sʊwajaam nɨ wo a kǝga kun dǝg dul gǝnɔ lɛ a kaa maajɨɨ. Swɨ lɛ a fulo nǝl nǝ dʊʊ gǝnɨ.

Luka 8:14

Dʊʊm nɨ a tǝla a kʊm sholaɨ, n nǝb nɨ a nyʊwa kɛl Kwaamaɨ. Na jǝ daamɨ, komʌn kanjǝl yooligɔ, jǝbɔ saatǝm shilogɔ jǝbɔ nyʊwatǝm lǝmagɔ ba bǝmǝm bɨlǝngkɛlɔ. Mɨ jǝ maa jǝ nya lɛɨ.

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Luka 12:11

“Na ja yɔ nǝn jen a kǝga kantɨn mɛlalɨ jǝbɔ nǝb borangɔ jǝbɔ nǝb fɔlɔnɨ, ka jǝ́ kom lɛ dul jenɔ a jʊ nɨ jǝ́ gar jim lɛɨ, jǝbɔ jʊ nɨ jǝ́ sʊwa ji lɛɨ.

Markus 13:11

Na ja ta jen ja yɔ nǝn jen a kan borangɨ, ka jǝ́ kom lɛ dul jenɔ jengɔ n wɛ jǝ́ gar jim lɛɨ, gwam jʊ nɨ Kwaama a nʊng jeni n jʊ jǝ́ sʊwa lɛ a kwama gɨɨ. N ke bɔ jen jǝ́ gar kɛlɔ lɛɨ, n Yʊwa Kwaamaɨ gar lɛɨ.