Matta 22:11 - Dadiya NT

¹¹ “Nǝn kwamagɔ fɔlɔgɔ a dɔ sǝ a dʌng nǝbɨɨ, a kuwo kaa nǝl mɨ nǝn bɛllɛ kangwaalɔ.

Matta 22:11 Referans Kwoze

Dʊgam Nyangnyang 19:8

Lilin nyanɔ a fulo fǝbfǝbɨ, ja nǝ gǝn sǝ ga dʊʊ.” (Lilin nyanɔ gǝ nʊng maatǝm maajɨ nyan a nǝb sagsagɨɨ.)

Afisa 4:24

Bɛ jǝ́ do kanjǝl fɨ nɨ ja fwal jen nǝn na a Kwaamaɨ a mʊgɔ dǝngdǝng jǝbɔ sagsag.

2 Korinti 5:3

sǝ na ja mal bǝm bʊtɔ nɨɨ, mɨsɔ jǝ nya bǝn nɛ sǝlɨgǝn.

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

Dʊgam Nyangnyang 16:15

“Jǝ́ nyʊwa! Mǝ bɛ lɛ na nǝkuu! Bwiligɔ na a nʊ nɨ yǝm nǝn fɛkalɨ, tɨm nǝn dwang dʊʊl gǝnɨ, kage a yɔ kʊnkʊn, a nyʊwa gunidul a talɨ.”

Dʊgam Nyangnyang 3:18

A dul kɛl nɨ mǝ nǝ ń nyiyo lɛ, bɛ ń ten mʊnɔ a daa mɨ woi, wʊnɨ ja saalǝm nǝn kǝlaɨ, sǝ ń yǝlam nǝ shilo. Bɛ ń ten dwang fulontɨnɔ mʊ dʊʊ lɛɨ tag, sǝ ń sɔm kʊnkʊn mʊnɔ nǝn, kage ń nyʊwa gunidul. Bɛ ń ten nwang waatǝmɔ a nu, sǝ ń nya kuwotǝm daa.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Galatiya 3:27

Gwam jenɔ nɨ ja yʊ jen mwɛ sagsagɨ, jǝ́ yǝlam win jǝbɔ Kiristi, jǝ́ do yɨm Kiristii.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.

Matta 13:30

Jǝ́ bǝla ji wo gwam ja dʊʊl dakini ba la nǝn di kʌsotǝmɔ. Na la kwama kʌsotǝmɨ, sǝ n sʊwa nǝb kʌsotǝmɔ ja tǝl ja biyo yǝlagɔ, ja mʊr ja bwabam, ja twɨm, sǝ ja mʊr jaamɔ ja tal a bʌni.’ ”

Matta 3:12

Nǝngǝn nǝn jǝ yutʌm gǝnɔ a kang, wʊnɨ yum bum fǝtɨgɔ lɛɨ, sǝ a mʊr nu jaam gǝnɔ a tal a bʌni. Twɨm twɨm fǝtɨgɔ nǝn kǝla nɨ mɨsɔ dumo lɛ woi.”

Matta 22:10

Bɛtɔ jwaalɛb nɨ ja bwangtǝn daa mʊrkalɨtɨnɔ, ja jo nǝbɔ gwam ja nyaɨ, nǝb nyanɔ, jǝbɔ nǝb bwɨlamɔ, talɨ kangwaalɔ a yii nǝn faabǝm.