Matta 26:52 - Dadiya NT

⁵² Nǝngɔ Yesu a sʊwa gǝn gɔ, “Yǝla dǝgtǝn gulʌn mʊnɔ tʌgo a laa gǝnɔ gǝm. Nʊ nɨ a do gulʌni, n gulʌn jʌ gǝn nɛɨ.

Matta 26:52 Referans Kwoze

Dʊgam Nyangnyang 13:10

Nʊ nɨ ja nʊng yǝlam bwɛ jwaalɛ lɛɨ, n daa jwaalɛn jǝ yɔ lɛ nǝn gɔ woi. Nʊ nɨ ja nʊng jǝ jʌ gǝn nǝn gulʌni, n gulʌn jǝ jʌ gǝn nɛ nǝnɨ. Jʊ nɨ gǝ nʊng gɔ nǝb sagsagɔ, bɛ ja kʊ nǝl gaalanɔ, bɛ ja ja kǝga nǝn tatǝm swatǝm yaagɔ.

Roma 12:19

Jǝ́ nǝb nɨ mǝ swɨ lɛɨ, ka jǝ́ ywa lɛ bwɨlangkɛl nǝn bwɨlangkɛl. Bɛ jǝ́ bǝla Kwaama a ywa jem nǝn nabwɨl gǝnɔ. A mʊla mʊlaɨ gɔ, “Ywatǝm naanɔ na a mɨ, nǝmǝ mǝ yǝla lɛ n ywaɨ, n jʊ Tɛlalɔ a sʊwaɨ.”

1 Bitrus 3:9

Ka jǝ́ ywa lɛ bwɨlan nǝn bwɨlan, tuwol nǝn tuwol. Bɛ jǝ́ dǝg jim bwili. N kɛl dul jʊ nɨ ja jo jen sǝ jǝ́ nya bwilii.

Dʊgam Nyangnyang 16:6

Nǝbɔ a tǝla tʊʊm nǝb sagsagɔ jǝbɔ a nǝbkuwotǝmkǝgagɨɨ, Ń nǝ ji tʊʊm sǝ ja nɔɔ, a dul jʊ a bʊm ja nyaɨ, a maajɨ bwɨlantɨn jinɔ gǝm.”

1 Tasalonikaɨ 5:15

Jǝ́ fɛ jǝ́ nyǝm ka nǝl ya ywa lɛ shil nǝn shil. Kwangkwang ya jǝ́ sʊtǝn maatǝm jʊ nɨ lɛ a bʊmɨ a kʊm jen jǝbɔ nǝbɔ gwam.

Matta 5:39

Kǝngkǝnɨ mǝ sʊwa jen nɛ, bɛ ka jǝ́ ywa lɛ naan a nʊ nɨ a maa jem bwɨlangkɛlɨ. Na nǝl a jǝga ń a dʊng kang jajǝngɨ, yǝla gǝm dʊng kang fɔlɔngɔ.