Matta 22:3 - Dadiya NT

³ A twam jwaalɛb gǝnɔ gɔ ya ja jo nǝbɔ ga sʊwa ji kɛl kangwaalɔ ga swɨɨ ja bɛ. Ja kɔ bɛtǝmɔ.

Matta 22:3 Referans Kwoze

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.

Roma 10:21

A dul nǝbɔ Israilaɨ, Kwaama a sʊwa gɔ, “Jʊ a ta nǝn kumsʌl a yɔ nǝn a kwaamɨ, n mal kang mǝndɨ a daagɔ nǝb nɨ mɨ nǝn shigtǝm duli jǝbɔ nǝb nɨ mɨ nyʊwa lɔl lɛɨ.”

Yohana 5:40

Jǝ́ kɔ bɛtǝmɔ a daa mɨ woi sǝ jǝ́ nya kʊlɨ.

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

Luka 19:27

Nǝb kiim mǝndɨ nɨ ja swɨ bɔ n yǝlam fɔlɔɨ, jǝ́ bɛ nǝn ji fɔ a kǝga mɨ. Jǝ́ jʌbo ji.’ ”

Luka 15:28

“Kɨla gǝ dʊʊnɔ a kal nǝl a kɔ dɔtǝm lɔngɔ. Nǝngɔ tɛtɛ gɔ a jel ya kela gǝn gɔ ga dɔɨ.

Luka 13:34

“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ!

Matta 23:37

“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ!

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Ibranii 12:25

Jǝ́ fɛ jǝ́ dʌng kage jǝ́ kɔ Kwaama nɨ sʊwa kɛl nɨ lɛɨ. Na nǝb nɨ a kɔ nyʊwatǝm nʊ nɨ gʊ jim lɔl lɛ a yooli nɨɨ ja bʊʊ bɨɨ, la maa nyǝn bǝ bʊʊ lɛɨ, na bǝ kɔ nʊ nɨ gʊ lɔl bǝnɔ lɛ a dʌbʌl kwamaɨ?

Matta 21:34

Kwama kwasatǝmɔ a laɨ, nǝngɔ a twam kaam jwaalɛb gǝnɔ gɔ, ‘Jǝ́ yɔ a daagɔ nǝb nɨ mǝ nǝ ji twam ywatǝmɨ, jǝ́ yo mɨ a mɨ tʊʊl tɨyagɔ.’

Matta 9:15

Nǝngɔ Yesu a jǝla ji gɔ, “Fatǝm balɨgɨɨ ji ji wi bwaa na jǝ dakini a daa bwatǝm naakanɨ ka? Kwamagɔ bɛ lɛ wo wʊnɨ ba jǝ dem jim balɨgɔ lɛɨ, jǝ do diil mwɛmɔ nǝn kwama gɔ.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.