Matta 5:18 - Dadiya NT

¹⁸ N bɨlǝngǝn mǝ sʊwa jen nɛɨ, na dʌbʌlɔ jǝbɔ tǝmɔ a shu bɨɨ, mɨ kaa mʊlalɨ nɨ wo jǝbɔ bɛ mʊlalɨ nɨ a mʊgɔ mʊlalɨ diilɔ gǝm shu lɛɨ, na ja yii bɔ kanjǝl nɨ gwamɨ.

Matta 5:18 Referans Kwoze

Luka 16:17

Tǝmɔ jǝbɔ dʌbʌlɔ shu shu, mʊlalɨ dǝm a mʊgɔ mʊlalɨ diilɔ gǝm mɨsɔ shu lɛ.”

1 Bitrus 1:25

A kɛl Tɛlalɔɨ, tɨ tɨ, mɨ dɨtǝm wo.” Nǝn gɔ fulon kɛl lǝmɨ nɨ ja kiyo jemi.

Markus 13:30

N bɨlǝngkɛl mǝ sʊwa jen nɛɨ, nǝbɔ kal nɨɨ mɨsɔ jǝ bʊla lɛ, na kanjǝl nɨ gwam a bwɨ bɨɨ.

Dʊgam Nyangnyang 20:11

Nǝngɔ mǝ kuwo kaa gʌleng kotere fɔlɔn fulo jǝbɔ nʊ nɨ yǝm a dul gǝnɨ. Nǝngɔ tǝmɔ jǝbɔ dʌbʌlɔ ja mwalam a kǝga gǝnɨ, mɨ ji nǝn daa wo.

Yohana 5:19

Nǝngɔ Yesu a jǝla ji gɔ, “N bɨlǝngkɛl mǝ sʊwa jen nɛɨ, Bwɛ mɨ gɔ maa jǝl lɛ kwaagɔ. Gǝ maa jʊ ga kuwo Tɛ bwɛ maa lɛɨ. Jʊ a bwɨɨ gwam jʊ nɨ Tɛ bwɛ maa lɛɨ, n jʊ Bwɛ maa lɛɨ.

Matta 17:20

Nǝngɔ Yesu a sʊwa ji gɔ, “Jʊ a bwɨɨ nǝtǝm bɨlǝngkɛl jenɔ nǝn dǝm nyɔ. N bɨlǝngǝn mǝ sʊwa jen nɛɨ, na jǝ́ nǝngǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa yem nɨ jengɔ a bǝla daa nɨ, a bǝla. Mɨ jʊ nɨ wo laa kwaan jenɔ lɛɨ.” [

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

Matta 13:17

N bɨlǝngǝn mǝ sʊwa jen nɛɨ, nǝbkuwotǝmkǝgagɔ jǝbɔ nǝb dǝngdǝngɔ a lada ja saa ja kuwo jʊ nɨ jǝ́ kuwo lɛɨ, ja kuwo bɔ, ja nyʊwa jʊ nɨ jǝ́ nyʊwa lɛɨ, ja nyʊwa bɔ.

Matta 10:23

Na jǝ nǝ jen gaalan nɛ a kaa tuulɔɨ, jǝ́ mwal jǝ́ shu a kaa tuulɔ. N bɨlǝngǝn mǝ sʊwa jen nɛɨ, mɨsɔ jǝ́ dɨɨ kɛlatǝm tuulɔtɨn Israilagɔ lɛ gwam, sǝ Bʊla Nǝlɨ a bɛ.

Matta 6:2

Na jǝ́ nǝ nǝb bʊnǝnɔ jǝl lɛɨ, ka jǝ́ guu lɛ jum sǝ nǝbɔ a nyʊwa kanga nǝb fentogɔ gǝ maa lɛ a mʊgɔ keli a kantɨn mɛlalɨ jǝbɔ nu golantɨnɨ, sǝ nǝbɔ a nǝ ji dʊʊnɨ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ gwam.

Matta 5:26

N sʊwa ń bɨlǝngǝn, mɨsɔ mʊ jel lɛ na mʊ ywa bɔ kemʌn sǝlǝnɔ gwamɨ.

Yohana 21:18

N bɨlǝngkɛl mǝ sʊwa ń nɛɨ, kwama nɨ mɔ a lɔ bwɛsǝnɨ, mʊ dʊʊ dʊʊ dwang ń yɔ a daa nɨ mʊ swɨ lɛɨ. A kwama mʊ gʌloi, mɔ mal mal kang mʊnɔ, sǝ kaa nǝl a dʊʊ mʊn dʊʊlɔ, sǝ a do ń a yɔ nǝn mɔ a daa nɨ mʊ swɨ bɔ ń yɔ woi.”

