Matta 5:44 - Dadiya NT

⁴⁴ Jʊ mǝ sʊwa jen nɛ kǝngkɨɨ, jǝ́ swɨ nǝb kiim jenɔ. Jǝ́ maa nǝb nɨ nǝ jen gaalan nɛɨ gǝm keli.

Matta 5:44 Referans Kwoze

Roma 12:14

Bɛ jǝ́ dǝg nǝb nɨ nǝ jen gaalan nɛɨ gǝm bwili. Jǝ́ dǝg jim bwili, ka jǝ́ lag ji lɛ.

1 Bitrus 3:9

Ka jǝ́ ywa lɛ bwɨlan nǝn bwɨlan, tuwol nǝn tuwol. Bɛ jǝ́ dǝg jim bwili. N kɛl dul jʊ nɨ ja jo jen sǝ jǝ́ nya bwilii.

Luka 23:34

Nǝngɔ Yesu a sʊwa gɔ, “Tɛtɛ, kǝlǝm jim. Ja nyǝm bɔ jʊ jǝ maa lɛɨ.” Nǝngɔ ja tǝga dwangtɨn gǝnɔ a gola gatǝm kwannyaɨ.

1 Bitrus 2:23

Nǝn kwama ja tuwo gǝnɨ, a yǝla bɔ a tuwo ji. Nǝn kwama a nɔɔ gaalan tagɨ, a wum bɔ nyiyo. A ya nǝl a daagɔ nǝ maatǝm borang dǝngdǝngɔ woi.

Maajɨ Bɛtɔ Twamagɨɨ 7:60

Nǝngɔ a gǝla a jʊng a gung diil gǝnɔ nǝn kwaan gɔ, “Tɛlalɔ, bɛ ka ń ta lɛ bwɨlangkɛl nɨ a dul jin.” Sʊwatǝmɔ nyɨɨ, nǝngɔ a bʊlaɨ.

Yohana 13:34

“N diil fɨ mǝ nǝ jen nɛɨ, bɛ jǝ́ swɨka a kʊm jen, kanga mǝ swɨm jen nɛɨ, jen tʌjen bɛ jǝ́ swɨka nyɔ a kʊm jen.

1 Tasalonikaɨ 5:15

Jǝ́ fɛ jǝ́ nyǝm ka nǝl ya ywa lɛ shil nǝn shil. Kwangkwang ya jǝ́ sʊtǝn maatǝm jʊ nɨ lɛ a bʊmɨ a kʊm jen jǝbɔ nǝbɔ gwam.

Maajɨ Bɛtɔ Twamagɨɨ 16:28

Bulus a gung diilɔ nǝn kwaan gɔ, “Ka ń jʌ lɛ dul mʊnɔ! Gwam nǝnɔ nǝn fɔ!”