Matta 21:43 - Dadiya NT

⁴³ “A dul kɛl nɨɨ, mǝ sʊwa jen nɛ, jǝ yem yem fɔlɔn lɔ Kwaamaɨ a kang jen, sǝ ja nǝ nǝb nɨ maa Kwaama gǝm jǝ nyan nɛɨ. [

Matta 21:43 Referans Kwoze

Matta 21:41

Nǝngɔ nǝbɔ a sʊwa gǝn gɔ, “Ba maa maa bwɨlang nǝb nɨ gǝm jʌtǝm bwɨla, sǝ a nǝ kaam nǝb twam ywatǝmɔ, wʊnɨ ya jǝ nǝ gǝn tʊʊl tɨya gǝnɔ lɛ na ja kwasaɨ.”

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.

Matta 12:28

Na mǝ jǝg nǝblaamɔ nǝn Yʊwa Kwaamaɨ, a nʊng fɔlɔn lɔ Kwaamaɨ a bɛ jem.

Matta 21:42

Yesu a sʊwa ji gɔ, “Jǝ́ kiyo bɔ wo a mʊlalɨ langǝn bwangǝn Kwaamaɨ ka? Wʊnɨ sʊwa lɛ gɔ, “ ‘Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ. Jʊ nɨ n maatǝm Tɛlalɔɨ, n jǝ laatǝm kang a daa bǝn woi.’

Matta 21:44

Nʊ nɨ a yal a dʌbʌl tɛl nɨɨ, kǝlala kǝlala. Na nʊ nɨ tɛl nɨ a yal a dul gǝnɨ, kʊwa gǝn sǝ ga yǝlam na mim.”]