Matta 25:1 - Dadiya NT

¹ “Fɔlɔn lɔ Kwaamaɨ jǝ mʊrka gǝn na bɛtǝnɔɔtǝn nɨ kʊbɨ, wʊnɨ ja wɔɔ fitila jinɔ gɔ ya jǝ tǝga balɨ nɨ a naa nɔɔlɨɨ.

Matta 25:1 Referans Kwoze

Dʊgam Nyangnyang 19:7

Bɛ bǝ maa fulotǝm nǝl jǝbɔ nyʊwatǝm lǝma, jǝbɔ nǝtǝm dʊʊn! Jʊ a bwɨɨ bwatǝm naakan Bɛ Galɔ a bɛ. Nɔɔgwaalɨ gǝnɔ a kwɛl a fɛka fɛkaɨ.

Dʊgam Nyangnyang 21:9

Nǝngɔ win a mʊgɔ bɛtɔ twama Kwaamaɨ nɨ nʌbʌli, nǝb nɨ nǝn taasatɨnɔ nʌbʌli, a yiilo nǝn gaalan bwɨlantɨn nɨ nʌbʌl na dɨltǝmɨ, a bɛ ba sʊwa ɨ gɔ, “Bɛ ba n nʊng ń nɔɔgwaalɨgɔ, nwala Bɛ Galɨ.”

Dʊgam Nyangnyang 21:2

N kuwo Tuulɔ Sagsagɔ, Urushalima fɨgɔ gǝla lɛ a dʌbʌl kwama, a daa Kwaama woi. A fɛka na nɔɔgwaalɨ nǝn dʊʊl sǝ bwɨla gɔ a kuwo gǝn.

Yohana 3:29

A kangwaal naakan, balɨgɔ nǝn gɔ a naa nɔɔlɨgɨɨ. Fwal balɨ nɨ a naa nɔɔlɨgɨɨ, gǝ yam kɛl nɨ jel lɛ a nyiyo balɨgɨɨ. Gǝ nyʊwa nyʊwa lǝma na a nyʊwa kɛl nɨ a jel a nyiyo balɨgɨɨ. N jʊ a bwɨ mǝ nǝn fulotǝm nǝlɨ.

Matta 13:24

Yesu a yǝla a sʊwa ji kaa mʊsǝn kɛl gɔ, “Fɔlɔn lɔ Kwaamaɨ gǝ na na nʊ nɨ a wa dʊʊm nyan a tɔtwam gǝnɨ.

Dʊgam Nyangnyang 14:4

Nǝb nɨ n nǝbɔ a maa bɔ jǝ bwɨlan wo na buloni, jǝ nǝb sagsag. Nǝji jǝ bwangtǝn Bɛ Gal nɨ lɛ a daagɔ yɔ lɛ wo gwamɨ. Nǝji ja ten ji a kʊm nǝbɨɨ, nǝji jǝ bɨtǝm tɨkǝgagɔ ja nǝ Kwaama jǝbɔ Bɛ Gal nɨɨ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Matta 22:2

“Fɔlɔn lɔ Kwaamaɨ jǝ mʊrka gǝn jǝbɔ kɛl kaa fɔlɔ wʊnɨ a swɨ bʊla gɔ gǝm kangwaalɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

1 Korinti 11:2

Mǝ buu jem kang lɛ jʊ a bwɨɨ jǝ́ bʊʊla lɛ nǝn mǝ a kanjǝlɔ gǝm gwam, jǝ́ ta kanjǝlɔ gwam mǝ mɛla jemi.

Matta 20:1

“Fɔlɔn lɔ Kwaamaɨ gǝ na na kaa tɛlalɔ nɨ a jel nǝn kumsʌl butʌb sǝ ya saa nǝb nɨ ya maa gǝm maajɨ lɛ a mʊgɔ tɔtwam fogfogi gǝnɨ.

Matta 13:47

“Fɔlɔn lɔ Kwaamaɨ tag gǝ na na lɨyal nɨ ja mal a mʊgɔ wɨmaɨ, jǝ tam jʌngi lɛɨ, gǝ ta jʌngitɨnɔ nǝn dʌmʌn.

Matta 13:38

Tɔtwamɔ nǝn gɔ n yooligɨɨ, dʊʊm nyanɔ, nǝn gɔ bɛtɔ lɔ fɔlɔnɨ, yǝlagɔ n bɛtɔ Mammɨ.

Dʊgam Nyangnyang 4:5

A daa kotere fɔlɔn nɨ kwamagɔ beta lɛ, kunnyiyogɔ ga lɛ, diilɔ mwɛla lɛ. A kǝga kotere fɔlɔn nɨ tag, kʊʊnɨ kǝlagɔ wo nʌbʌl ja lɛ, nǝn gɔ Yʊwatɨn Kwaamaɨ nʌbʌli.

2 Korinti 11:2

Mǝ maa nungon nɛ a dul jen kanga Kwaama maa lɛɨ. N fɛka jen na bwɛnɔɔlɨ nɨ naa Kiristi lɛɨ. Mǝ swɨ lɛ n nǝ jen na nɔɔgwaalɨ nɨ sagsag a daa bwɨla gǝ woi kwaagɔ.

Matta 9:15

Nǝngɔ Yesu a jǝla ji gɔ, “Fatǝm balɨgɨɨ ji ji wi bwaa na jǝ dakini a daa bwatǝm naakanɨ ka? Kwamagɔ bɛ lɛ wo wʊnɨ ba jǝ dem jim balɨgɔ lɛɨ, jǝ do diil mwɛmɔ nǝn kwama gɔ.

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Maajɨ Bɛtɔ Twamagɨɨ 20:8

Fitilatɨnɔ a lada nyɔ a lɔ dʌbʌl nɨ nǝ mʊrkamɨ.

Matta 13:31

Yesu a sʊwa ji kaa mʊsǝn kɛl gɔ, “Fɔlɔn lɔ Kwaamaɨ gǝ na na nu mastad, wʊnɨ kaa nǝl a do ya kwal a tɔtwam gǝnɨ.

Matta 25:7

Nǝngɔ bɛtǝnɔɔtǝn nɨ kʊbɨ, ja gun ja fɛka fitila jini.

Yohana 18:3

Yahuza a do sʊwajaamtɨnɔ jǝbɔ kaam nǝb dʌngtǝm Kan Kwaamanɔ a daagɔ dʊʊm nǝbkǝlamɔ woi jǝbɔ nǝbɔ Farisaɨ. Ja bɛ a daagɔ nǝn kʊʊnɨ kǝla, jǝbɔ fitilatɨn jǝbɔ kanjǝl tatǝm kun.

Dʊgam Nyangnyang 8:10

Bwɛ twama Kwaamaɨ na taalɔ a guu jum gǝnɨ, nǝngɔ kaa gʌleng nyanyamɨ a gǝla a dʌbʌl a yalɨ, ta lɛ na kʊʊnɨ kǝla. A tǝla a dul win a mʊgɔ taal na tiyotɨnɔ jǝbɔ dɨyalɨ mwɛ.