Matta 28:6 - Dadiya NT

⁶ Mɨ fɔ. A gun kanga a sʊwaɨ. Ba jǝ́ kuwo daagɔ ja yam gǝnɨ.

Matta 28:6 Referans Kwoze

Markus 16:6

Nǝngɔ bwayǝlɨ nɨ a sʊwa ji gɔ, “Ka yal jem lɛ kuli. N nyǝm jǝ́ saa Yesu bwɛ Nazarat wʊnɨ ja kʊʊɨ. A gun. Mɨ fɔ. Jǝ́ dʌng daagɔ wɔ ja yam gǝnɨ.

Matta 12:40

Kanga Yunana a maa kumɔ taal a mʊgɔ fʌl jʌngi dʊʊnɨ, Bʊla Nǝlɨ maa kumɔ taal, kum jǝbɔ kɔkɔ a mʊgɔ tǝm.

Matta 16:21

A kumtɨn gɔ, Yesu a tǝl fɛta bɛtɔ mɛlalɨ gǝnɔ kɛlɔ lɛ gɔ, “A yǝlam nyɔ n yɔ a Urushalima, mǝ nɔɔ nɔɔ gaalan nǝn dʌmʌn a kang nǝb dʊʊmɨ, jǝbɔ dʊʊm nǝbkǝlamɔ jǝbɔ nǝb mɛlalɨ diilɔ. Jǝ jʌ i jʌ i. A kum na taalɔ gǝm, mǝ gun gun nǝn dʊʊmɨ.”

Luka 24:23

jǝ nya bɔ bʊtɔ gǝnɔ wo. Ba ja sʊwa nǝn gɔ jǝ kuwo bɛtɔ twama Kwaamaɨ. Nǝji ja sʊwa nɔɔtǝmɔ gɔ Yesu a gun nǝn kʊlɨɨ.

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Matta 27:63

ja sʊwa gɔ, “Nǝ dʊʊ, nǝn bʊʊla kanga nǝ swagtǝm nɨɨ, a sʊwa a kwama nǝn kʊlɨɨ gɔ, kum na taalɔ gǝ gun gun a bwaa.

Yohana 2:19

Nǝngɔ Yesu a sʊwa ji gɔ, “Jǝ́ wul Kan Kwaaman nɨ, mǝ gung gung tʌgo a mʊgɔ kumɔ taal.”

Markus 8:31

A tǝl mɛla jim lɛ, sʊwa lɛ gɔ, “Bɨlǝngǝn Bʊla Nǝlɨ nɔɔ nɔɔ gaalan. Nǝb dʊʊmɔ, jǝbɔ dʊʊm nǝbkǝlamɔ, jǝbɔ nǝb mɛlalɨ diilɔ, jǝ kɔ ɨ kɔ ɨ, ja jʌ i. Mǝ gun gun a kum na taalɔ gǝm nǝn dʊʊmɨ.”

Yohana 10:17

Jʊ a bwɨ Tɛtɛ swɨ ɨ lɛɨ nǝn gɔ, n nǝ kʊlɨ mǝndɨɨ, sǝ n yǝla n yo tag.

Luka 24:12

Nǝngɔ Bitrus a gun a mwal a shu a tuugɔ gǝmɨ. A gǝla a jʊngɨ, nǝngɔ a kuwo dwang lilin nɨ ja sɔ Yesu gǝm bʊtɔ gǝnɔ nǝnɨ daalam kwakwa. Nǝngɔ a yǝla a bɛɨ, bʊʊla lɛ a nǝl gǝn nǝn jʊ a bwɨɨ.

Matta 20:19

Sǝla ja nǝ Bʌtʌbɔ, sǝ ja mog gǝn, ja tʊm gǝn, ja kʊʊ gǝn a dʌbʌl tɨya kʊʊtǝm. A kum na taal gun gun.”

Matta 17:23

Jǝ jʌ gǝn jʌ, a kum na taal gun gun nǝn kʊlɨ.” Pʌd jinɔ fitǝm nǝlɔ a yii mʊgɔ nǝl jinɔ.

Matta 17:9

Kwama nɨ jǝ gǝlam lɛ a dʌbʌl yemi, nǝngɔ Yesu a gʊ lɔl jini gɔ, “Ka jǝ́ sʊwa lɛ kaa nǝl jʊ jǝ́ kuwoi, ba jǝ́ sʊwa nǝn kwama ja gung Bʊla Nǝlɨ a bwaaɨ.”

Maajɨ Bɛtɔ Twamagɨɨ 2:24

Nǝngɔ Kwaama a gung gǝn nǝn kʊlɨɨ, a jǝg gǝn a kwaan bwaagɔ gǝmɨ. Bwaagɔ a dwal bɔ a ta gǝn.