13 Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.
Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.
Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.
A bǝnɔ bǝ ke bɔ nǝb nɨ a gʊ nǝn gul ja jʌbo jii. Bǝn bǝ nǝb nǝtǝm bɨlǝngkɛl, wʊnɨ yɔ lɛ nǝn kʊlɨ bǝnɔ a bʊʊtǝmɨ.
Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.
Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.
wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.
Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.
A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.
Jǝ́ nyʊwa nyʊwa kɛl tatǝm kun jǝbɔ fulon kun. Ka jǝ́ nyʊwa lɛ taal, kanjǝl nɨ bwɨ bwɨ nyɔ, dɨltǝm tǝmɔ a la bɔ dɨn.
Maakatǝm shilɔ la la daa, a dul kɛl nɨɨ, kɔrɔ nǝbɨɨ swɨkatǝm jinɔ yǝla yǝla a gul.
Na jǝ́ kʊ nǝlɨ, jǝ́ bʊʊ bʊʊ.
