Matta 27:40 - Dadiya NT

⁴⁰ Jǝ sʊwa lɛ gɔ, “Mʊ nɨ mʊ kʌb Kan Kwaamanɔ lɛ ń yǝla ń mɔ tʌgo a mʊgɔ kumɔ taalɨ, bʊʊ nǝn dul mʊnɔ! Na mʊ nǝn Bʊla Kwaamaɨ, gun gǝla a dʌbʌl tɨya kʊʊtǝm nɨɨ.”

Matta 27:40 Referans Kwoze

Matta 26:61

a sʊwa ji gɔ, “Balɨ nɨ a sʊwa gɔ gǝ nǝn kwaan gǝ kʌb Kan Kwaaman Kwaamaɨ, sǝ gǝ yǝla gǝ mɔ tʌgo a mʊgɔ kumɔ taal.”

Matta 4:6

A sʊwa gǝn gɔ, “Na mʊ nǝn Bʊla Kwaamaɨ, gǝla mɔ. A mʊla mʊlaɨ tag gɔ, “ ‘Nǝ nǝ bɛtɔ twama gǝnɔ diil a dul mʊn, jǝ kɔ kɔ kang jinɔ ja kʌshi ń nǝn, kage ń ga naa a tɛl.’ ”

Matta 4:3

Nǝngɔ Mammɔ ba sʊwa gǝn gɔ, “Na mʊ nǝn Bʊla Kwaamaɨ, sʊwa tatǝn nɨ a yǝlam kʊkkʊm.”

Dʊgam Nyangnyang 11:10

Nǝbɔ yooli nɨɨ, jǝ maa maa bǝlátǝm kɛl bwaa nǝb nǝtǝm nyiyo nɨ yoi. Jǝ yo yo ye dul, jǝ twamka twamka lǝmatɨn a dul nǝbkuwotǝmkǝga nɨ yoi, wʊnɨ a nǝ nǝbɔ yooli nɨ gaalanɨ.

Luka 16:31

“Nǝngɔ Ibrahim a sʊwa gǝn gɔ, ‘Na ja nyʊwa bɔ kɛl Musaɨ jǝbɔ a nǝbkuwotǝmkǝgagɨɨ, mɨsɔ jǝ jǝla lɛ, na nǝl a gun a bwaa a yɔ a daa ji woi.’ ”

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Matta 27:42

“A bʊʊ nǝn kaam nǝbɔ. A dwal bɔ a bʊʊ nǝn dul gǝnɔ. Na nǝn gɔ gǝ fɔlɔ Israilaɨ, bɛ ga gǝla a dʌbʌl tɨya kʊʊtǝm kǝngkɔ sǝ bǝ nǝ bɨlǝngkɛl nǝn gɔ.

Matta 16:4

Kal nɨ, nǝb bwɨlan, mɨ jǝ nyʊwa taal Kwaamaɨ lɛ. Jǝ swɨ lɛ ja kuwo jǝ nʊngtǝm! Mɨ kaa jʊ nɨ wo jǝ nʊng ji lɛɨ, na ke bɔ a Yunanaɨ.” Nǝngɔ a bǝla ji, a shui.

Matta 27:41

Dʊʊm nǝbkǝlamɔ tʌji jǝbɔ nǝb mɛlalɨ diilɔ jǝbɔ nǝb dʊʊmɔ jǝ mog gǝn nɛ gɔ,