Matta 5:29 - Dadiya NT

²⁹ Na nu kang jajǝng mʊnɔ dǝg ń dǝg ń ń maa bwɨlangkɛlɨ, kʊʊtam gǝn mam fʌlen. A laa jǝl ń jʊ jinʌn bʊtɔ mʊnɔ win, jǝbɔ a wʊnɨ jǝ mal bʊtɔ mʊnɔ lɛ gwam a mʊgɔ lɔ kǝlaɨ.

Matta 5:29 Referans Kwoze

Roma 8:13

Na jǝ́ yɨ yɨm bwangtǝm bʊtɔɨ, jǝ́ bʊla bʊla. Na jǝ́ yɨ yɨm a kwaan Yʊwa jǝ́ jʌm maajɨ bwangtǝm bʊtɔgɨɨ, jǝ́ yɨ yɨ nǝn kʊlɨ mɨ dɨtǝm wo.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

1 Korinti 9:27

Jʊ mǝ maa lɛɨ, mǝ nǝ bʊtɔ mǝndɨ gaalan. N ya bʊtɔ mǝndɨ a jwaalɛn, kage na kwama mǝ dɨ kiyotǝm kaamɨ gǝm fulon kɛl lǝmɨ nɨɨ, ja mǝla ɨ fʌlen.

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Markus 8:36

N wɛ nǝl nya lɛɨ, na ga nya yooli nɨ gwam, ga lɛ kʊlɨ gǝnɨ?

Matta 19:12

Kaam nǝbɔ wo ja bʌ ji mɨ ji a lɔ, kaamɨ nǝb a maa jim nyɨɨ, kaamɨ a swɨ bɔ naakan n kɛl dul fɔlɔn lɔ Kwaamaɨ. Gwam nʊ nɨ dwal maatǝmɔ lɛ nyɨɨ, bɛ ga maa.”

Matta 10:28

Ka jǝ́ nyʊwa lɛ taal nǝb nɨ jʌ bʊtɔgɔ lɛ, mɨ ji nǝn kwaan nɨ jǝ jʌ dʊʊmɨgɔ lɛɨ. Jǝ́ nyʊwa taal nʊ nɨ nǝn kwaan jʌtǝm bʊtɔgɔ jǝbɔ dʊʊmɨgɔ a mʊgɔ lɔ kǝlaɨ.

Matta 23:15

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ yab wɨma, sǝ jǝ́ la tǝmtɨn nɨ a kʊtaɨ sǝ jǝ́ nya nǝ bwangtǝm win. Na jǝ́ nya gǝnɨ, jǝ́ dǝg gǝn a dɔtǝm mʊgɔ lɔ kǝla nɨ a shilo a kwaba a jeni.

Matta 16:26

N wɛ nǝl nya lɛɨ, na nǝl a nya yooli nɨ gwam, a nya bɔ kʊlɨ gǝnɔ a lɔ Kwaamaɨ? Wɛ nǝl nǝ lɛ sǝ a yǝla a fʌto kʊlɨ gǝnɨ?

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Matta 23:33

“Jǝ́ sɔɔtɨn, jǝ́ bɛlɨ sɔɔ bwɨlantɨn! Jǝ́ bʊʊ borang lɔ kǝlagɔ nyǝn?

Luka 12:5

Mǝ sʊwa jen sʊwa nʊ nɨ jǝ́ nyʊwa taal gǝnɔ lɛɨ. Jǝ́ nyʊwa taal nʊ nɨ na a jʌ bʊtɔgɨɨ, nǝn kwaan a mal dʊʊmɨgɔ a mʊgɔ lɔ kǝlaɨ. Bɨlǝngkɛl mǝ sʊwa jen nɛɨ, nǝn gɔ nʊ jǝ́ nyʊwa taal gǝnɔ lɛɨ.

Matta 5:30

Na kang jajǝng mʊnɔ dǝg ń dǝg ń maatǝm bwɨlangkɛlɨ, bɛ ń mwatɨm gǝn mam fʌlen. A laa jǝl ń jʊ jinʌn bʊtɔ mʊnɔ win jǝbɔ a wʊnɨ jǝ mal bʊtɔ mʊnɔ lɛ gwam a mʊgɔ lɔ kǝlaɨ.

Matta 11:6

Bwiligɔ na a nǝb nɨ a kɨɨ bɔ nǝl a dul mɨɨ.”

Matta 17:27

Bǝ swɨ bɔ ja kal nǝl. Yɔ a wɨma ya ta jʌngigɔ. Jʌngi nɨ mʊ ta nǝn tɨkǝgaɨ, wum nyiyo gǝnɔ mʊ nya nya kemʌn sǝlǝnɔ wo, sǝ ń do ń nɨ nǝb yotǝm kemʌn tǝmɔ, ywa ywa kemʌn tǝm mǝndɨ jǝbɔ a jenɔ.”