Matta 23:39 - Dadiya NT

³⁹ Mǝ sʊwa jen nɛ, mɨsɔ jǝ́ kuwo i lɛ wo tag, na ke bɔ kwama jǝ́ sʊwa lɛ jengɔ, ‘Bwiligɔ na a nʊ nɨ bɛ lɛ a mʊgɔ dun Tɛlalɔɨ.’ ”

Matta 23:39 Referans Kwoze

Matta 21:9

Nǝb nɨ a kǝga gǝnɨ jǝbɔ nǝb nɨ bwang gǝm lɛ a guli, ja gung diilɔ jǝ sʊwa lɛ gɔ, “Bǝlátǝmɔ n dǝngdǝng a dul bʊla Daudaɨ! Bwiligɔ na a nʊ nɨ bɛ lɛ a dun Tɛlalɔɨ! Bǝlátǝmɔ na a Kwaama dʌbʌli!”

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Yohana 8:56

Tɛtɛ jen Ibrahim a maa fulotǝm nǝl nyangǝn, jʊ a bwɨɨ kuwo kuwo jol mǝndɨ. A kuwo, a maa fulotǝm nǝl.”

Yohana 8:24

N jʊ a bwɨ mǝ sʊwa jen mǝ jǝ́ bʊla bʊla a mʊgɔ bwɨlangkɛl jenɔ gǝmɨ. Na jǝ́ nǝ bɔ bɨlǝngkɛl gɔ nǝmǝ mǝ nʊ nɨ mǝ sʊwa jen mǝ nǝn nǝmɨɨ, jǝ́ bʊla bʊla a mʊgɔ bwɨlangkɛl jenɔ gǝm.”

Yohana 8:21

Nǝngɔ Yesu a sʊtǝn sʊwatǝm nǝbɨɨ gɔ, “Mǝ shu shu, jǝ́ saa ɨ saa ɨ, jǝ́ bʊla bʊla a mʊgɔ bwɨlangkɛl jenɔ gǝm. Daagɔ mǝ shum lɛɨ, mɨsɔ jǝ́ dwal lɛ jǝ́ yɔ wo.”

Luka 17:22

Nǝngɔ a sʊwa bɛtɔ mɛlalɨ gǝnɨ gɔ, “Kɔkɔgɔ bɛ lɛ wo wʊnɨ jǝ́ swɨ lɛ jǝ́ kuwo Bʊla Nǝlɨ maa fɔlɔn nɛɨ, mɨsɔ jǝ́ kuwo lɛ.

Yohana 14:19

Kumtɨnɔ a bǝla nǝn dǝm nyɔ, yooli nɨ mɨsɔ kuwo i lɛ wo tag. A jenɔ jǝ́ kuwo i kuwo i. Jʊ a bwɨɨ n na nǝn dʊʊmɨ, jen tʌjen jǝ́ na na nǝn dʊʊmɨ.

Yohana 14:9

Yesu a jǝla gǝn gɔ, “Filibus, n yɨ nǝbɔ jen fanga kǝrnɨ, mʊ nyǝm ɨ bɔ ka? Gwam nʊ nɨ a kuwo ii, a kuwo Tɛ bwɛ. Wɛ mʊ sʊwa lɛ mɔʊ, ‘Nʊng nǝn Tɛ bwɛɨ’?