Matta 24:39 - Dadiya NT

³⁹ Nǝn kwama la ja nyǝmǝm jʊ nɨ bwɨ lɛɨ, mwɛ nɨ a fʌl tǝmɔ gwamɨ, a ba wɔɔ ji gwam. Yǝlam nyɔ nǝn bɛtǝm Bʊla Nǝlɨ.

Matta 24:39 Referans Kwoze

Yohana 3:20

Nǝb nɨ gwam maa bwɨlang maajɨ lɛ a kɔ nyalǝmɨ, mɨsɔ jǝ bɛ lɛ a daagɔ nyalǝmɔ woi, kage ja nʊng maajɨ jinɔ nyangnyang.

Matta 24:37

Kanga ja maam nǝn jol Nuhui, jǝ maa nyɔ a bɛtǝm Bʊla Nǝlɨ.

Maajɨ Bɛtɔ Twamagɨɨ 13:41

“ ‘Jǝ́ kaa lɔl, jǝ́ nǝb mogtǝmɔ! Jǝ́ ta kang a nyiyo, jǝ́ bʊla! Mǝ maa maa maajɨ nǝn kumtɨn jenɔ, maajɨ nɨ mɨsɔ jǝ́ jǝla lɛ nǝn, na a jel a nyiyo kaa nǝlɨ.’ ”

2 Bitrus 3:5

Nǝn nyǝmtǝm jin jǝ tangǝm a kɛl nɨ gǝm a sʊwa gɔ, galɨgǝn Kwaama a fɛ dʌbʌlɔ a gola sʊwatǝm kɛl, a jǝgǝm tǝmɔ a mʊgɔ mwɛ, nǝngɔ a kang tǝmɔ nǝn mwɛmɨ.

Luka 19:44

Ja jʌbo jen jǝbɔ bɛtɔ lɔ jeni, ja tal a tǝm a mʊgɔ kwalɨ jenɔ gǝm. Mɨsɔ jǝ bǝla tɛl lɛ win a dʌbʌl kǝgaɨ. Jǝ maa nyɔ jʊ a bwɨɨ jǝ́ nyǝm bɔ kwama nɨ Kwaama bɛ jem lɛɨ.”

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 24:3

Kwama Yesu yǝm a dʌbʌl Yem Zaituni, nǝngɔ bɛtɔ mɛlalɨ gǝnɔ ba nya gǝn kwaaji gɔ, “Sʊwa nǝn, kanjǝl nɨ bwɨ fɨyang? N wɛ nʊng bɛtǝm mʊnɔ lɛɨ, jǝbɔ dɨltǝm yooli nɨ?”

Matta 24:30

A kwama gɔ jǝ kuwo kuwo kaa jǝ nʊngtǝm a dʌbʌl kwama, na Bʊla Nǝlɨ a nʊng dul gǝnɨ. Nǝbɔ a yooli nɨɨ ji ji wi bwaa, na ja kuwo Bʊla Nǝlɨ bɛ lɛ a mʊgɔ luli, nǝn kwaan jǝbɔ gʌleng dʊʊlǝn gǝnɔ.

Matta 24:40

Nǝn kwama gɔ na nǝbɔ yo maa maajɨ lɛ a mʊgɔ tɔtwamɨ, jǝ dem dem nʊ win, ja bǝla win.