Matta 22:18 - Dadiya NT

¹⁸ Yesu a nyǝm bwɨlang bʊʊlalɨ jini, nǝngɔ a sʊwa gɔ, “Jǝ́ nǝb fentogɔ, n wɛ a bwɨ jǝ́ swɨ lɛ jǝ́ tɛl ɨɨ?

Matta 22:18 Referans Kwoze

Yohana 8:6

Ja bʌ gǝn jʊ nɨ sǝ ja tɛl gǝn, sǝ ja nya gǝn nǝn bwɨlangkɛl nɨ jǝ yɔ lɛ nǝn gɔ a kan borangɨ. Nǝngɔ Yesu a lii, a maa mʊlalɨgɔ a tǝm nǝn bawuli kang gǝnɨ.

Yohana 2:25

A swɨ bɔ kaa nǝl a sʊwa gǝn kɛl a dul nǝfitʌmi, jʊ a bwɨɨ a kwɛl a nyǝm jʊ a nǝl nǝfitʌmi.

Luka 5:22

Yesu a kwɛl a nyǝm bʊʊlalɨ jinɔ, nǝngɔ a sʊwa ji gɔ, “N wɛ a bwɨ jǝ́ maa bʊʊlalɨ nɨ lɛ nyɔ a nǝl jeni?

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Maajɨ Bɛtɔ Twamagɨɨ 5:9

Nǝngɔ Bitrus a sʊwa gǝn gɔ, “N wɛ a bwɨ jǝ́ mʊrkam nyiyo jengɔ jǝ́ tɛl Yʊwa Tɛlalɔɨ? Kaa lɔl mʊnɔ nyʊwa kʌbʌl naa nǝb nɨ ya fʌl bwɨla mʊɨ, jǝ na a nyanga kan. Jǝ do ń do ń ja jel nǝn.”

Luka 20:23

A nyǝm yʊlan jinɔ. Nǝngɔ a sʊwa ji gɔ,

Luka 10:25

Na kaa nǝ mɛlalɨ diil Musaɨ a gun a tɛl Yesu gɔ, “Feyi, wɛ mǝ maa lɛ sǝ n nya kʊlɨ nɨ mɨ dɨtǝm woi?”

Luka 9:47

Yesu a nyǝm bʊʊlalɨ mʊgɔ nǝl jini, nǝngɔ a ta kaa bwɛ dwalɨ a ya a daalɨ gǝnɨ.

Markus 12:5

A yǝla a twam kaaɨ, nǝngɔ nǝb nɨ a yo twam ywatǝmɨ a jʌ gǝnɨ. A twam kaamɨ a lada nyɔ, nǝngɔ ja bʊg kaamɨ, ja jʌbo kaamɨ.

Markus 2:8

Yesu a kwɛl a nyǝm jʊ jǝ bʊʊla lɛ a nǝl jini, nǝngɔ a bʌ ji gɔ, “N wɛ a bwɨ jǝ́ maa bʊʊlalɨ nɨ lɛ nyɔ a nǝl jeni?

Matta 19:3

Nǝngɔ kaam nǝbɔ Farisaɨ a bɛ a daa gǝ woi, sǝ ba jǝ tɛl gǝnɨ. Ja bʌ gǝn gɔ, “A diil bǝnɔ gǝmɨ, n dǝngdǝng nǝl a dem kang a nwala gɔ gǝm, a gola kaa kɛl ka?”

Matta 12:15

Yesu a nyǝm nyɨɨ, nǝngɔ a gun a bǝla daa gɨɨ. Nǝbɔ a lada nyɔ a bwang gǝm, nǝngɔ a gung ji gwamɨ.

Matta 22:17

Sʊwa nǝn, a mʊnɔ bʊʊlalɨgɔ, n dǝngdǝng bǝ ywa Kaisar kemʌn tǝm ka? Ka bǝ ywa lɛ ka?”

Matta 22:19

Jǝ́ nʊng ɨ kemʌn nɨ jǝ ywam kemʌn tǝm lɛɨ.” Nǝngɔ ja bɛ gǝm nǝn kemʌn sǝlǝnɨ.