Matta 26:39 - Dadiya NT

³⁹ A kʊwatǝn nǝn dǝm nyɨɨ, nǝngɔ a gǝla a jʊng, kǝga gǝnɔ a tǝm, a maa keligɨɨ gɔ, “Tɛtɛ mɨ, na daa daa tʌgo dǝngdǝngɨ, dem mɨ kʌshi gaalan nɨ mǝ nyʊwa lɛ nǝnɨ. Maa jʊ mʊ swɨ lɛɨ, ke bɔ jʊ mǝ swɨ lɛɨ.”

Matta 26:39 Referans Kwoze

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Filibii 2:8

A yǝlam nǝfili, a shig dul gǝnɔ. A bwangtǝn Kwaama. A yɔ nǝn gɔ a bwaa. A bʊla bwaa na nǝ bwɨlangkɛl a dʌbʌl tɨya kʊʊtǝm!

Matta 26:42

Nǝngɔ a yǝla a shu ya maa keli na yogɨɨ gɔ, “Tɛtɛ mɨ, na mɨsɔ mʊ dem mɨ kʌshi nɨ lɛ a dul mɨɨ, mʊ swɨ lɛ n nɔɔ mwɛ nɨ a mʊgɔ gǝnɨ, maa kanga mʊ swɨ lɛɨ.”

Ibranii 5:7

Yesu nǝn kwama yɨm gǝnɔ a yoolii, a maa kelitɨn jǝbɔ jitǝm wi nǝn kwaan nǝn mwɛ num. A maa nyɔ a nʊ nɨ nǝn fɔlɔn bʊʊ lɛ nǝn gɔ a bwaaɨ. A nyʊwa keli nɨ ga maa nǝn shigtǝm duli.

Yohana 5:30

Mɨsɔ mǝ dwal lɛ n maa jǝl kwaamɨ. Mǝ maa borangɔ kanga Kwaama a sʊwa ɨ gɔ n maaɨ. Borang mǝndɨ n dǝngdǝng, jʊ a bwɨɨ ke bɔ swɨtǝm dul mɨ mǝ bwangtǝn nɛɨ, n swɨtǝm dul nʊ nɨ a twam ɨɨ.

Yohana 14:31

Mǝ maa jʊ nɨ lɛ Tɛtɛ a sʊwa ɨ gɔ n maaɨ dǝngdǝng, sǝ yooligɔ a nyǝm mǝ swɨ Tɛtɛ lɛ. “Jǝ́ gun, bǝ bǝla daa nɨ.

Yohana 18:11

Nǝngɔ Yesu a sʊwa Bitrus gɔ, “Dǝgtǝn gulʌnɔ tʌgo a laa gǝnɔ gǝm. Mɨsɔ mǝ nɔɔ lɛ a mʊgɔ bɛ kʌshi gaalan nɨ Tɛtɛ a nɨ ɨ gɔ n nɔɔɨ ka?”

Yohana 11:41

Nǝngɔ ja tʊngǝm tɛlɨ. Yesu a gung dul gǝnɔ a dʌbʌl, a sʊwa gɔ, “Tɛtɛ, n buu mʊn kang mʊ nyʊwa ɨɨ.

Matta 20:22

Nǝngɔ Yesu a jǝla gɔ, “Jǝ́ nyǝm bɔ jʊ jǝ́ kela lɛɨ. Jǝ́ mwɨ mwɨ jǝ́ nɔɔ gaalan nɨ mǝ nɔɔ lɛɨ ka?” Nǝngɔ ja jǝla gǝn gɔ, “Nǝn mwɨ mwɨ.”

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

Maajɨ Bɛtɔ Twamagɨɨ 10:25

Bitrus a dɔ mʊgɔ lɔngɨ, nǝngɔ Karniliyas a tǝga gǝnɨ, a jʊng a kǝga gǝn, a nǝ gǝn dʊʊnɨ.

Luka 17:16

Nǝngɔ ba jʊng a kǝga Yesui, a buu gǝm kangɨ. Balɨ nɨ ke bɔ bwɛ Yahudaɨ. Gǝ na a tǝm Samariya.

Markus 13:22

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ.

Yohana 5:19

Nǝngɔ Yesu a jǝla ji gɔ, “N bɨlǝngkɛl mǝ sʊwa jen nɛɨ, Bwɛ mɨ gɔ maa jǝl lɛ kwaagɔ. Gǝ maa jʊ ga kuwo Tɛ bwɛ maa lɛɨ. Jʊ a bwɨɨ gwam jʊ nɨ Tɛ bwɛ maa lɛɨ, n jʊ Bwɛ maa lɛɨ.