Matta 27:19 - Dadiya NT

¹⁹ Nǝn kwama nɨ gǝ yǝm a daa yɨm maatǝm borangɨ, nǝngɔ nwala gɔ a twam gǝm gɔ, “Jelʌm a gola nǝ dǝngdǝng nɨ gǝm, jʊ a bwɨɨ dwiyen n dɔta nǝn dʊgam a dul gǝn.”

Matta 27:19 Referans Kwoze

Matta 27:24

Bilatus a kuwo ga laa bɔ kwaan jinɔ, kutʌmɔ swɨ lɛ a guni, nǝngɔ a dʊwa mwɛmɔ a saalǝm kang gǝnɔ a kǝga nǝbɨɨ, a sʊwa gɔ, “A mǝndɨ n jelʌm mɨ mwɛ mɨ wo a tʊʊm nʊ nɨ gǝm. Wʊnɨ n mwɛ jen.”

1 Bitrus 2:22

“A maa bɔ bwɨlangkɛl wo dǝm. Ja nyʊwa bɔ swagtǝm a nyiyo gǝn.”

Yohana 19:13

Bilatus a nyʊwa jʊ nɨ ja sʊwaɨ, nǝngɔ a jel nǝn Yesui. Nǝngɔ Bilatus a yɨ a daa yɨm maatǝm borang a kaa daa nɨ ja mɔ nǝn tatǝnɨ. Nǝn nyiyo Yahudawagɨɨ jǝ jo gɔ Gabbata.

Luka 23:47

Dʊʊ sʊwajaam nɨ tɨm woi a kuwo jʊ nɨ a bwɨɨ, nǝngɔ a bǝlá Kwaama a sʊwa gɔ, “Bɨlǝngǝn nʊ nɨ n nǝ dǝngdǝng.”

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

Matta 27:4

A sʊwa gɔ, “N maa bwɨlangkɛl mǝ lungto nʊ nɨ mɨ nǝn bwɨlangkɛlɨ ja jʌ gǝnɨ.” Nǝngɔ ja sʊwa gǝn gɔ, “N wɛ a dǝg nǝn woi? Nǝmɔ mʊ nyʊwaɨ.”

Matta 2:22

Nǝn kwama a nyʊwa gɔ nǝn Arkilayus bʊla Hiridusi a gwi fɔlɔn tɨya gɨɨ a Yahudiyaɨ, nǝngɔ a nyʊwa taal yɔtǝmɔ woi. Ja gʊ lɔl gǝnɔ a mʊgɔ dʊgam, nǝngɔ a tang a tǝm Galilii.

Matta 2:19

Nǝn kwama Hiridus a bʊlaɨ, nǝngɔ bwɛ twama Tɛlalɔɨ a bɛ Yusufu gǝm a mʊgɔ dʊgam a tǝm Masarɨ gɔ,

Matta 1:20

Nǝn kwama maam bʊʊlalɨ jʊ nɨ lɛ a nǝl gǝnɨ, nǝngɔ bwɛ twama Tɛlalɔɨ a bɛ a daa gǝ woi a mʊgɔ dʊgamɨ. Nǝngɔ a sʊwa gǝn gɔ, “Yusufu bʊla Daudaɨ, ka ń nyʊwa lɛ taal naatǝm nwala mɔ Maryamui, jʊ a bwɨɨ, fʌl nɨ gǝ nǝngǝnɨ, a bɛ a daagɔ Yʊwa Kwaamaɨ woi.

Luka 23:41

Kʊʊtǝm bǝnɔ ja maaɨ n dǝngdǝng a dul bwɨlangkɛl bǝnɔ gǝm. A nʊ nɨɨ a maa bɔ kaa bwɨlangkɛl.”

Matta 27:18

A kwɛl a nyǝm nyǝmɨ n kɛl nungon ja bwa Yesu ja nǝ gǝnɨ.

Maajɨ Bɛtɔ Twamagɨɨ 12:21

Nǝn kwama ja mʊrkamɨ, nǝngɔ Hiridus a dʊʊ dwang malǝng fɔlɔn gǝnɔ a yɨ a kotere fɔlɔn gǝnɨ, a sʊwa ji kɛlɨ.

Maajɨ Bɛtɔ Twamagɨɨ 18:12

Kwama nɨ Galiyo maam fɔlɔn tǝm Akaya lɛɨ, Yahudawagɔ a mʊrkam nyiyo ja gun tʌgo a Bulus gǝm. Nǝngɔ ja yɔ nǝn gɔ a kǝga nǝb borangɨɨ.

Maajɨ Bɛtɔ Twamagɨɨ 18:16

Nǝngɔ a kaa ji a kan borangɨ.

Maajɨ Bɛtɔ Twamagɨɨ 18:17

Nǝngɔ gwam jinɔ ja ta Sastanisui, nǝ dʊʊ kan mɛlalɨgɔ. Ja bʊg gǝn a kǝga kan borangɨ. Galiyo a swa jim bɔ lɔl wo.

Maajɨ Bɛtɔ Twamagɨɨ 25:6

A maa kumɔ naalǝb a yɔ nǝn a kʊb dakini jǝbɔ ji, sǝ a yǝla a shu a Kaisar. Nǝn tǝmsɛlɨɨ, nǝngɔ a yɨ a daa yɨm borangɨ, a dǝg ja bɛ nǝn Bulus a kǝga gǝnɨ.

Maajɨ Bɛtɔ Twamagɨɨ 25:10

Nǝngɔ Bulus a jǝla gɔ, “Mǝ na a kǝga kan borang Kaisarɨ fɔ. N daagɔ a bʊm mʊ maa mɨ borang lɛ woi. Mǝ maa bɔ Yahudawagɔ gǝm bwɨlangkɛl. Mɔ tǝmʊn ń nyǝm nyɔ.

Maajɨ Bɛtɔ Twamagɨɨ 25:17

“N dul kɛl nɨ ja bɛ jǝbɔ mǝ fǝɨ, mǝ ta bɔ bʊtɔ. Nǝn tǝmsɛlɨ nǝngɔ mǝ gwi daa yɨm borangɨ, nǝngɔ mǝ dǝg ja bɛ nǝn balɨ nɨɨ.