Matta 26:11 - Dadiya NT

¹¹ Nǝb bʊnǝnɔ jǝ na jǝbɔ jen kwangkwang. N ke bɔ kwangkwang mǝ dakini nǝbɔ jeni.

Matta 26:11 Referans Kwoze

Markus 14:7

Nǝb bʊnǝnɔ jǝ na jǝbɔ jen kwangkwang. Na jǝ́ swɨ lɛ jǝ́ maa jim jǝ nyaɨ, jǝ́ maa jim maa. N ke bɔ kwangkwang nǝbɔ jeni.

Yohana 12:8

Nǝb bʊnǝnɔ kwangkwang jǝbɔ jen. Ke bɔ kwangkwang mǝ nǝbɔ jeni.”

Yohana 16:28

Mǝ jel a daagɔ Tɛtɛ woi, nǝngɔ mǝ dɔ mʊgɔ yooli nɨɨ. Kǝngkɔ mǝ bǝla bǝla yooli nɨ sǝ n yǝla a daagɔ Tɛtɛ woi.”

Yohana 16:5

“Kǝngkǝnɨ mǝ yǝla mǝ yi a daa nʊ nɨ a twam ɨɨ. Mɨ nǝn nʊ nɨ a kʊm jen a bʌ i gɔ, ‘Mʊ yi a fei?’

Yohana 14:19

Kumtɨnɔ a bǝla nǝn dǝm nyɔ, yooli nɨ mɨsɔ kuwo i lɛ wo tag. A jenɔ jǝ́ kuwo i kuwo i. Jʊ a bwɨɨ n na nǝn dʊʊmɨ, jen tʌjen jǝ́ na na nǝn dʊʊmɨ.

Yohana 13:33

“Jen jǝ́ bɛtɔ dwalǝn mǝndɨ, a bǝla kumtɨnɔ nǝn dǝm nyɔ mǝ na lɛ nǝbɔ jeni. Jǝ́ saa ɨ saa ɨ, mɨsɔ jǝ́ nya ɨ lɛ. Mǝ sʊwa jen nɛ kǝngkɔ, kanga mǝ sʊwa Yahudawagɔ mǝʊ, ‘Daa nɨ mǝ yilomi, mɨsɔ jǝ́ dwal lɛ jǝ́ yɔ wo.’

Maajɨ Bɛtɔ Twamagɨɨ 3:21

Yesu yɨ yɨ a mʊgɔ dʌbʌl kwama, a yɔ nǝn a kwama nɨ jǝ fɛ kanjǝlɔ lɛ gwam a yǝlam a fɨɨ, kanga Kwaama a sʊwa galɨgǝn a nyiyo nǝbkuwotǝmkǝga gǝnɔ gǝmɨ, nǝb sagsagɔ.

Yohana 17:11

Kǝngkǝnɨ mɨsɔ mǝ yɨ lɛ a yooli, nǝb nɨ gǝ na a yooli nɨ, mǝ yilo a daa mɔ woi. Tɛtɛ Nǝ Sagsag, bɛ ń kɨla ji nǝn kwaan dun mʊnɔ, dun nɨ mʊ nɨ ɨɨ, sǝ ja yǝlam win kanga bǝ wini.

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 18:20

A daa nɨ nǝbɔ yo, a yɔ nǝn a taal, a mʊrka nǝn dun mɨɨ, mǝ tǝmɨ mǝ na a tɨbǝl jin.”

1 Yohana 3:17

Gwam nʊ nɨ nǝn jǝ kang a yooli nɨɨ, kuwo kɨla gɔ lɛ nǝn bʊnǝn, a mam nu a dul gǝnɨ, la swɨtǝm Kwaamaɨ na nyǝn a nǝl gǝn?

Galatiya 2:10

Ja bʊʊla nǝm jʊ win swar gɔ, ka nǝn twab lɛ nǝb bʊnǝnɔ a daa ji woi. Mǝ tǝmɨ n jʊ na mǝ swɨ maatǝmɔ lɛɨ.

Matta 26:10

Yesu a kwɛl a nyǝm jʊ ja sʊwaɨ, nǝngɔ a sʊwa ji gɔ, “N wɛ a bwɨ jǝ́ kom nɔɔlɨ nɨ lɛɨ? N jǝ nya a maa mɨɨ.