Matta 26:18 - Dadiya NT

¹⁸ Nǝngɔ a sʊwa ji gɔ, “Jǝ́ yɔ a mʊgɔ tuulɔ a daa kaa nǝl woi, jǝ́ sʊwa gǝn jengɔ, ‘Feyigɔ a sʊwa gɔ, Kum mǝndɨ a dwama, mǝ swɨ lɛ n ja Dikulom Yabtǝmɔ jǝbɔ bɛtɔ mɛlalɨ mǝndɨ a lɔ mɔ.’ ”

Matta 26:18 Referans Kwoze

Yohana 7:6

Nǝngɔ Yesu a sʊwa ji gɔ, “Kwama mǝndɨ a lǝga bɔ a la dɨn. A daa jen woi, kwamagɔ pʌd dǝngdǝng.

Yohana 17:1

Nǝn kwama Yesu a sʊwam kanjǝl nɨɨ, nǝngɔ a gung dul gǝnɔ a dʌbʌl a maa keligɨɨ gɔ, “Tɛtɛ, kwamagɔ a la. Dʊʊl Bʊla mɔ, sǝ Bʊla mɔ a dʊʊl ń tǝgǝn.

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 7:30

Yesu a sʊwa kɛl nɨɨ, nǝngɔ nǝbɔ saa lɛ sǝ jǝ ta gǝnɨ. Mɨ nʊ nɨ wo a ke gǝnɨ, jʊ a bwɨɨ kwama gǝnɔ a lǝga bɔ a la.

Yohana 7:8

Jǝ́ yɔ dikulomɔ. Mɨsɔ mǝ shu dikulomɔ lɛ kǝngkɔ, jʊ a bwɨɨ kwama mǝndɨ a lǝga bɔ a la dɨn.”

Yohana 12:23

Nǝngɔ Yesu a jǝla ji gɔ, “Kwamagɔ a la, wʊnɨ jǝ nʊng dʊʊlǝn Bʊla Nǝlɨ lɛɨ.

Luka 22:53

Kwangkwang mǝ dakini nǝbɔ jen a Kan Kwaaman, jǝ́ ta ɨ bɔ. Wʊnɨ n kwama jen, n kwama maajɨ fɔlɔn kumtojili.”

Yohana 11:28

Marta a sʊwa nyɨɨ, nǝngɔ a yɔ ya jo Maryamu kɨla gǝ nɔɔlɨgɔ a kelii, a sʊwa gǝn gɔ, “Feyigɔ fɔ, jo ń nɛ.”

Markus 5:35

Sʊwa kɛlɔ lɛ wo, nǝngɔ kaam nǝbɔ a bɛ a mʊgɔ lɔng Yayirusi, nǝ dʊʊ kan mɛlalɨgɔ, ja sʊwa gɔ, “Bwɛnɔɔlɨ mʊnɔ a bʊla. N wɛ mʊ nǝm feyigɔ gaalan nɛɨ?”

Matta 26:2

“Jǝ́ nyǝm Dikulom Yabtǝmɔ a bǝla kumɔ yo, jǝ nǝ nǝ Bʊla Nǝlɨ a daa nǝb kiim gǝnɔ woi, sǝ ja kʊʊ gǝn a dʌbʌl tɨya.”

Matta 23:10

Ka jǝ́ jǝla lɛ ja jo jen gɔ, ‘tɛlalɔ,’ jʊ a bwɨɨ Tɛlalɔ win swar, nǝn Kiristi.

Matta 23:8

“Ka jǝ́ jǝla lɛ nǝbɔ a jo jen gɔ, ‘Nǝ mɛlalɨ,’ jʊ a bwɨɨ nǝ mɛlalɨ jenɔ win, gwam jenɔ jǝ́ yǝlam kɛb.

Matta 21:3

Na kaa nǝl a bʌ jen kɛlɨ, jǝ́ sʊwa gǝn jengɔ, ‘Nǝn Tɛlalɔ swɨ ji lɛɨ.’ Nǝ jen nǝ tʌgo a kang.”

Yohana 20:16

Yesu a jo gǝn gɔ, “Maryamu!” Nǝngɔ a yǝla a daagɔ Yesu woi, a sʊwa gǝn nǝn nyiyo Yahudawagɨɨ gɔ, “Rabboni!” (Wʊnɨ gǝ nʊng gɔ, Feyi.)

Matta 26:49

Nǝngɔ Yahuza a swa kǝga a daa Yesu woi, nǝngɔ gɔ, “Mǝ yal ń nɛ nǝ mɛlalɨ!” Nǝngɔ a kwal gǝnɨ.

Matta 26:19

Nǝngɔ bɛtɔ mɛlalɨgɔ a maa kanga Yesu a sʊwa jii, nǝngɔ ja fɛka Dikulom Yabtǝmɨ.