Matta 23:7 - Dadiya NT

⁷ Jǝ swɨ lɛ nǝbɔ ya yal ji lɛ a gamdʌbo. Jǝ swɨ lɛ nǝbɔ ya jo ji lɛ gɔ, ‘Nǝ mɛlalɨ.’

Matta 23:7 Referans Kwoze

Yohana 1:38

Yesu a yǝla dʌng gul gǝnɨ, nǝngɔ a kuwo ji jǝ bwang gǝm lɛɨ, nǝngɔ a bʌ ji gɔ, “N wɛ jǝ́ saa lɛɨ?” Nǝngɔ ja sʊwa gǝn gɔ, “Rabbi” (kɛl nɨ gǝ nʊng “Nǝ mɛlalɨ”), “mʊ na nǝn yɨmɔ a fee?”

Yohana 1:49

Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Yohana 20:16

Yesu a jo gǝn gɔ, “Maryamu!” Nǝngɔ a yǝla a daagɔ Yesu woi, a sʊwa gǝn nǝn nyiyo Yahudawagɨɨ gɔ, “Rabboni!” (Wʊnɨ gǝ nʊng gɔ, Feyi.)

Yohana 6:25

Ja nya gǝn a kʌng wɨmaɨ, nǝngɔ jǝ bʌ gǝn gɔ, “Feyi, fɨyang mʊ bɛ fǝɨ?”

Yohana 3:26

Nǝngɔ ja yɔ a daagɔ Yohana woi, ya ja bʌ gǝn gɔ, “Nǝ mɛlalɨ, nʊ nɨ mɔ dakini jǝbɔ gɨɨ, a gwanga twal a tiyo Urduni, wʊnɨ mʊ sʊwa kɛl lɛ a dul gǝnɨ, n wɔ kǝngkɔ yʊ nǝbɔ mwɛ sagsag lɛ, nǝbɔ gwam yilo a daa gǝ woi.”

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Markus 10:51

Yesu a bʌ gǝn gɔ, “N wɛ mʊ swɨ lɛ n maa mʊnɨ?” Kuli nɨ a sʊwa gɔ, “Feyi, mǝ swɨ n nya kuwotǝm daa.”

Markus 9:5

Nǝngɔ Bitrus a sʊwa Yesu gɔ, “Feyi, a bʊm nyɔ nǝn nɨ fɔ a daa nɨɨ, nǝn ma gushigɔ taal, win na a mɔ, win na a Musaɨ, win na a Iliyaɨ.”

Matta 23:8

“Ka jǝ́ jǝla lɛ nǝbɔ a jo jen gɔ, ‘Nǝ mɛlalɨ,’ jʊ a bwɨɨ nǝ mɛlalɨ jenɔ win, gwam jenɔ jǝ́ yǝlam kɛb.

Matta 11:16

“Mǝ mʊrka kal nɨ nǝn wɛ? Maa na bɛtɔ nɨ yǝm a gamdʌbo jǝ jo fatǝm gaan jinɔ lɛ jǝ sʊwa lɛ gɔ,

Matta 26:25

Nǝngɔ Yahuza nɨ a lungto gǝnɨ a bʌ gǝn gɔ, “Feyi nǝmǝ ka?” Nǝngɔ Yesu a jǝla gǝn gɔ, “Mʊ tǝmʊn ń sʊwa.”

Matta 26:49

Nǝngɔ Yahuza a swa kǝga a daa Yesu woi, nǝngɔ gɔ, “Mǝ yal ń nɛ nǝ mɛlalɨ!” Nǝngɔ a kwal gǝnɨ.

Markus 11:21

Bitrus a bʊʊla nǝngɔ a sʊwa Yesu gɔ, “Feyi, dʌng! Tɨya dʌfeng nɨ mʊ lagɨ, a swamǝm.”

Markus 12:38

A mʊgɔ mɛlalɨ gǝnɔ gǝm, a sʊwa ji gɔ, “Bɛ jǝ́ nyǝm nǝb mɛlalɨ diilɔ, jǝ swɨ maltǝm bɛllɛ dʊʊntɨn sǝ ya ja bola lɛ nǝn, jǝ swɨ lɛ ya ja yal ji lɛ a gamdʌbo.

Markus 14:45

Bɛtǝm Yahuzaɨ, nǝngɔ a swatǝn kǝga tʌgo a daa Yesu woi. Nǝngɔ a sʊwa gɔ, “Nǝ mɛlalɨ.” Nǝngɔ a kwal gǝnɨ.

Luka 11:43

“N mwɛ jen, jǝ́ nǝbɔ Farisaɨ! Jǝ́ swɨ lɛ ya ja nǝ jen daa yɨm nyan nɛ a kantɨn mɛlalɨ. Jǝ́ swɨ lɛ ya ja yal jen nɛ a gamdʌbo.

Yohana 4:31

A mʊgɔ jʊ nɨ gǝm, nǝngɔ bɛtɔ mɛlalɨ gǝnɔ ba ja kela gǝn gɔ, “Feyi, ja jǝjalǝnɔ.”

Yohana 9:2

Nǝngɔ bɛtɔ mɛlalɨ gǝnɔ a bʌ gǝn gɔ, “Feyi, n bwɨlangkɛl woi a dǝg ja bʌ balɨ nɨ n kulii? N bwɨlangkɛl gǝn ka? Na a tɛtǝlam gǝnɨ ka?”

Yohana 11:8

Bɛtɔ mɛlalɨ gǝnɔ ja sʊwa gǝn gɔ, “Feyi, n kumtɨn nɨ Yahudawagɔ saa malatǝm mʊnɔ lɛ nǝn tɛl sǝ ja jʌ ńi, nǝngɔ mʊ swɨ lɛ ń yǝla wo tagɨ ka?”