Yohana 16:23

Nǝn kwama gɔ mɨsɔ jǝ́ bʌ i kaa kɛl lɛ. N bɨlǝngkɛl mǝ sʊwa jen nɛɨ, Tɛtɛ nǝ jen nǝ jʊ nɨ gwam jǝ́ kela a mʊgɔ dun mɨɨ.

Yohana 16:20

N bɨlǝngǝn mǝ sʊwa jen nɛ, jǝ́ ji ji wi jǝbɔ kaltǝm nǝl. Yooligɔ nyʊwa nyʊwa fulotǝm nǝl. Jǝ́ maa maa fitǝm nǝl. Fitǝm nǝl jenɔ yǝlam fulotǝm nǝl.

Yohana 14:12

N bɨlǝngkɛl mǝ sʊwa jen nɛɨ, gwam nʊ nɨ a nǝ bɨlǝngkɛl nǝn mǝɨ, maa maa maajɨtɨn nɨ mǝ maa lɛɨ. Gǝ maa maa maajɨtɨn nɨ a laa a nɨɨ, jʊ a bwɨɨ mǝ yi a daagɔ Tɛtɛ woi.

Yohana 13:38

Nǝngɔ Yesu a jǝla gǝn gɔ, “Bɨlǝngkɛl, mʊ nǝ nǝ kʊlɨ mʊnɔ a kɛl dul mɨ ka? Bɨlǝngkɛl mǝ sʊwa ń nɛɨ, mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ.

Yohana 13:16

Bɨlǝngkɛl mǝ sʊwa jen nɛɨ, bwɛ jwaalɛ mɨ gǝ laa tɛlalɔ gǝnɔ lɛ. Bwɛ twama mɨ gǝ laa nʊ nɨ lɛ a twam gǝnɨ.

Yohana 12:24

N bɨlǝngkɛl mǝ sʊwa jen nɛɨ, na ja kwal bɔ jaamɔ a bʊlaɨ, yɨ kwaagɔ win. Na ja kwal a bʊlaɨ, jǝg jǝg nutɨnɔ a lada.

Yohana 10:7

A kɛl nɨ gǝmɨ, Yesu a yǝla a sʊwa ji gɔ, “Bɨlǝngkɛl, mǝ sʊwa jen nɛɨ, nǝmǝ mǝ nyanga kan kwamɨtɨnɨ.

Yohana 10:1

“N bɨlǝngkɛl mǝ sʊwa jen nɛɨ, nʊ nɨ a dɔ bɔ kan kwamɨtɨnɔ a nyangaɨ, a gwi a kwalɨɨ, n nǝkuu, n nǝwultǝm tag.

Yohana 8:58

Yesu a jǝla gɔ, “N bɨlǝngkɛl mǝ sʊwa jen nɛɨ, lǝga bɔ ja bʌ Ibrahim, mǝ fɔ.”

Yohana 8:51

N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

Yohana 8:34

Nǝngɔ Yesu a jǝla ji gɔ, “Bɨlǝngkɛl, mǝ sʊwa jen nɛɨ, nʊ nɨ maa bwɨlangkɛl lɛɨ, n bwɛ jwaalɛ bwɨlangkɛl.

Yohana 6:53

Nǝngɔ Yesu a sʊwa ji gɔ, “Bɨlǝngkɛl mǝ sʊwa jen nɛɨ, na jǝ́ wo bɔ nam bʊtɔ Bʊla Nǝlɨ, jǝ́ nɔɔ bɔ tʊʊm gǝnɔ tagɨ, mɨ jen nǝn kʊlɨ a mʊgɔ bʊtɔ jen.

Yohana 6:47

“Bɨlǝngǝn mǝ sʊwa jen nɛɨ, nʊ nɨ a nǝ bɨlǝngkɛl a daa mǝ woi, a nya kʊlɨ nɨ mɨ dɨltǝm woi.

Yohana 6:32

Nǝngɔ la Yesu a sʊwa ji gɔ, “Bɨlǝngkɛl mǝ sʊwa jen nɛɨ, ke bɔ Musa a nǝ jen kʊkkʊm nɨ a dʌbʌli. Tɨya mɨ nǝn gɔ a nǝ jen kʊkkʊm bɨlǝngǝnɔ a dʌbʌli.

