Biblia Todo Logo
Bib sou entènèt

- Piblisite -




Matta 6:1 - Dadiya NT

1 “Bɛ ka jǝ́ maa lɛ kanjǝl nɨ dǝngdǝngɨ a nu nǝbɨɨ sǝ ja kuwo jen. Na jǝ́ maa nyɨɨ, mɨsɔ jǝ́ nya bwili lɛ a daa Tɨya jen nɨ woi a kwamaɨ.

Gade chapit la Kopi




Matta 6:1
36 Referans Kwoze  

“Kanjǝl nɨ jǝ maa lɛɨ, jǝ maa sǝ nǝbɔ a kuwo. Jǝ bwa tafɨyatɨn nɨ ja mʊla kɛl Kwaamaɨ woi a tɛkǝga jinɔ gǝm. Dwang malǝng jinɔ a som nyɔ gǝla kwaala lɛ a tǝm.


Jʊ a bwɨɨ, ja swɨ bǝlátǝmɔ a nyiyo nǝbɨɨ, a laa Kwaamaɨ.


Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.


Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.


Nǝb nɨ swɨ lɛ a dǝg jen biyotǝm mwɛn nǝn kwaanɨ, jǝ swɨ lɛ ja kuwo ji jǝ kaa jǝl a kǝga nǝbɨɨ. Jʊ a bwɨ jǝ maa jem lɛ nyɨɨ, jǝ mwal nyʊwatǝm gaalan nɨ jǝ maa jim lɛ a dul kʊʊtǝm Kiristii.


La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?


Bɛ jǝ́ kɨla dul jenɔ. Ka jǝ́ mǝla lɛ maajɨgɔ jǝ́ maaɨ. Bɛ jǝ́ nya ywatǝm nyan.


A gʊ lɔl jinɔ a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a Hiridusi.”


“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.


Nǝngɔ Yesu a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a nǝbɔ Sadukiyaɨ.”


A sʊwa ji gɔ, “Bɛ jǝ́ nyǝm, ka jǝ́ maa lɛ wɛl kanjǝl. Kanjǝl nɨ nǝl a mʊr a lada nyɨɨ, mɨsɔ nǝ gǝn kʊlɨ lɛ.”


Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.


A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.


Bɛ ń nyǝm, nyalǝm nɨ a bʊtɔ mʊnɨ n ke bɔ kumtojili.


Kwama kanjǝl nɨ bwɨ lɛɨ, nǝbɔ fʊlkʊblǝnɔ a lada ja mʊrka. Jǝ falaka lɛ nǝn naa. Nǝngɔ a tǝl sʊwa bɛtɔ mɛlalɨ gǝnɔ kɛlɔ lɛ nǝn tɨkǝgaɨ gɔ, “Bɛ jǝ́ kɨla mɛlalɨ bwɨla nǝbɔ Farisaɨ, n kɛl fento.


Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’


Na jǝ́ swɨ nǝb nɨ swɨ jen nɛɨ, la jǝ́ nya lǝma Kwaamaɨ nyǝn? Nǝb yotǝm kemʌn tǝmɔ mɨ maa lɛ nyɔ ka?


“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [


Na jǝ́ kel keli lɛɨ, bɛ jǝ́ sʊwa nyɔ: “ ‘Tɨya bǝn nɨ a kwamaɨ, bɛ dun mʊnɔ a nya dʊʊltǝm.


A dul kɛl nɨ, bɛ bǝ sʊtǝn bʊʊlalɨ dangǝn a kanjǝl nɨ bǝ nyʊwaɨ, kage bǝ swɨmam nǝn.


A jǝla gɔ gaalanɔ a dul Kiristii, n jǝ shilo a daa gǝ woi, a laa shilogɔ a tǝm Masarɨ. A ya nu gǝnɔ a jʊ gǝ nya lɛɨ.


Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.


Nǝn kwama nɨ Bitrus a kuwo nyɨɨ, nǝngɔ a sʊwa nǝbɔ kɛlɨ gɔ, “Jǝ́ nǝbɔ Israilaɨ, n wɛ a bwɨ jǝ́ ta kang a nyiyoi? N wɛ a bwɨ tag jǝ́ dʌng nǝn nɛ, maamɔ jʊ nɨ nǝ maaɨ, nǝ maa nǝn kwaan dul nǝnɨ? N ke bɔ dǝgtǝm dul nǝn a bwangtǝm Kwaamaɨ a dǝg bwɛ nɨ yɔmɨ.


Swiv nou:

Piblisite


Piblisite