Matta 6:19 - Dadiya NT

¹⁹ “Bɛ ka ń ya lɛ dul mʊnɔ gǝm shilo a tǝm nɨ, a daa nɨ bʊntangɔ jǝbɔ bwatɛgɔ kalǝm lɛɨ, nǝbkuumɔ kǝl nyanga kanɔ lɛ a dɔ a kuui.

Matta 6:19 Referans Kwoze

Ibranii 13:5

Bɛ ka bʊʊlalɨ jenɔ ya yǝlam lɛ na swɨtǝm kemʌn. Bɛ jǝ́ maa fulotǝm nǝl nǝn jʊ jǝ́ nǝnɨ, jʊ a bwɨɨ Kwaama a sʊwa gɔ, “Mɨsɔ mǝ bǝla ń nɛ wo. Mɨsɔ mǝ kɔ ń nɛ wo.”

Luka 12:21

“Nʊ nɨ a mʊr dul gǝnɔ gǝm shilo tǝm nɨ a twabǝm nǝn Kwaamaɨ, gǝ na na nʊ nɨ mǝ sʊwa kɛl gǝnɔ a mʊsǝn kɛl nɨ.”

Luka 18:22

Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

Luka 12:33

Jǝ́ miyo kanjǝl jenɔ, jǝ́ nǝ nǝb bʊnǝnɔ kemʌnɔ. Jǝ́ saa dul jenɔ gǝm bǝla kemʌn wʊnɨ mɨsɔ gʌlo lɛ woi, shilogɔ a dʌbʌli mɨsɔ dɨ lɛɨ. Nǝkuu mɨsɔ kuu lɛ wo. Bʊntangɔ mɨsɔ kʊm lɛɨ.

Luka 18:24

Yesu a dʌng gǝnɨ, nǝngɔ a kuwo nǝl gǝnɔ a kalaɨ, nǝngɔ a sʊwa gɔ, “Bwa bwa sǝ nǝb shilo a nya dɔtǝm fɔlɔn lɔ Kwaamaɨ.

Matta 19:21

Nǝngɔ Yesu a sʊwa gɔ, “Na mʊ swɨ lɛ ń yǝlam dǝngdǝngɨ, yɔ ya miyo jʊ mʊ nǝnɨ gwam, ń nǝ nǝb bʊnǝnɔ, mʊ nya nya shilo a dʌbʌl kwama, sǝla ń bɛ ba ń bwang mɨ.”

Matta 6:20

Yʊ shilo mʊnɔ a dʌbʌl a daa nɨ a bʊmɨ. A daa nɨ bʊntangɔ jǝbɔ bwatɛgɔ mɨsɔ kal lɛɨ, nǝbkuumɔ mɨsɔ dɔ lɛ a kuui.

Luka 12:39

Bɛ jǝ́ nyǝm na nǝ lɔngɔ a nyǝm kwama nɨ nǝkuugɔ bɛm lɛɨ, na a fɛka a kʌshi lɔ gǝnɔ ka nǝkuugɔ a dɔ gǝm lɔ.