Matta 23:34 - Dadiya NT

³⁴ Mǝ twam jem twam nǝbkuwotǝmkǝgagɔ, jǝbɔ nǝb nyǝmtǝmɔ, jǝbɔ nǝb mɛlalɨ diilɔ. Jǝ́ jʌbo jʌbo kaam jinɔ. Jǝ́ kʊʊ kʊʊ kaam jinɔ. Jǝ́ tʊm tʊm kaam jinɔ a kantɨn mɛlalɨ. Jǝ́ bwang jim lɛ a tuulɔtɨn jǝ́ nǝ ji gaalan nɛ.

Matta 23:34 Referans Kwoze

Matta 13:52

Nǝngɔ a sʊwa ji gɔ, “Gwam nǝ mɛlalɨ diil nɨ a yǝlam bwɛ mɛlalɨ a fɔlɔn lɔ Kwaamaɨ, gǝ na na tɛlalɔ nɨ a jǝg shilo fɨ jǝbɔ shilo galɨ a daa yatǝm jini.”

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

Matta 10:23

Na jǝ nǝ jen gaalan nɛ a kaa tuulɔɨ, jǝ́ mwal jǝ́ shu a kaa tuulɔ. N bɨlǝngǝn mǝ sʊwa jen nɛɨ, mɨsɔ jǝ́ dɨɨ kɛlatǝm tuulɔtɨn Israilagɔ lɛ gwam, sǝ Bʊla Nǝlɨ a bɛ.

Dʊgam Nyangnyang 11:10

Nǝbɔ yooli nɨɨ, jǝ maa maa bǝlátǝm kɛl bwaa nǝb nǝtǝm nyiyo nɨ yoi. Jǝ yo yo ye dul, jǝ twamka twamka lǝmatɨn a dul nǝbkuwotǝmkǝga nɨ yoi, wʊnɨ a nǝ nǝbɔ yooli nɨ gaalanɨ.

Ibranii 11:37

Ja jʌbo ji nǝn tɛl. Ja mwata ji yo. Ja jʌbo ji nǝn gulʌn. Jǝ bola nǝn tɛ kwamɨtɨn jǝbɔ tɛ bɨntɨn. Jǝ yɨ yɨm bʊnǝn, jǝbɔ gʌtǝm jǝbɔ nyʊwatǝm gaalan.

1 Korinti 3:10

A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.

1 Korinti 2:6

A dul kɛl nɨ, nǝ sʊwa yʊlanɔ wo a nǝb nɨ a kwam a kɛl Kwaamaɨ. Ke bɔ a yʊlan kal nɨ. Ke bɔ a nǝb fɔlɔn yooli nɨ, wʊnɨ shu lɛɨ.

Maajɨ Bɛtɔ Twamagɨɨ 15:32

Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

Maajɨ Bɛtɔ Twamagɨɨ 12:2

A dǝg ja jʌ Yakubu kɨla Yohanaɨ nǝn gulʌn.

Maajɨ Bɛtɔ Twamagɨɨ 11:27

N kumtɨn nɨ kaam nǝbkuwotǝmkǝgagɔ a jel a Urushalima ja bɛ a Antakiyaɨ.

Maajɨ Bɛtɔ Twamagɨɨ 5:40

Nǝngɔ ja jo bɛtɔ twamagɨɨ, ja bʊg ji, ja sʊwa ji gɔ ka ja sʊwa lɛ kɛl nǝn dun Yesui. Nǝngɔ ja dem jim kangɨ.

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Yohana 20:21

Nǝngɔ Yesu a yǝla sʊwa ji gɔ, “Bɛ yɨm kwamɨgǝnɔ a na jǝbɔ jen! Kanga Tɛ bwɛ nɨ a twam ɨɨ, mǝ tǝmɨ n twam jen.”

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

1 Tasalonikaɨ 2:16

Ja bǝla nǝn bɔ nǝn kiyo Bʌtʌbɔ gǝm kage ja nya bʊʊtǝm. A na nyɔ, kwangkwang jǝ yii bʊtɔ jinɔ sǝgǝr nǝn bwɨlangkɛl jinɔ. A dɨltǝmɔ gǝmɨ, nabwɨl Kwaamaɨ a gǝla jim.

Matta 23:31

A dul kɛl nɨ, jǝ́ nǝ nyiyo nǝn kang jen jengɔ nǝjen jǝ́ bɛtɔ lɔ nǝb nɨ a jʌbo nǝbkuwotǝmkǝgagɨɨ.