Matta 24:14 - Dadiya NT

¹⁴ Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Matta 24:14 Referans Kwoze

Dʊgam Nyangnyang 14:6

Nǝngɔ mǝ kuwo kaa bwɛ twama Kwaamaɨ bola lɛ a dʌbʌl kwamaɨ, bɛ lɛ nǝn fulon kɛl lǝmɨ nɨ mɨ dɨtǝm woi, sǝ a kiyo tǝmɔ yooli nɨ, jǝbɔ Bʌtʌbɔ, jǝbɔ nyiyotɨnɔ, jǝbɔ nǝbɔ gwam.

Roma 10:18

Mǝ bʌ kɛl lɛ, “Ja nyʊwa bɔ ka?” N bɨlǝngǝn ja nyʊwa. Mʊlalɨgɔ a sʊwa gɔ, “Diil jinɔ a yiim yooligɔ gwam. Katɔ jinɔ a la gol yooligɔ.”

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Matta 10:7

Kanga jǝ́ yɔɨ, ya jǝ́ sʊwa jengɔ, ‘Fɔlɔn lɔ Kwaamaɨ a dwama.’

Matta 9:35

Nǝngɔ Yesu a kɛla tuulɔngɔ jǝbɔ bɛlɨ tuulɔngɔ gwam mɛla jim lɛ a kantɨn mɛlalɨɨ, kiyo jim fulon kɛl lǝmɨgɔ lɛ a dul fɔlɔn lɔ Kwaamaɨ, gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Matta 24:6

Jǝ́ nyʊwa nyʊwa kɛl tatǝm kun jǝbɔ fulon kun. Ka jǝ́ nyʊwa lɛ taal, kanjǝl nɨ bwɨ bwɨ nyɔ, dɨltǝm tǝmɔ a la bɔ dɨn.

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Maajɨ Bɛtɔ Twamagɨɨ 17:6

Ja nya ji bɨɨ, nǝngɔ ja gʊ Yason jǝbɔ kaam nǝb bwangtǝmɔ. Ja yɔ nǝn ji a kǝga nǝb gartǝm borang tǝm gɨɨ, jǝ ga kwaalɨgɔ lɛ, jǝ sʊwa lɛ gɔ, “Nǝb nɨ n nǝb gungtǝm nǝl nǝbɨɨ a yooli nɨ gwam. N wɔ ja bɛ fɔ tag.

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.

Maajɨ Bɛtɔ Twamagɨɨ 20:25

“Kǝngkɔ n nyǝm gwam jenɔ mɨsɔ jǝ́ yǝla lɛ jǝ́ kuwo i wo tag, jen nɨ mǝ kɛla lɛ a kʊm jen, mǝ kiyo kɛl fulon fɔlɔn lɔ Kwaamaɨ lɛɨ.

Matta 24:3

Kwama Yesu yǝm a dʌbʌl Yem Zaituni, nǝngɔ bɛtɔ mɛlalɨ gǝnɔ ba nya gǝn kwaaji gɔ, “Sʊwa nǝn, kanjǝl nɨ bwɨ fɨyang? N wɛ nʊng bɛtǝm mʊnɔ lɛɨ, jǝbɔ dɨltǝm yooli nɨ?”

Dʊgam Nyangnyang 16:14

Jǝ yʊwa nǝblaamɔ maa kanjǝl laatǝm kang lɛɨ. N nǝblaam nɨ yɔ lɛ a daagɔ fɔlɔlɔm yooli nɨ pʌdi, sǝ ja mʊr ji a dul tatǝm kun a gʌleng kɔkɔ Kwaama Nǝ kwaanɨ.

Luka 4:5

A daagɔ nǝngɔ Mammɔ a gwi nǝn gɔ a daa nɨ a deba debaɨ, nǝngɔ a nʊng gǝn fɔlɔn yooligɔ tʌgo a kang gwamɨ.

Maajɨ Bɛtɔ Twamagɨɨ 1:2

a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Maajɨ Bɛtɔ Twamagɨɨ 11:28

Win a kʊm jin wʊnɨ jǝ jo lɛ gɔ Agabusi, a gun a tɨ tɨɨ a sʊwa kɛlɔ nǝn kwaan Yʊwa Kwaamaɨ gɔ jǝ maa maa gʌleng jʊwan bwɨla a yooligɔ gǝm gwam. (Jʊ nɨ a bwɨ nǝn kwama fɔlɔn Kalaudiyasɨ).

Matta 18:19

Mǝ sʊwa jen nɛ tag, na nǝbɔ yo a kʊm jen a tǝm nɨ ja jǝla nǝn jʊ win ja keli, Tɛtɛ mɨ nɨ a dʌbʌl kwamaɨ maa jim maa.

Luka 2:1

A kumtɨn gɔ, Kaisar Augustas a ga diil kiyotǝm dul nǝbɔ gwam yǝm a tǝm gǝnɔ gǝ maam fɔlɔn nɛɨ.

Markus 13:10

Dɨltǝm tǝmɔ mɨsɔ bwɨ lɛ, na ja kiyo bɔ bǝlǝntǝmɔ gǝm gwam fulon kɛl lǝmɨgɨɨ.

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Maajɨ Bɛtɔ Twamagɨɨ 19:27

Komtǝm wo. Jǝ kal kal dun maajɨ bǝnɔ. A wʊnɨ tagɨ, dalɨ kan mamm Artimasɨ mɨsɔ yǝlam kaa jǝl lɛ. Jǝ wʊlaka gǝn wʊlaka jǝbɔ bʊmǝn gǝnɔ, wʊnɨ tǝm Asiyagɔ jǝbɔ yooligɔ gwam, jǝ nǝ gǝn dʊʊn nɛɨ.”

Ibranii 1:6

Nǝn kwama Kwaama a bɛ nǝn bwɛ tɨkǝga gǝnɔ a yooli nɨɨ, nǝngɔ a sʊwa tag gɔ, “Gwam bɛtɔ twama Kwaamaɨ bɛ ja maa gǝm bǝlátǝm.”

Ibranii 2:5

N ke bɔ a daagɔ bɛtɔ twama Kwaamaɨ woi Kwaama a ya fɔlɔn yooli nɨ bɛ lɛɨ, wʊnɨ bǝ sʊwa lɛɨ.