Yohana 6:26

Nǝngɔ Yesu a jǝla ji gɔ, “Bɨlǝngǝn, mǝ sʊwa jen nɛɨ, jʊ a bwɨ jǝ́ saa ɨ lɛɨ, n ke bɔ jǝ laatǝm kang nɨ jǝ́ kuwo mǝ maa lɛɨ. Jǝ́ saa ɨ, n kɛl kʊkkʊmɔ jǝ́ ja, jǝ́ bobaɨ.

Yohana 3:11

N bɨlǝngkɛl mǝ sʊwa ń nɛɨ, nǝn sʊwa jʊ nǝn nyǝmɨ, nǝn nǝ nyiyo fulon jʊ nɨ nǝ kuwoi, mɨ nǝn nʊ nɨ a kʊm jen a jǝla nǝn kɛl nǝnɨ.

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 1:51

Nǝngɔ a sʊwa gǝn gɔ, “N bɨlǝngkɛl mǝ sʊwa jen nɛɨ, jǝ́ kuwo kuwo dʌbʌl kwamagɔ a wumo, bɛtɔ twama Kwaamaɨ gǝla lɛ kaamɨ gwi lɛ a dul Bʊla Nǝlɨ.”

Luka 23:43

Yesu a jǝla gǝn gɔ, “N sʊwa ń bɨlǝngǝn, dwiyen mʊ dakini jǝbɔ mǝ a dʌbʌl lɔ Kwaamaɨ.”

Luka 18:29

Yesu a sʊwa ji gɔ, “N sʊwa jen bɨlǝngkɛl, mɨ nǝn nʊ nɨ bǝla lɔ gǝnɔ lɛ, jǝbɔ nɔɔlɨ gǝnɔ, jǝbɔ kɛtǝlam gǝnɔ, jǝbɔ tɛtǝlam gǝnɔ, jǝbɔ bɛtɨ lɔ gɨɨ a kɛl dul maajɨ fɔlɔn lɔ Kwaamaɨ,

Luka 18:17

N bɨlǝngǝn mǝ sʊwa jen nɛɨ, nʊ nɨ a yo bɔ fɔlɔn lɔ Kwaamaɨ na kǝlɨ bwɛsǝnɨ, mɨsɔ nya dɔtǝm gǝnɔ lɛ.”

Luka 13:35

N wɔ kǝngkɔ ja bǝla jem lɔ jenɔ. Mǝ sʊwa jen nɛ, mɨsɔ jǝ́ kuwo i lɛ wo tag, na ke bɔ kwama jǝ́ sʊwa lɛ jengɔ, ‘Bwiligɔ na a nʊ nɨ bɛ lɛ a mʊgɔ dun Tɛlalɔɨ.’ ”

Luka 12:37

Bwiligɔ na a bɛtɔ jwaalɛn nɨ tɛlalɔngɔ ba nya jǝ yam gǝn nɛɨ. N sʊwa jen bɨlǝngǝn, dʊʊ dʊʊ dwang dʊʊl gǝnɔ, sǝ a sʊwa ji gɔ ja yɨ a daa jatǝm jǝjalǝnɔ gǝm, sǝ a tǝga ji jǝjalǝnɔ.

Luka 11:51

A tǝl nǝn jʌtǝm Habilaɨ, a yɔ nǝn a jʌtǝm Zakariyaɨ, wʊnɨ ja jʌ a tɨbǝl daa twɨtǝm yulʌni jǝbɔ daagɔ a laa sagsagɨɨ. Mǝ sʊwa jen nɛ, jǝ mwɛ mwɛ kal nɨ a dul jʊtǝb nɨ gǝm!

Markus 14:30

Nǝngɔ Yesu a sʊwa gǝn gɔ, “N bɨlǝngǝn mǝ sʊwa ń nɛɨ, a mʊgɔ kum nɨ, mʊ kana kana nyǝmtǝm mǝndɨ naagɔ taal, dɨsɔ la kwalɨ jangagɔ a ma kamɨ yogɔ.”

Markus 14:25

Bɨlǝngǝn mǝ sʊwa jen nɛɨ, mɨsɔ mǝ yǝla lɛ n nɔɔ mwɛ tʊʊl fogfogi nɨ wo tag, na ke bɔ kɔkɔ nɨ mǝ nɔɔ a fɨ lɛ a fɔlɔn lɔ Kwaamaɨ.”

Markus 14:18

Jǝ ja jǝjalǝnɔ lɛ dangǝnɨ, nǝngɔ Yesu a sʊwa gɔ, “N bɨlǝngkɛl mǝ sʊwa jen nɛɨ, win a kʊm jen lungto i lungto i, nʊ nɨ nǝn ja jǝjalǝnɔ lɛ dakinii.”

