Matta 28:10 - Dadiya NT

¹⁰ Nǝngɔ Yesu a sʊwa ji gɔ, “Ka jǝ́ nyʊwa lɛ taal. Ya jǝ́ sʊwa kɛtǝlam mɨɨ ja shu a Galili, n daa gɔ ya jǝ kuwo i lɛ woi.”

Matta 28:10 Referans Kwoze

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Matta 28:7

Jǝ́ yɔ dǝbǝr dǝbǝr ya jǝ́ sʊwa bɛtɔ mɛlalɨ gǝnɔ gɔ, ‘A gun a bwaagɔ gǝm. N wɔ ya laa jen laa a Galili, n daa gɔ jǝ́ kuwom gǝn nɛɨ.’ N jʊ a bɛ nǝn mǝ sǝ ba n sʊwa jeni.”

Markus 16:7

Jǝ́ shu kǝngkɔ, jǝ́ sʊwa bɛtɔ mɛlalɨ gǝnɔ, jǝbɔ Bitrus jengɔ Yesu ya laa jen laa a Galili, n daa gɔ jǝ́ kuwom gǝn nɛ wo kanga a sʊwam jeni.”

Matta 28:5

Nǝngɔ bwɛ twama Kwaamaɨ a sʊwa nɔɔtǝm nɨ gɔ, “Ka jǝ́ nyʊwa lɛ taal, n nyǝm jǝ́ saa Yesu wʊnɨ ja kʊʊɨ.

Matta 14:27

Yesu a sʊwa ji kɛlɔ tʌgo a kang gɔ, “Nǝmǝ, ka jǝ́ nyʊwa lɛ taal!”

Yohana 6:20

Nǝngɔ Yesu a sʊwa ji gɔ, “Nǝmǝ, ka jǝ́ nyʊwa lɛ taal.”

Matta 25:45

Sǝla a gar jim gɔ, ‘Bɨlǝngǝn mǝ sʊwa jen nɛɨ, kanjǝl nɨ jǝ́ maa bɔ wo win a mʊgɔ nǝb nɨ ja ya ji bɔ a nyiyo jǝlɨ, jǝ́ maa mɨ bɔ.’

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Matta 26:32

Na kwama mǝ gun a bwaagɔ gǝmɨ, ya mǝ laa jen laa a Galili.”

Matta 28:9

Nǝngɔ Yesu nǝn kang gǝn a tǝga jii. A sʊwa ji gɔ, “Mǝ yal jen nɛ.” Nǝngɔ ja kʌl ba ja kwal naa gǝnɔ ja jʊng ja nǝ gǝn dʊʊnɨ.

Matta 28:16

Nǝngɔ bɛtɔ mɛlalɨ nɨ kʊb jeli wini a shu a Galilii. Ja yɔ a yem a daa nɨ Yesu a sʊwa gɔ ja yɔ woi.