Markus 14:9

Bɨlǝngkɛl mǝ sʊwa jen nɛɨ, daa nɨ jǝ kiyom fulon kɛl lǝmɨ nɨ lɛ a tǝmɔ gǝm gwamɨ, jǝ sʊwa sʊwa jʊ nɔɔlɨ nɨ a maaɨ, sǝ a yǝlam jʊ ya jǝ bʊʊla lɛ nǝn gɨɨ.”

Markus 12:43

Nǝngɔ Yesu a jo bɛtɔ mɛlalɨ gǝnɔ a sʊwa ji gɔ, “Bɨlǝngkɛl mǝ sʊwa jen nɛɨ, jʊ nɨ nɔɔkʊla nǝ bʊnǝn nɨ a mal a kʌshi yotǝm kemʌni, a laa a tangǝn nǝbɨɨ gwam.

Markus 11:23

N bɨlǝngkɛl mǝ sʊwa jen nɛɨ, na nǝl a nǝ bɨlǝngkɛl a daa Kwaama woi, jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ na ga kɨɨ bɔ nǝl a jʊ nɨ ga sʊwaɨ, na ga nǝ bɨlǝngkɛl gɔ maa maaɨ, jǝ maa gǝm maa.

Markus 10:29

Yesu a sʊwa gɔ, “Bɨlǝngǝn mǝ sʊwa jen nɛɨ, nʊ nɨ a bǝla lɔ gǝnɔ, jǝbɔ kɛtǝlam gǝnɔ batǝn jǝbɔ a nɔɔtǝn, jǝbɔ nɛnɛ gɔ, jǝbɔ tɛtɛ gɔ, jǝbɔ bɛtɔ lɔ gɨɨ, jǝbɔ twamtɨn gǝnɔ a kɛl dul mɨ jǝbɔ dul fulon kɛl lǝmɨ Kwaamaɨ,

Markus 10:15

N bɨlǝngkɛl mǝ sʊwa jen nɛɨ, nʊ nɨ a yo bɔ fɔlɔn lɔ Kwaamaɨ na kǝlɨ bwɛsǝnɨ, mɨsɔ nya dɔtǝm gǝnɔ lɛ.”

Markus 9:41

N bɨlǝngkɛl mǝ sʊwa jen nɛɨ, nʊ nɨ a nǝ jen mwɛ nǝn kʌshi nɔɔmwɛnɔ win a kɛl dun mɨɨ gɔ, jǝ́ na a Kiristii, n bɨlǝngkɛl mǝ sʊwa jen nɛɨ, nya nya lǝma gǝnɔ.

Markus 9:1

Nǝngɔ a sʊwa ji gɔ, “Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ na ja kuwo bɔ fɔlɔn lɔ Kwaamaɨ a bɛ nǝn kwaanɨ.”

Markus 8:12

Nǝngɔ a sʊwa fǝbǝmɔ, a sʊwa ji gɔ, “Wɛ a bwɨ jǝ́ nǝbɔ joltɨn nɨɨ, jǝ́ swɨ kuwotǝm jǝ laatǝm kang lɛɨ? Bɨlǝngkɛl mǝ sʊwa jen nɛɨ, mɨsɔ jǝ nʊng jen nɛ wo win.”

Markus 6:11

Daa nɨ gwam ja kɔ jen, ja yo bɔ kɛl jeni, bɛ jǝ́ buum kuulɔ a naa jeni sǝ a yǝlam jim jǝ nǝtǝm nyiyo a dul jin.”

Markus 3:28

“N bɨlǝngkɛl mǝ sʊwa jen nɛɨ, Kwaama kǝlǝm kǝlǝm nǝbɔ gǝm bwɨlangkɛlɔ gwam jǝbɔ kaltǝm dun Kwaamaɨ ja maaɨ.

Matta 25:45

Sǝla a gar jim gɔ, ‘Bɨlǝngǝn mǝ sʊwa jen nɛɨ, kanjǝl nɨ jǝ́ maa bɔ wo win a mʊgɔ nǝb nɨ ja ya ji bɔ a nyiyo jǝlɨ, jǝ́ maa mɨ bɔ.’

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Matta 25:12

Nǝngɔ balɨgɔ a sʊwa ji gɔ, ‘N bɨlǝngkɛl mǝ sʊwa jen nɛɨ, mǝ nyǝm jen bɔ.’

Matta 24:47

N bɨlǝngǝn mǝ sʊwa jen nɛɨ, nǝ gǝn nǝ tɔɔtǝm kanjǝl gǝnɔ gwam.

Matta 24:2

Nǝngɔ a bʌ ji gɔ, “Jǝ́ kuwo kanjǝl nɨ ja mɔbaɨ? N bɨlǝngkɛl mǝ sʊwa jen nɛɨ, mɨ nǝn tɛl nɨ jǝ bǝla lɛ a dʌbʌl kaa tɛlɨ. Gwam jǝ kʌbʌm kʌbʌm.”

Matta 23:36

N bɨlǝngkɛl mǝ sʊwa jen nɛɨ, gwam kanjǝl nɨ bwɨ bwɨ jǝbɔ nǝbɔ jol nɨ.

Matta 21:31

“A mʊgɔ ji nɨ yoi, n nʊ won a maa jʊ tɛtɛ ji swɨ lɛɨ?” Nǝngɔ ja sʊwa gɔ, “N bwɛ tɨkǝgagɔ.” Nǝngɔ Yesu a sʊwa ji gɔ, “N bɨlǝngǝn mǝ sʊwa jen nɛɨ, nǝb yotǝm kemʌn tǝmɔ jǝbɔ nɔɔtǝm bulonɔ jǝ dɔ dɔ fɔlɔn lɔ Kwaamaɨ ja laa jen.

Matta 21:21

Yesu a jǝla ji gɔ, “N bɨlǝngǝn mǝ sʊwa jen nɛɨ, na jen nǝn nǝtǝm bɨlǝngkɛl jǝ́ kǝma bɨɨ, ke bɔ jʊ mǝ maa tɨya dʌfengɔ gǝm kwaagɔ jǝ́ maa lɛɨ, jǝ́ maa maa a laa nyɔ. Jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ maa maa nyɔ.

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Matta 19:23

Nǝngɔ Yesu a sʊwa bɛtɔ mɛlalɨ gǝnɔ gɔ, “N bɨlǝngǝn mǝ sʊwa jen nɛɨ, bwa bwa sǝ nǝ shilo a nya dɔtǝm fɔlɔn lɔ Kwaamaɨ.

Matta 18:18

“N bɨlǝngǝn mǝ sʊwa jen nɛɨ, jʊ nɨ jǝ́ bwa a tǝm nɨɨ, jǝ bwa bwa nyɔ a dʌbʌl kwama. Jʊ nɨ jǝ́ kwɨ a tǝm nɨɨ, jǝ kwɨ kwɨ nyɔ a dʌbʌl kwama.

Matta 18:3

Nǝngɔ a sʊwa gɔ, “N bɨlǝngǝn mǝ sʊwa jen nɛɨ, na jǝ́ fʌto bɔ jǝ́ yǝla nǝn dul jenɔ na bɛtɔ dwalǝnɨ, mɨsɔ jǝ́ dɔ fɔlɔn lɔ Kwaamaɨ lɛ.

Matta 11:11

N bɨlǝngǝn mǝ sʊwa jen nɛɨ, ja lǝga bɔ ja bʌ kaa nǝl a yooli nɨ, wʊnɨ a laa Yohana nǝ Yʊtǝm mwɛ Sagsagɨɨ. N sʊwa jen, nʊ nɨ a dwal a fɔlɔn lɔ Kwaamaɨ, a laa gǝn.

Matta 10:42

Nʊ nɨ a nǝ win a kʊm bɛtɔ twama nɨ mwɛ yʌbʌm nǝn bɛ kʌshii, jʊ a bwɨɨ n bwɛ mɛlalɨ mɨɨ, n bɨlǝngǝn mǝ sʊwa jen nɛɨ, mɨsɔ lɛ lǝma gǝnɔ lɛ wo.”

Matta 10:15

N bɨlǝngǝn mǝ sʊwa jen nɛɨ, nǝn di borang Kwaamaɨ, jʊ bwɨ lɛ nǝn tuulɔ gɨɨ, bwɨla laa laa jʊ a bwɨ nǝn Sadumagɔ jǝbɔ Gwamratagɨɨ.

Matta 8:10

Nǝn kwama Yesu a nyʊwa jʊ nɨɨ, a ta kang a nyiyo, a yǝla a sʊwa nǝbɔ bwang gǝm lɛɨ gɔ, “N bɨlǝngǝn mǝ sʊwa jen nɛɨ, a mʊgɔ nǝbɔ Israilaɨ mǝ nya bɔ gʌleng nǝ nǝtǝm bɨlǝngkɛl wo na nʊ nɨ!

Matta 6:16

“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Luka 4:24

A sʊwa ji gɔ, “N sʊwa jen bɨlǝngkɛlɔ, mɨ nǝn nǝkuwotǝmkǝga nɨ jǝ yo gǝn nɛ a tǝm gǝnɨ.